1 Jon 5:14 - Godigo dwagi yai po buku

¹⁴ Da Godigo gesabide bidiyu, tama dago aga dali homu si ebo menio. Magi baso meni, magi nai po aga dali gedu haluasa po weyu, tama dago aga homu wali peyu da, teda agai dago te gedu haluasa po wabo odobo dao, te dago mu hania konebo dao.

1 Jon 5:14 Referans Kwoze

Dwagi Yai Gesi Po Jongo Asęani 14:13

Tama dagego magi nai po hanalu obaso da, Godigo aga Ogwade moni nogi somainogo, te eno dage tau saibao.

Jeremaia 33:3

Te nago enaba i wao, tama eno nago te gedu haluasa po wabo wei ponaibao. Te geme dualalubo genuai nai dabe, te nago konesiąwani nai dabe po te nagebolo pusaibao.

Dwagi Yai Gesi Po Jongo Asęani 15:7

Dage ena dali wadolama bidiyu, tama eno wali po dage dali bidiyu da, tiali dagego magi naide hanalu obaso da, tama te eno dagebolo mawaibao. Dagego homu koneani gilama, dagebolo tama pedelaibao.

Matyu 21:22

Tama dagego konealubo po dąų olama gedu haluasa po weyu da, teda te nai dagego sainogo gedu haluasa po wabo, te nai dagego saibao,” Jisasgo te po wai dao.

Godigo Nogi Ugwaba Sabo Tęąbi Po Wabo Buku Dabe 34:17

Te doloba pai we bidi dabego te Genuai Bidiba usu da weyu, gedu haluasa po obaso, tama agai augwaligo wabo po odobo dao. Agai augwali tau siyu, te sęgęgo augwali me elalugobeo.

Jems 4:3

Tama me sogo dagego Godibolo te nai sainogo po hanalu obadi digi, dagego te nai sabe dao. Magi baso menio. Geda muyu, dagego homu dolo pisiąwai, dwai sę emainogo, duga tigi tobade, duga haliga tobade naga te nai sai hagede te dagego homu dąų ola sabo nai sainu te dagego God te naide hanalu wabo dao. Tiali goli agai dagebolo mabe.

Dwagi Yai Gesi Po Jongo Asęani 9:31

Dago koneai, Godigo te dwai sę ebo bagego hanalu wabo po odobo menio. Tialima, bidi me deligo agai Godide wi eyu, Godigo po odoyu, Godigo homu wali pabo bidi, te bidigo hanalu wabo po Godigo odobo dao.

Efesus 3:12

Tama dago Krais agai te wiegi yai sę ebo suyu, tama dago homu kolesaga tigidali agaba muyu, tama aga dali wadolobaso, tama wi esiąyu, homu si esiąyu, tama da God pąba olo pabo da.

Dwagi Yai Gesi Po Jongo Asęani 16:24

“Polobadu dagego eno nogide magi nai sainogo hanalu obeo. Tama dagego homu dwagi yai mu emainogo, tama megi hanalu wao, tama te nai God agai dagebolo mawaibao,” Jisas aga sę bage dali te po wai.

1 Jon 2:28

Awe, eno wai dabe, dage aga dali bidao. Magi baso meni, nosali aga hania pedalaibao, te sogo da bomo elama dolaluaibao, te aga ma asobo sogode, te tama da hale eyu geme duala sogobeo.

Bugagia Bidibo Kolesagade Po Asęai Buku 15:29

Genuai Bidi te dwai kolesaga ebo bidi dabede te digibulu bidibao. Tiali goli, agai te doloba pai bidi dabego gedu haluasa po waboba olo mubo dao.

Jems 5:16

Tama tibaso, dagego duga dwai sę yali te duga ama dabebolo pusao, te duga hasi tau somainogo Godibolo te po hanalu wao, te God agai dage dwagi yai ma usu ilimainogo yao. Tama tiyu, te doloba pai bidigo gedu haluasa po wabode bomo elaluyu, tama agai te gedu haluasa po wabogo te we bidi tau sabo sę ebo usu yaibao.

Godigo Nogi Ugwaba Sabo Tęąbi Po Wabo Buku Dabe 69:33

Genuai Bidigo te doado bage sǫą pabo we bidi dabego gedu haluasa po wabo odali, tama agai te aga we bidi dabe te kalabuside bidibo bage te homu kone ebo me tagalugobeo.

Godigo Nogi Ugwaba Sabo Tęąbi Po Wabo Buku Dabe 31:22

Genuai Bidi, polobadu ena wi mu elama, tama eno homugo te nago ena sela sąyu, tama ena nage pąde ma bidigobe homu yalio. Tiali goli, nago eno gela wabo odoyu, tama nago ena tau sali, te eno nageba i olama, enade homu dene eyu, tau sao po wali sogo te tama tiai dao.

Hibru 10:35

Tama tibaso, dagego duga te bomai konealubo po dąų wali te munu me tagaligio. Menio. Te kolesaga me ebogo te genuai nai nosali sabo bomo te elalubao.

Hibru 3:14

Magi baso meni. Polobadu dago Godide konealubo po dąų wali, teda te konealubo po megi me dago bugagia dąų weyu, teda da isiboba usu nigi paibao. Dago tama tiyu da, teda da te Krais dali wadolama, tama sę deli naga aga dali hodobo eyu tama bidaibao.

Dwagi Yai Gesi Po Jongo Asęani 11:42

Eno koneai, tigidali sogo nago eno hanalubo po wabo odobo dao. Tiali eno e dolalubo we bidi tobade e po megi nagebolo obao, augwaligo nago ena tagala palali bidibolo homu mumainogo ebao.”

Jopgo Po Asęani Elalubo Buku 34:28

Augwaligo nai meni yai bidi dabe dali dwai kolesaga yali, tama te bagego Godibolo i wali. Tama Godigo augwaligo i odali.

Hibru 3:6

Tiali goli Krais aga da te Godigo Ogwa, tama agai da te Godigo hani augwali tonaluyu tama te tobolu bidi bidibo sę elaluyu, tama agai me te sęde Godide homu kęą pai bidi bidibao. Tama tibaso, agai nogigo te Mosesgo nogi aiyaba elalubo dao. Tama sesemane sogo dago konealubo po dąų weyu tama wi isąyu tama dago wiegi yai homu pemene elama tama Genuai Bidi naga tonaluyu da, teda da me te Godigo hani mu bidaibao, te da agai be tiwai elaluaibao.

Te Israel me Juda Hani Sigo Tuni Bidigo Po Elalubo Buku Deli 3:12

Tama tiyu, te mu tama, nago enaba te hanalu wali nai te eno nage mawaibao,” wali. “Megi da, te eno nagebolo te konebo wiegi yai homu kolesaga hauwa mawaibao,” po wai. “Polobadu te bidi me deligo te tobage kolesaga koneai me elalubeo, tama te nosali me te bidi me deligo nago te koneani kolesaga tobage tiwai te bidi mego sogobeo.

Godigo Nogi Ugwaba Sabo Tęąbi Po Wabo Buku Dabe 145:19

Te agade wi ebo we bidi, te augwali nai meni baso, teda agai augwali nai mabo dao. Tama agai augwali gela wabo odolama, te augwali ma sabo dao.

Bugagia Bidibo Kolesagade Po Asęai Buku 10:24

Te dwai sę ebo bidi dabe te nai hauwade wi yaibao, tama te nai dabe te augwaliba pedelaibao. Tiali digi, te doloba pai bidi dabego wei homu ebo nai dabe Godigo mabo dao.