1 Korin 10:18 - Godigo dwagi yai po buku

¹⁸ Dagego te Israel dabe augwaligo yali kolesagade homugo kone palao. Godigo augwaligo yali dwai sę sela sąwainogo eyu, tama augwaligo te sipsip dali meme dali selama, tama te pris bidi dabego nogoba mawai. Tama menama, tama te pris bidi dabego te nai dabe ela munama, tama te mi te alta sai ugwadu daiba muyu, tama siago uluyu, tama Godibolo ofa tama mawai dao. Tama tiyu te nai sesali bage dali, te pris bidi dabe dali, augwali tigidaligo te altade ofa mani nai tuyu deli hani naga bidiyu tama bidali.

1 Korin 10:18 Referans Kwoze

Galesia 6:16

Tama eno homugo te eno megi tamadi wali po wali pabo we bidi tigidali, te Godigo augwalide homu dene eyu, tau sao, augwali moni homu isiąma bugagia bidimainogo yao. Tama te tobage we bidi augwali te Godigo dią sali Israel we bidi hani mu dao.

Pris Sę Ebo Bomai Po 7:6

Te pris hani dabe mena bidigo tuabo homu godolo ebaso, aga te ofa yali sipsip mi tumainao. Te Godiba dolo ofa tama ebao, agai te pris dabebolo dąį ilali. Tama tialima, augwa te Godigo sel Ugwa Be obo tomode tubaso usu dao,” wali.

Pris Sę Ebo Bomai Po 3:11

Tama prisgo te nai dabe te alta sai daiba ulao, te Genuai Bidiba ofa tiwai dao.”

1 Korin 9:13

Te Moni Lotu Be tempel, te bede sę ebo bidi dabe, augwaligo te bede augwa nai sela tubo dao. Tama tiyu te Juda we bidi augwaligo te Godibolo maiabo nai magaselama, tama te be tomode te alta saide te nai Godibolo mabo sę ebo bidi dabe augwaligo da te alta saide ulubo nai hasa mi meba te sela tubo dao. Tama tiyu augwaligo augwa nai abelebo menio, te augwaligo Godigo sę ebode augwa nai tama sabo dao.

Polgo Po Pas Rom Dabeba Asęani 4:12

Tama aga te tigiwali togosiąwani bagego wąį naga ebeo. Menio. Aga da te da Juda dabego wąį mu me dao, te da te dena tigiwali togolama tama Abrahamgo sągądu wali pabo Juda bage, dago te konealubo po dąų wali. Tama tiyu te aga tigiwali togosiąbadi te sogo agai tama tiwai kolesaga dago yai dao.

Polgo Po Pas Rom Dabeba Asęani 4:1

Awe, te Abrahamde me te tiwai pedalali. Abraham aga te da tiwai bidi, tama aga da Juda dabego wąį mu dao. Tama dago agade homu kone paluyu, tama Godigo bidi doloba pai bidi ilibo kolesaga page dago bugagia koneagameo. Agade magi sę pedalaliwe?

Polgo Po Pas Rom Dabeba Asęani 1:3

Tama te wiegi yai gesi po te aga Ogwade wabo po dao. Te aga bidi mu pedalama bidibode, te aga wąį mu Devitgo hanide pedalali.

Pris Sę Ebo Bomai Po 7:7

“Te dwai sęgę sela sąbo ofago bomai po me, te dobo kolesaga silimainogo ebo ofago bomai po me, te si te augwa bomai po dedeli naga elalubao. Tibaso, prisgo te kibugo ofa ebo side te tobage ofa si yaibao, aga digi te ofa ebo bulmakau mi ma sipsip mi somainu ebo dao.

Bomai Po 12:17

Dagego te nai dabe da tuiagameo. Tiali goli, dagego Genuai Bidigo ofa duga bulude tulamuo. Te ofa nai dabe da e dao. Te nogo si wabo te wit dabe, me te wain, me oliv wel, me te kau kibugo gomunai wai, me sipsip kibugo gomunai wai, me te dagego Genuai Bidi dali dąų wali po usu nabo, te nai dabe me te duga homugo mabo, te ofa me te gasa meba ofa dabe.

Hibru 13:10

Dago ofa ebo alta sai tiwai elalubao, tama tede dago Godigo nogi ugwaba sabo po wabogo te ofa tiwai agabolo mabo dao. Tama te Juda dabego pris bidi dabe augwaligo augwa lotu wabo te ugwa bede sę eyu, augwaligo te dago ofa tiwai ebo kolesagade sę meni.