1 Korin 1:17 - Godigo dwagi yai po buku

¹⁷ Tama Kraisgo ena tagala palali te we bidi baptais emainogo tagala palobeo. Menio. Agai ena tagala palali eno te Godigo wiegi yai gesi po te we bidi augwalibolo pusumainogo tagala palali. Tama tiyu agai homugo eno te tǫde koneai bidi dabego wabo pogo agai gesi po page ola menamuo te homu yai. Te Krais aga te ni pedaide isibogo bomo eno dolidali weyu tama eno te tǫde koneai bidigo po pusubo kolesaga wali pabo meni.

1 Korin 1:17 Referans Kwoze

1 Korin 2:1

Tama eno ama dedeo, polobadu hasia ena dageba asama, tama eno Godigo geme dualali mu po te dagebolo pusagasali, tiali goli eno te haniani pogo te dage homu begelemainogo me wabeo. Tama eno te koneani genuai genuai kolesagade te po dagebolo me pusubeo.

1 Korin 2:13

Tama tibaso, dago te Godigo Tedali Mobo Bidi elalubo we bidibolo te Godigo olo maiabo naide po hanilama pusubadi, dago te bidigo homude selama dago te po me wabo meni. Menio. Te Tedali Mobogo digi da ola menama, tama dago te po ola mabo dao.

2 Pita 1:16

Te dago dagebolo te dago Genuai Bidi Jisas Kraisgo bomo dali, aga nosali ma asobo po dali, te po si polobadu ola mobadi yaide, te dago te bidi me aga homugo naga olo nigali po wali pelama, tama dagebolo te Kraisgo po ola mabeo. Woo, te menio. Dago suali, Godigo genuai ula dali bomo dali te dago gedugo suai.

2 Korin 10:10

Mu tama, bidi meba augwaligo enade tama tiwai po obao, “Awe, te agai asęna tolobo pasde sęgę yai po elaluyu, tama bomo elalubo po me elalubo dao. Tiali goli aga digi sabalobo si tama dago aga digi suyu bomo meni yani, tama agai po te olo nai tiwai dao.” Te tama po wabo dao.

2 Korin 4:2

Menio. Dago te geme dualama hale ebo kolesaga te tudiba muanio. Te tibo po wabo kolesagade da me bilibeo. Tama dago Godigo po me hasegelegobeo. Menio. Dago mu po hanilama mu pusubo da, tama tigidali bidi deli deli augwa homugo dago pusubo po mu po dao konemainogo ebo dao, tama augwa dago ebo sę God gedude konemainogo ebo dao.

Dwagi Yai Gesi Po Jongo Asęani 4:2

(Tialima, Jisas aga digi agai te we bidi baptais mabeo. Jisas aga wali pabo bidi augwaligo naga te we bidi baptais mawai.)

2 Korin 11:6

Mu tama, eno te Grik dabego po bugagia pusubo kolesaga te me konesiąwani, tiali goli te magigo menio, eno te Kraisde homu kolesaga me sǫą pabeo. Mu menio. Tigidali sę ebode dago dagebolo hania ola mawai dao, dago Kraisde kuna mu konebo dao.

Godigo Sęba Tagala Palai Bidigo Po 10:48

Tama Pitago te hanibolo te po wali, “Megi dage Jisas Kraisgo nogide baptais sagameo.” Tama tilama, augwaligo agabolo te po wai, “Nage da dali hodobo si sela sogo bidao,” wali.

Dwagi Yai Gesi Po Jongo Asęani 4:1

Te sogo Farisi bage augwaligo po me deli odai, “Jisasgo te we bidi hauwa selama, tama augwali aga wali pobaso, augwaligo baptais sali. Tama Jisas agai te sęde Jon aiyaba elaluai,” te Farisi bage augwaligo te po odai.

2 Korin 1:12

Dago wiegi yai homu pemene ebo sę e kolesaga delide ebo dao: dago homugo hanilama po pusuyu da, te magi dwai sę isąbo te wiegi yai kolesaga me tama te Godigo da mabo te meda isąwai homu kolesagade bilibo po pusubao. Te e tǫde bidigo koneani kolesaga te dago wali pabeo. Menio. Te Godigo olo mayu tau sabo wiegi yai kolesagago naga da tau selama, tama da te tiwai kolesagade bilibao. Tama da te kolesagade te tigidali bidi tomode bilibo dao. Tama dageba dago te kolesaga me mu ela pidu geai dao.