1 Korin 10:12 - Godigo dwagi yai po buku

¹² Tama tibaso, dagego duga digi bomogo bugagia dolalubo usu da homu eyu da, teda dage tulaluyu dolidali weyu dage bugagia suao.

1 Korin 10:12 Referans Kwoze

Polgo Po Pas Rom Dabeba Asęani 11:20

Awe, te mu dao. Tiali goli, te augwaligo Kraisde konealubo po dąų me wasiąwani, tama te tialigo naga agai augwali togwa sąwai. Tama dagego konealubo po dąų obaso, tama dage bugagia bidibao. Tiali goli dua dao, dagego hagoma me elamuo. Te dage wi iyąo.

2 Pita 3:17

Abagi dede dabe mu, dagego te tibo po ola mabo bage nosali pedalabo te polo konealigo da, teda dagego duga digi bugagia tonaluao. Tiyu te bomo yai po sela sąbo tibo po wabo bidi dabego dage te geda muani poba kegelama tama dage pasega sąyu tulaluidali weyu, bugagia suiąo.

Bugagia Bidibo Kolesagade Po Asęai Buku 16:18

Te hagoma ebo kolesaga eyu, tama naga digi naga nogi ugaba siyu da, te nage tulaluama tama dolabo sę ilaibao.

1 Korin 8:2

Te bidi me deligo agai te nai me deli mu koneani homu ebaso da, teda te bidigo koneani kolesaga sǫą pali, te usu yabo me elalubao.

Bugagia Bidibo Kolesagade Po Asęai Buku 28:14

Te bidi Genuai Bidide wi eyu, aga dologode sesemane sogo bidibaso da, teda aga wiegi yai homu pemene yao. Tiali goli, te bidigo hagoma elama, tama Genuai Bidigo po sela sąbaso da, te agaba dwai sę agaba gegagasaibao.

Dwagi Yai Gesi Po Lukgo Asęani 8:18

Dagego te po odoyu, mu dua dao. Bidi mego nai meba tolalubo bidi yai baso da, teda Godigo agabolo gasa nai me ugadu daganama mawaibao. Tiali goli, bidi mego nai me deli menibadi goli, te dwasianu aga tobade munaluba homu yali nai sela paibao,” Jisasgo te po wali, te bidi dabe augwa homu agaba muani bidi dabeba magi paibao po wali.

Kolosi 2:8

Dage dua dao. Bidi dabe meba augwaligo te tǫde bidigo olo homu kolesaga, te we bidibolo tibo po ola mabo homu kolesaga, augwaligo dagebolo te tobage dwai homu kolesaga ola menama, tama te homu kolesagago dage dąų waidali weyu, dage dua dao. Te tobage homu kolesaga te Kraisgo ola mabeo. Mu menio. Te tobage olo homu kolesaga te bidi dabego polo wąįgo ola mani kolesaga dao, me te tǫ dali dagalu dali si tonalubo dwai genuai mobo bagego ola mani homu kolesaga dao. Te Kraisde sabeo.