1 Jon 5:13 - Godigo dwagi yai po buku

¹³ Te dagego Godigo Ogwago nogide konealubo po dąų weyu agaba tiąlubo we bidi, te dagego te dwagi yai bidada peyu bidada pabo ula elalubo konemainogo eyu, eno e po dagebolo asęna tolobao.

1 Jon 5:13 Referans Kwoze

Dwagi Yai Gesi Po Jongo Asęani 20:31

Te bidi Jisas da, te Godigo sa muyu nosali asaibao wali bidi Krais dao, aga da te Godigo Ogwa dao. Tama dagego te po mu po dao homu emainogo, eno Jisasgo yali bomo yai sę po meba e bukude asęani. Tama dagego Jisas da te Krais dao, te aga Godigo Ogwa dao, dagego te homu eyu, aga dali wadoloyu, mu bidada pabo ula dagego somainogo eyu, eno agai yali sę po asęani.

Dwagi Yai Gesi Po Jongo Asęani 1:12

Tialima, aga augwali bidi dabe mego sali, gesalio. Augwaligo augwa homu agaba muani. Tama tibaso, agai augwalide usu da po olama, tama augwali Godigo wai puluba pedalai dao.

1 Jon 3:23

Tama agai bomo yai pode tama wai: dago konealubo po agai ogwa Jisas Kraisgo nogide dąų olama, tama dago gasa we bidi dabe augwali dali dwagi yai homu eyu godolo mu yao, te agai dabolo polobadu wali po tiwai.

Dwagi Yai Gesi Po Jongo Asęani 3:18

Niwai bidigo God aga Ogwaba homu mubaso da, teda te bidi da aga po tų menio, Godigo agabolo dene magobeo. Tiali ma, niwai bidi aga Godigo Ogwaba homu musiąwani bidi da, Godigo te bidibolo po tų dodolama, dene mawaibao. Magi basowe? Te bidi agai God agai ogwa teba homu mubeo.

1 Jon 2:21

Dagego te mu po page konesiąbaso, tama te pode eno dagebolo e po asębao, te homu dagego egimio, te menio. Dagego te mu po page koneai, tama te mu pogo tibo po munu me wabo menio, te me dagego koneai dao, eno te homu elama te po eno dagebolo asębao.

Galesia 4:6

Tama dage agai wai puluba bidibaso, God agai Ogwago Mobo Bidi dago homuba tagala palama, tama dago i weyu, te po agabolo wabo da, “Aya, Aya.”

1 Jon 5:10

Tama te konealubo po Godigo Ogwa dali dąų weyu agaba tiąlubo bidi, te bidi agai te Godigo aga Ogwade pusali po aga homude elalubo dao. Te Godigo aga Ogwade wali po, te pode “Mu po dao” wasiąbo bidi, te bidi agai “God aga nogi ili po wabo bidi dao” wai dao. Magi baso meni. Te po, te Godigo aga Ogwade wali pode te bidigo “Te po mu po menio” homu eyu sela sąwai dao.

1 Jon 2:1

Eno wai dabe, dagego dwai sę isąmainogo eno e po dagebolo asęna tolobao. Tama bidi me deligo dwai sę eyu da, te da tau sabo bidi me deli elalubao, te mu doloba pai bidi Jisas Krais dao. Tama aga Aya dali bidiyu, tama agai te da tau sabo po agabolo wabo dao.

1 Jon 1:4

Tama da dali dage dali te da tigidali dwagi yai homu pemene mu emainogo dago e po dagebolo asęna tolobao.

1 Pita 5:12

Te bidi nogi Sailas agai ena tau siyu, tama eno e pęwadage po dagebolo asęna tolobao. Tama eno homu te bidi Sailas da te aga nogoba muani sę bugagia tonaluyu sę ebo bidi dao. Tama eno e po dagebolo asęyu, tama bomo elama eno dage homu kęna sabo po weyu, tama te eno asęani po te God agai aga we bidi olo tau sabo kolesaga mu dao. Tama tibaso, te kolesaga bugagia dąų olama, tama dolaluyu bidiąo.

2 Korin 5:1

Dago te daba pedalobo haniani sęgę tede moni homu me ebo menio. Magi baso meni. Dago te tiwai koneanio: te da e tǫde megi elalubo tigi da, te dena osogo bidabo be tiwai dao, te nami ugwa be tiwai dao. Tama te osogo bidabo be hųgibaso da, teda Godigo da maiabo be me deli elalubao. Te be bidigo nogogo me sę ebeo. Te dagalude elalubo, tama te be sesemane sogo elalua peyu, elalua paibao, te be gamonaibao.

Godigo Sęba Tagala Palai Bidigo Po 4:12

Jisas deligo te da tǫde bidi tau sabo te usu yaibao. Tigidali bulu Godigo da ma dobola sabo sa muani bidi me menio,” Pitago te po wai.

Dwagi Yai Gesi Po Jongo Asęani 2:23

Te bidi Jisas bo disąwai nai bret tubo side, te Pasova side, aga Jerusalem bulude bidibadi, tama we bidi hauwa augwaligo agai bomo yai sę ebo suai. Tama sulama, tama augwaligo augwa homu tigidali Jisasba muai. Augwaligo te homu yai, aga te Godigo sa muyu, asaiba wali bidi dao.

1 Jon 2:26

Eno te dagebolo te tibo po ola mawainogo ebo bidi dabe augwaligo ebo kolesaga te po dagebolo pusuyu asębao.

Godigo Sęba Tagala Palai Bidigo Po 3:16

Jisasgo bomogo e bidi ma dwagi yai ilali. Dage tigidali gedugo sualio. Te bomo dagego suali te bidi dwagi yai ma ilali. Tiali goli, Jisasgo bomo aselama, dadi sigo te bidi Jisas konealubo homu ebaso te bidi dwagi yai ma ilali, te dagego gedugo sualio,” Pitago te po wali.

Dwagi Yai Gesi Po Jongo Asęani 21:24

Tama te Jisas wali pabo bidi agai digi Jisasgo wali po odoyu, tama Jisasgo yali sę suyu yai. Tama te bidi ena dao, tama eno te po dali, te sę dali yali po pusulama, tama eno te po e bukude asęai. Tama dago koneao, agai te wali po mu tama dao.

Dwagi Yai Gesi Po Jongo Asęani 5:24

“Te eno mu po dagebolo obao, niwai bidigo eno po odama, tama te po wali pelama, tama ena tagala palali bidibolo te bidi agai bomo yai homu agabolo muyu da, te aga bidada peyu, bidada pabo bomo selama, bidaibao. Te bidi aga po tų aga dali me egobeo. Te agai isibo tagalama, tama megi aga bidabo bomode bidibao.

1 Jon 2:25

Tama aga digi agai dabolo aga dąų wali po tama wai, agai da sesemane sogo bidabo ula mawaibao, te po wai.

1 Jon 4:9

God agai Ogwa deli digi mu, tama agai te Ogwa e tǫba tagala palai, tama agai da aga yali sęde te bidibo ula somainogo tiwai. Tebogo da ola mani, God agai da dali dwagi yai homu eyu, da godolo ebo dao.

1 Jon 5:11

Tama Godigo aga Ogwade wali po e dao: God agai da sesemane sogo bidada peyu, bidada pabo bidibo ula mawai dao, tama te bidabo ula page aga Ogwa Jisasde elalubo dao.

1 Jon 5:20

Dago koneai, Godigo Ogwa aga asai, tama agai homu kolesaga da mawai, dago te God aga God mu dao, te dago konemainogo te kolesaga da mawai. Da aga Ogwa Jisas Krais dali wadolama bidibaso, tama da God dali bidibo dao. Te Krais da, te aga God mu dao, tama agai te bidibo ula sesemane sogo bidada peyu, bidada pabo ula mabo dao.