1 Korin 10:14 - Godigo dwagi yai po buku

¹⁴ Tama tibaso, eno abagi dede dabe muo, dagego te tibo god lotu beba nai tugi pabo kolesaga wi eyu tagalama, tama te kolesaga tudiba muao.

1 Korin 10:14 Referans Kwoze

Kraisgo Geme Dualali Sę Pedelabo Po Jonbolo Ola Mani 21:8

Tiali goli te wi elama tama Godigo po wali pabo tagalabo homu eyu, ma geasa painogo ebo bidi dabe augwali me, te Godigo pode augwaligo homu dąų wasiąbo bidi augwali badi, te haniani dwai dwai kolesaga mu ebo bidi badi, tama te bidi ela mubo bidi, tama te penani kolesaga ebo bidi, tama te dwai pobi elalubo bidi dabe, tama tibo god dali lotu po wabo bidi, tama tigidali tibo po wabo bidi, te augwaligo sabo bulu te genuai posolo mu yai sia dabo dedage page masigi salfa teba bidigi paibao. Te isibo te si sogo wali isabo dao,” agai te po wai.

1 Jon 5:21

Eno wai dabe, dua dao. Dagego te tibo god dabe wali pidali weyu, dagego duga digi bugagia paliąo. Te tama dao.

1 Pita 2:11

Eno abagi dede mu, eno dage tau somainogo bomo eyu e po dagebolo obao. Dage da e tǫba tamadi tama asai osogo bidibo we bidi dao. Tama tibaso, dago tigigo e tǫde ebo dwai dwai sę egimio. Te tobage dwai sę dabe augwaligo da aiyaba elaluai hagede da dali hwįbo dao.

Kraisgo Geme Dualali Sę Pedelabo Po Jonbolo Ola Mani 22:15

Tiali goli te dwai dwai kolesaga ebo bage, augwali te yowi dabe tiwai da, augwali me, te pobi po wabo bidi dabe me, te penani kolesaga ebo we bidi me, te bidi ela mubo bidi dabe me, te tibo god dali lotu po wabo bage, tama te ili po wabo kolesaga godolo eyu wali pabo bidi dabe, te dwai kolesaga wali pabo bidi dabe augwali te Godigo hanu bulu badu bidaibao.

2 Korin 7:1

Eno ama dede muo, dago te Godigo te da dali dąų wali po dabe tama salio. Tama tibaso, dago dena tigide me homu elalubo meda tigidali sela sąnama tama wiegi yai tedali bidinao. Tama dago Godide wi elama, tama wiegi yai doloba pai kolesaga mu naga sesemane sogo wali pinao.

2 Korin 6:17

Tama Genuai Bidigo te aga we bidigo te dwai sę ebo bage tagalamainogo eyu po ma wai, “Tama tibaso, dagego augwali tagalama, tama gasa madi bidigi pao, tedali mu bidao. Tama dagego te augwaligo dwai sę yabo meda yai nai munu me tolamuo. Tama ena digi eno dage saibao.

Kraisgo Geme Dualali Sę Pedelabo Po Jonbolo Ola Mani 13:8

Tama te we bidigo polobadu ela muani kibu sipsip wai agai te genuai buku elaluyu bidibo dao. Tama te bukude agai te agade konealubo po dąų wali we bidi augwaligo nogi agai asęai dao, te polobadu mu, te Godigo te tǫ nigisiąbadi, tama augwali isisąma gamonaibao. Tiali goli te bukude nogi asęsąwai we bidi, augwali tigidali augwaligo te moni hasa lepat tiwai yai dwai hudigi ebo hasa aga nogi ugwaba siyu, tama agabolo lotu po waibao.

Kraisgo Geme Dualali Sę Pedelabo Po Jonbolo Ola Mani 2:14

Tiali goli eno po meba nage dali elalubao. Nage dali bidibo bidi meba, augwaligo te bidi Balamgo kolesaga wali pabo dao. Tama te Balamgo kolesaga e dao. Polobadu bidibadi agai te tuni bidi nogi Balak agabolo te Israel dabe gea gano bilabo kolesaga ola mawai. Tama ola menama, tama Balakgo te Israel we bidi homu hodolama, tama augwaligo te tibo god dabebolo ula mani nai tuyu, tama augwaligo te penani ebo kolesaga emainogo yai.

1 Korin 10:7

Tama suyu, tama dagego te tibo god dabebolo lotu po munu me wagimio, te augwali tomode mebago yali sę tiwai me egio. Te bukude te augwaligo te tibo god dali yali sęde e po wai dao: “Te we bidi augwali dualama te nai tuyu wę tuyu elama, tama augwali hogodama tama augwaligo tęąbi yali.”

2 Korin 11:11

Magi baso eno tama obawe? Eno te dagego masigi sisąbo kolesaga ebogo te eno dage dali dwagi yai homu isąyu godolo mu isąyu bidibo te waselebo dawe? Menio. Eno dage dali dwagi yai homu eyu godolo ebo kolesaga ebo, te Godigo koneai dao.

Polgo Po Pas Rom Dabeba Asęani 12:19

Eno abagi dede muo, te augwaligo dwai sę dagebolo ebo te duga digi wei munu me ponamuo. Te menio. Dagego te Godigo sębę ebo sę augwalide emainogo sula tagaliąo. Magi baso meni, te Godigo po bukude agai te po wai, “Te dwai sę wei ponobo kolesaga da, te eno sę dao. Ena digi te eno dwai dene wei augwalibolo ponaibao, Genuai Bidigo te po wai.”

Filipai 4:1

Eno ama dedeo, te Krais e tǫba ma asama, tama da dali wiegi yai sę yaibao. Tama tibaso, dage aga dali polobadu wadolama tama megi bomo elama dolaluiąo. Eno dage dali wiegi yai homu mu pemene ebo dao, tama eno dagede homugo ma kone palobo si eno homu dene ebo dao. Dagego ena homu dwagi yai ilibo dao. Dage da, te eno bulali nai du walali tiwai dao.

2 Korin 12:15

Tama dwagi yai homu eyu, dage tobade eno ena nai tigidali maiabo homu elama, tama ena bidibo ula me maiabo homu ebao, te dage tau sabo homu ebao. Eno dage dali dwagi yai homu eyu godolo mu ebo kolesaga genuai mu ebaso, tama te dagego magi baso ena dali homugo dwasianu naga kone palobowe?

Filemon 1:1

Ena Pol da. Tama eno we bidibolo Krais Jisasde po weyu, tama augwali mebago hagela eyu, tama augwaligo ena kalabus beba muani. Tama ena te kalabus bede bidibadi, te ena dali, dago abagi Timoti dali, da sigo e pas asęnama, Filemon nagebolo tolobao. Nage dago dwagi yai abagi mu, da dali deli sę ebo bidi dao.

2 Korin 12:19

Dagego eno tamadi asęani po tigidali tede homugo kone palama, tama tede dagego e tiwai homu idubadi bogo, ‘Te wali pogo te Pol agai aga nogi tau sabo sę naga ebao.’ Tiali goli te mu menio. Dagego da dali po tų eyu, tama dena yali sę osola suabo bidi dabe meni. Abagi mu dede, da Krais dali wadolama tama Godigo gedude dolalubadi, dago te po tigidali dagebolo asęna tolobao. Tama tiyu dage tau somainogo eyu dago te po dagebolo asęna tolobao.

Godigo Sęba Tagala Palai Bidigo Po 15:20

Me ma, dago augwalibolo pas tolinao. Tama te pas tomode te po wainao, ‘Dagego te augwaligo te tibo godibolo ula mabo nai te dagego tugimio, dagego kibu me agai kaneme gelisąwai kibu tugimio, kaneme me tugimio. Te we sabo bomo yai po bolama, dwai penani sę egimio,’ waibao.

1 Korin 5:11

Tiali goli eno asęani po page te e tiwai dao: te bidi me deligo aga dage dali ama da wabo bidigo te we sabo kolesaga dolobo me, agai te gasa bidigo naide pesa eyu, me agai tibo godibolo lotu po weyu, me agai posobo po obaso me, ma agai bomai wę tubaso, ma agai te gasa bidigo nai anoma elama te tigidali kolesaga ebaso da, teda dagego aga dali kisasa biligio, aga dali abagi me wagio. Menio. Dagego te tiwai sę ebo bidi dali te nai me munu me tulamo dao.

1 Korin 10:15

Dagego kolesaga elalubaso, tama eno dagebolo te po obao. Duga digi eno pusubo po dagaliąo. Eno po e dao.

1 Korin 10:19

Eno magi homu elama tama te po waliwe? ‘Te tibo god me aga mu bidibao, te agabolo ofa mabo tubo nai me te sęgę nai mu dao,’ eno te tiwai homu elama te Israel dabego Godibolo ofa mabo kolesagade po waliwe?

Hibru 6:9

Te abagi dabe mu, megi eno e sęgę yai po dagebolo wali goli, eno mu koneani, homu si meni, te dage te tiwai me dologobeo. Menio. Eno e homu dage dali ebao, te dagego te dwagi yai tų wali peyu tama Godigo dage ma dobola saibao.