1 Korin 10:22 - Godigo dwagi yai po buku

²² Dago augwaligo te tibo god bagebolo ofa mani nai tuyu da, teda dago te Godigo da dali dwai homu ebo sę ilaibao. Dago bomogo agai bomo aiyaba elalubo da, agawe? Te dago bomo usu menio.

1 Korin 10:22 Referans Kwoze

Bomai Po 32:21

Augwaligo tibo god dabe wali pabo, teda augwali olo nai mu dao. Tama augwaligo te dwai kolesagago ena sębę elama, augwaliba wado homu emainu yali dao. Tama tialima, eno te bidi hani me deli, augwali nogi meni yai hani, te olo nai tiwai o augwali polobo bidi dabe tiwai, tama augwali eno tagala palama, tama te Israel dabe haliga tigi dolomainu elama, wado emainu tagala palaibao.

Bomai Po 32:16

Augwaligo tibo godiba lotu po weyu yali. Tama augwaligo te dwai kolesagago Genuai Bidi sębę ilama, tama augwali dali wado yali.

Hibru 10:31

Te bidibo ula elalubo God agai da dąų weyu, te dwai dene ebo te dabolo wei ponainogo eyu da, te dwai wi mu ebo nai dao.

Esekiel 22:14

Te sogo dage wi dwai mu eyu, te dage dili elama, me dolalugobeo. Mu menio. Ena Genuai Bidi, eno te ena wali po tiwai gilama yaibao.

Kolesaga Koneai Bidigo Pusali Po Elalubo Buku 6:10

Tigidali nai pedalubo, te odolali me pedalubeo. Menio. Polobadu mu Godigo po weyu, te augwali pedelao wali gilama, te augwali pedalubo sę ebao. Te Godigo da bidigo kolesaga koneanio. Tibaso, dago aga dali konila po me wagobeo. Magi baso meni, te agai bomogo dago bomo aiyaba elaluai dao.

Sefanaia 1:18

Tama te bubugade Genuai Bidigo sębę hania haninama, mu suaibao. Tama augwaligo silva me gol dabego augwali tau me sogobeo. Mu menio. Genuai Bidigo sębę te dwai isi tiwai pedelama, tama tigidali tǫ dela silaibao. Tama deli sogo tama agai tǫde we bidi sese tama mu silaibao.

Aisaia 45:9

Mena bidigo te Godigo aga nigalide wado po wabo bidi da, te bidigo kolesaga te umuna sai mu yali, magi baso meni, da bidi te olo nai gagawai dao. Da te tǫgo nigibo sene pepeda pelama, e tǫde tedali munalua pabo tiwai elalubao. Te tǫgo nigibo senego te nigibo bidiba te tiwai po hanalu, “Nago magi nai nigibawe?” po wagawe? Menio. Te tǫgo te po wabo homu yaibao, “Nago te nai nigibo konesiąwai dao,” te tobage po wabo usugowe? Mu menio.

Godigo Nogi Ugwaba Sabo Tęąbi Po Wabo Buku Dabe 78:58

Augwaligo te tibo godigo alta dabe nigali, tama te tebogo te Godigo wado po omainu ilali. Augwaligo te tibo god dabe nigilama ebaso, tama Godigo augwaliba dwai haliga yai dao.

Jopgo Po Asęani Elalubo Buku 9:4

Godigo haniani dwagi yai kolesaga dabe, me dwagi yai homu kolesaga, tama bomo me elalubo, tama dęą sogobeo. Tialima, niwai bidigo Godigo bomo dali, kolesaga dali si usu selama, God edelaibawe?

Josua 24:19

Tialima, Josuago augwalibolo te po wei ponani, “Te dagego homugo te Genuai Bidiba lotu po wabo homu ebawe? Aga te magi dwai sę isiąma, tama agai homugo te dagego tibo godiba lotu wabo hagela homu ebao. Agai homu te tibo god me deligo aga me hasegelegobeo. Te agai dagego sęgę me dwai sę yali te me sela sągobeo.

Bomai Po 6:15

Ma, dagego te tibo god dabeba lotu po wali da, teda Genuai Bidi agai sębę mu elama, tama agai dage te isigo dwai dwai nai dabe dela silibo tiwai tama dela silaibao. Magi baso meni, God dago Genuai Bidi da dali megi bidiyu, tama agai dage gasa god meba lotu omainu sula tagalogobeo, mu menio,” wali.

Bomai Po 4:24

Dagego te tama tilamuo. Magi baso meni, God dago Genuai Bidi, aga deli naga te God mu dao. Tama agai dage te gasa tibo godiba me lotu omainu sula tagalogobeo. God aga da, te posolai isi tiwai mu dao, tama agai aga boi bidi dabe ulama daibao,” wali.

Ma Dobola Sali 34:14

“Ena Genuai Bidi, tama dagego ena deliba naga lotu po wao. Dagego te tibo godiba lotu po me wagimio. Magi baso meni, te tibo god me deligo ena bidibo hasegelainogo ebaso, te eno aga me gogologobeo. Tede ena sębę mu yaibao.

Ma Dobola Sali 20:5

Nago te tibo godiba, me te noma bidiba kidu sugunama, lotu me wagimio, magi basowe, ena Genuai Bidi Yawe te ena nago God, tama ena te tibo godigo hasegelemainogo ebo usu me egobeo. Mu menio. Tede eno hagela homu mu ebo dao. Tama ena hagela mu homu ebo we bidi dabe, augwaligo te naide magi sę yai elalubaso, te eno augwali dene iliyu, tama augwaligo wai hani sela, me me si me si nosali pedelabo hani, augwalibolo me te mabo dene tiwai ilaibao.

Te Israel me Juda Hani Sigo Tuni Bidigo Po Elalubo Buku Deli 14:22

Te tama tibo sogo, te Juda hani we bidi dabe augwaligo te Genuai Bidi Godigo gedude augwaligo te dwai kolesaga ebo sę umabo mu yali. Augwaligo tama tibo kolesaga ebogo te Genuai Bidi God agai augwali dali haliga sębę dwai mu yali. Polobadu augwa wąį nǫų dabego sęgę sali kolesaga tiwai gilama yali, tama tede Genuai Bidigo sębę yai dao. Tiali goli, megi te e hanigo te yali dwai kolesagade te Genuai Bidigo sębę moni genuai mu yai.

Jeremaia 7:19

Tialima, ena Genuai Bidigo, eno te po obao, augwaligo te dwai sę enabolo me ebeo. Te augwa digi dwai sę ebao, augwa te ebo kolesagade augwa hale dwai mu saibao.

Jeremaia 44:8

Dage Isipba bidagaselama, dagego te tibo god dabegopiksa nigilama, te wiegi yai denami ebo ofa te god dabebaebo dao. Dagego te tebo kolesagade ena haliga sębę dwaimu ilibao. Tibaso, te dage dolaibao. Te gasa tǫ kantribulu we bidi dabego dageba dwai posobo po waibao. Te augwa boi bidi dabeba dwai po wabo sogo da, tedaaugwaligo te po waibao, ‘Dage te Juda dabe dolali tiwaigilama yagameo,’ te po waibao.