1 Korin 1:4 - Godigo dwagi yai po buku

⁴ Eno gedu haluasa po weyu, tama tigidali sogo eno te ena Godibolo dagede puba hwi po wabo dao. Magi baso meni, dage Krais Jisas dali wadolobaso Godigo dage olo tau siduai dao.

1 Korin 1:4 Referans Kwoze

Polgo Po Pas Rom Dabeba Asęani 1:8

Hasia eno e po bolo dagebolo wainogo ebao: te tigidali gasa tǫ badu bidibo bidi dabe augwaligo dagego Kraisde konealubo po dąų olama bidibo po mibo dao. Tama tibaso eno te po mibode homu koneyu, tama Jisas Kraisgo nogide te eno usu da po weyu, te eno Godibolo gedu haluasa po wabo dao.

Dwagi Yai Gesi Po Jongo Asęani 14:26

Tama dage tau siyu bomo maiabo bidi mu da te Godigo Mobo Bidi dao. Tama eno nogide Ayago te Mobo Bidi tagala palaibao. Te Mobo Bidi agai dage tigidali sę ola mawaibao. Tama agai dagego homu kolesaga ma hodoloyu, tama eno wali po tigidali dagego homugo ma koneaibao,” Jisasgo te po wai.

2 Timoti 1:14

Tama dago Genuai Bidigo olo tau sabo wiegi yai kolesaga umabo mu enabolo eyu, tama agai enabolo te agaba homu begi pabo bomo me, te we bidi dali dwagi yai homu eyu godolo ebo kolesaga me, te kolesaga si agai enabolo olo mani. Da Krais Jisas dali wadolobaso, tama te kolesaga si agai dabolo mani.

Polgo Po Pas Rom Dabeba Asęani 6:17

Mu tamao, polobadu dage te dwai sę ebo kolesagago sę bidi bidali, tiali goli nosali augwaligo dagebolo Godigo po ola menama, tama dage homu mu eyu te po wali mu pabo gagalali. Te tama tebode dago Godibolo usu da po olama gedu haluasa po wao.

Dwagi Yai Gesi Po Jongo Asęani 15:26

Te Jisasgo po me weyu, te po wai, “Te tau mabo Mobo Bidi eno Aya dali bidibo. Tama eno aga dage bidibo digi tagala palaibao. Aga mu po naga wabo Mobo Bidi dao. Tama aga aselama, agai te we bidibolo enade po ola mawaibao.

Dwagi Yai Gesi Po Jongo Asęani 14:16

Tama eno te Ayabolo hanaluama, tama agai dage tau selama, gasa tau sabo bidi dagebolo mawaibao. Tama te bidi dage dali bidada peyu, bidada paibao.

1 Korin 1:3

Eno homugo dago Aya God dali, te Genuai Bidi Jisas Krais dali, augwali sigo te augwa olo tau sabo kolesaga me, te bidi homu dua digi nagame ilibo kolesaga dali si te dagebolo mao.

Godigo Sęba Tagala Palai Bidigo Po 11:23

Tama aga Antiok buluba sabolama, suali, Godigo we bidibolo dwagi yai sę yali. Barnabas agai bugai homu pemene mu yali. Agai augwalibolo te po wai, “Dagego Godigo po wali bugagia piąo. Dagego te po tagalamuo, homu si egimio,” agai te po mobo mani.

Dwagi Yai Gesi Po Jongo Asęani 14:14

Dagego eno magi sę me deli emainogo, eno nogide gedu haluasa po weyu da, eno te dagego po odolama, te sę yaibao,” Jisasgo te po wai, aga bidi dabe dali.

Dwagi Yai Gesi Po Jongo Asęani 10:30

Ena dali Aya dali si page deli tama dao,” Jisasgo te po te Juda bage dali wai.

Godigo Sęba Tagala Palai Bidigo Po 21:20

Tama Polgo te po ola silama, augwaligo Godigo nogi ugwaba sali. Bidi me deli hodaluama, Polbolo agai te po wai, “Dago ama, nage bugagia koneao. Umabo Juda hani we bidi augwaligo homu Jisasba mu muai elalubao. Tama augwaligo bomo elama, Mosesgo bomo yai po tigidali wali pabo da.

Matyu 19:11

Tiali goli agai augwalibolo te po wai, “Te bidi tigidaligo te we sisąbo po me sabo usu egobeo. Menio. Godigo te bidi mebabolo naga te po mabo dao.