1 Korin 10:4 - Godigo dwagi yai po buku

⁴ Tama augwali tigidaligo te Godigo Tedali Mobo Bidigo augwali mani ąį te augwaligo tuali. Awe, augwaligo te Tedali Mobogo te genuai sau pado masigidu asobo ąį tuali, te masigi augwali dali hodobo pai. Te masigi te Krais aga digi dao.

1 Korin 10:4 Referans Kwoze

Ma Dobola Sali 17:6

Tama ena te moni genuai masigi me deli daide ugwadu te bulu du Horep, tede ena dolaluaibao. Tama nage pąba aselama, te donogo te masigiba elama, tama wę te masigide pedelama, tama te we bidi dabego tumainao,” te po wai. (Te bulu du nogi Horep te gasa nogi me elalubao, te Sainai bulu du dao.) Tama te Israel tobolu bidi dabe augwaligo Mosesgo te tiwai sę ebadi, tama te masigide wę pedelama asobo suai.

Dwagi Yai Gesi Po Jongo Asęani 7:37

Te olo bidibo si silibo side, te genuai side dao, wai. Te tebo side Jisas dolaluyu, bomo olama, i wai, “Bidi me deli ąį nogone ebaso da, te bidi ena pageba aselama, ąį tuagasao.

Aisaia 48:21

Polobadu, Genuai Bidigo aga we bidi dabe te bulu tǫ wa pai pesageba odasa pali, tiali goli augwali wę nogonego me isibeo. Menio. Agai te masigide ąį pedalumainogo ilali. Agai te masigi dalama, te ąį buluba asobode te augwa tuali.

Dwagi Yai Gesi Po Jongo Asęani 4:14

Tialima, bidi me deli eno mabo ąį tuyu da, tigidali sogo te bidi ąį nogone ma egobeo. Te ąį eno mawainogo ebo ąįgo da, te tama tiaibao, te ąį da bidabo bomo mabo wę ulu pedalubo ąǫ te bidi tigi tomode tiwai yaibao. Tama te ąį tigidali sogo pedaliyu, te bidi mu bidada peyu, mu bidada paibao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 105:41

Agai ąį masigide pedela wai. Tama genuai ąį te masigide pedelama, tama te ąį masigi kemi wa pai digi te ąį pai, te genuai ąį bulude asobo tiwai yai.

Godigo Nogi Ugwaba Sabo Tęąbi Po Wabo Buku Dabe 78:20

Mu tama, hasiabolo agai te genuai masigiba elibaso, tama te wę pedelali. Tiali goli, magi ebawe? Agai dabolo te bret meba me te tubo mi magowe?” wali.

Godigo Nogi Ugwaba Sabo Tęąbi Po Wabo Buku Dabe 78:15

Agai te masigi tǫ bulude te masigiba elama, tama te wę aiyadu pedalumainu elama, te augwaligo tuali.

Israel Hanigo Namba 20:11

Tama te Mosesgo te masigi dali po wabe. Menio. Agai te dono selama, si sogo te masigi elali. Tama moni ąį te masigide pedalali, tama te we bidi, me augwa kau me sipsip dabego te wę tuali.

Dwagi Yai Gesi Po Jongo Asęani 4:10

Jisasgo te webolo po wei ponoyu, te po wai, “Nago te God agai te we bidibolo olo mabo nai konegi sogo da, tama ena mena bidigo nagebolo ‘Aį ena mao, ena tueio’ obao konegi sogo da, te si nago konegi sogo da, teda nago ena hanalu olama, eno nagebolo te bidabo bomo elalubo ąį mao wagi da,” Jisasgo te po wai.

Aisaia 43:20

Te bulu uni hasa dabe te uni yowi dabe tiwai, te ba uni dabe me, te augwaligo ena genuai nogi mawaibao, eno te ąį te wa pai bulu pesageba asomainu ilama, pedalubo side, te ena digi eno sa muyu dąį ilali we bidi, augwa te ąį tumainu tiaibao.

Kolosi 2:17

Te tobage bomo yai po tigidali augwaligo sę polobadu elaluali, te dago te nosali asabo bidi asaibao po wabo konemainogo yai. Tama aga asai dao, te Krais dao.

Kraisgo Geme Dualali Sę Pedelabo Po Jonbolo Ola Mani 22:17

Te Godigo Mobo Bidi dali, te Kibu Sipsip Waigo we dali sigo te po obao, “Nage asao.” Tama e po odali we bidi tigidali augwaligo me te po wao, “Nage asao.” Tama te wę nogone ebo bidi, aga asomainao. Wę tuainogo ebo bidi, aga aselama, te bidabo ula mabo wę tuagasao, te Godigo agabolo olo mu mawaibao.

Hibru 10:1

Te Juda dabego ofa mabo bomai pode dago te nosali pedalabo dagalude elalubo wiegi yai nai dabe noma naga subao. Te bomai po da, te nai dabego te hania piksa noma mu menio. Te bomai pogo te po wai, augwaligo te deli tigi poai ofa naga te tigidali sogo yao wai, te tigidali kibu bede me te yao wai. Tama te ofa maiabo bomai pogo te we bidi augwali te God pąba asomainogo dodolobo te usu egobeo. Te bomai pogo augwali te wiegi yai mu munu me pedalogobeo.

Bomai Po 9:21

Dagego te kau kibu wai geselama, tama dage sęgę sali. Tama tibaso, eno te kau kibu selama, tama eno isiba sąwani, tama eno tigidali miminama, tama tigidali tama hogomu tiwai gagawali, tama eno te hogomu te bulu dude gomo elalubo węba aiyaba gea palali,” Mosesgo te po wali.

Galesia 4:25

Tama Hagar da, te Arebia tǫde elalubo bulu du nogi Sainai dao. Tama gasa piksa mede, te we Hagar te megi elalubo hanu Jerusalem tiwai dao, te hanude bidibo we bidi augwali te bomo yai po dologode dąų weyu bidibo dao.

Daniel 2:38

Agai nago te tigidali tǫde bidibo we bidi hani, me tigidali hasa sibi, me ba sibi, te tonalumainu ebo bidi nigali. Te nade te augwaligo te tobolu golgo nigali tiwai, te nage digi dao.

Tigidali Nai Gagalama Nigali Side 41:26

Te nisali bulmakau a naga olama, me si, te kibu be a naga olama, me si dao, tama te wiegi yai yuyu sia dabe me te tiwai, te kibu be a naga te me si tama. Augwali te page deli tiwai elaluali.

Tigidali Nai Gagalama Nigali Side 40:12

Josepgo te po wali, “Te na page e tiwai dao, te wain nologo sela wali, te sela sogo bodolu mani.

Daniel 7:17

“Te genuai hasa me si me si tego dąį ilali, te bomai bulu tǫ kantri pedai me si me si pedelaibao,” po wali.