1 Jon 5:1 - Godigo dwagi yai po buku

¹ Tigidali bidigo Jisas aga te Godigo sa muani tagala palali bidi Krais dao olama konealubo po dąų wai, te bidi dabe augwali Godigo wai dabe dao. Tama tigidali bidigo aya dali dwagi yai homu ebo bidi, te augwaligo te dwagi yai homu eyu godolo ebo kolesaga agai wai dabe dali me ebo dao.

1 Jon 5:1 Referans Kwoze

1 Jon 2:29

Dagego te bidi Krais aga dwagi yai doloba pai bidi mu da weyu mu dolo kolesaga ebo bidi da te tiwai konealigo da, teda dagego me tama koneao: dwagi yai doloba pai kolesaga ebo bidi, aga te Godigo wai mu bidibao.

Dwagi Yai Gesi Po Jongo Asęani 8:42

Te bidi Jisasgo augwalibolo te po wai, “Te God aga dagego aya mu tigi sogo da, teda dagego ena dali godolo mu egi da. Magi basowe? Ena God dali bidilama asai dao. Ena homugo digi ena asobeo. Godigo ena tagala palobaso, asai dao.

1 Jon 4:7

Abagi mu dede o, dena hasi dago we bidi dali dwagi yai homu eyu godolo mu inao. Magi baso meni. Te we bidi dali dwagi yai homu eyu augwali godolo mu ebo kolesaga page bidi te God dao. Bidigo dwagi yai homu mabo kolesaga wali pabo bidi, aga te Godigo wai dao, tama agai God mu konebo dao.

1 Jon 3:14

Dago dena ama dabe augwali dali dwagi yai homu eyu godolo ebaso, tama te dago koneai, dago te genuai sia dabo buluba pabo tų tagalama, tama da te bidada peyu bidada pabo ula sabo tų sabolai dao. Gasa we bidi dali dwagi yai homu eyu godolo ebo kolesaga masiąbo bidi, aga te genuai sia dabo buluba pabo tųdu me bilibo dao.

1 Jon 5:4

Godigo wai dabe tigidali augwali deli deligo te tǫde elalubo dwai kolesaga aiyaba elaluai dao. Te dago e tǫde elalubo dwai kolesaga aiyaba elalubo tų e dao: dago te Jisas aga te Godigo sa muani tǫba tagala palali bidi mu dao, te konealubo po dago Jisasde dąų wabo, te kolesagago dago te tǫde kolesaga aiyaba elaluama tagalobo dao.

1 Jon 4:20

Bidi me deli agai te po weyu “Eno God dali dwagi yai homu eyu aga godolo ebo dao,” te po agai weyu, tiali goli te bidi agai aga ama dali dwai boi bidi homu eyu da, teda te bidi agai tibo po wabo dao. Magi baso meni. Te bidigo aga gedugo aga ama subo dao. Tiali goli agai aga dali dwagi yai homu eyu godolo ebo menio. Tama tibaso, agai te aga gedugo susiąbo God dali mena tama dwagi yai homu ebo kolesaga egowe? Mu menio, aga usu egobeo.

1 Jon 3:9

Niwai bidi me deli aga Godigo wai gagawai bidi, te bidigo dwai kolesaga idu bidibo menio. Magi baso meni. Godigo homu kolesaga page te bidide elalubo. Tama God da aga Aya bidibaso, te bidi agai te dwai kolesaga idu bidibo usu egobeo.

Dwagi Yai Gesi Po Jongo Asęani 3:3

Jisasgo Nikodemusbolo po wei ponoyu, te po wai, “Mu tama, eno nagebolo obao, bidi me te ma ame nabo tiwai eyu, gesi ma pedalisiąyu da, te bidi agai Godigo we bidi tonalubo sę me sugobeo,” Jisasgo te po wai.

Matyu 16:16

Tama Saimon Pitago po wei ponoyu, te po wai, “Nage da, nage te Godigo te we bidi tau sabo sa muani bidi Krais dao, te nage bidibo ula elalubo Godigo Ogwa dao,” Pitago te po wai.

1 Jon 2:10

Niwai bidigo aga ama dali dwagi yai homu ebo bidi, te bidi aga ulade bidibo dao. Tama aga ulade bidibadi te aga dwai sę ilibo magi dwai nai pedelegobeo.

Dwagi Yai Gesi Po Jongo Asęani 15:23

Bidigo ena dali boi bidi yabo homu eyu da, te bidi agai eno Aya dali me boi bidi yabo homu ebao.

1 Jon 4:2

Dagego te bidi me deligo Godigo Mobo Bidi elalubowe naga tede dagego hania konemainogo e tiwai aga osola suao: Bidigo “Te Jisas aga Godigo sa muani bidi Krais dao, tama aga tǫba asama aga e tǫde bidigo tigi tiwai selama tama bidali bidi dao,” te po wabo bidi te Godigo Mobo Bidi aga dali bidibo dao.

1 Pita 1:3

Te dago dena Genuai Bidi Jisas Kraisgo Aya God aga nogi dago ugwaba sinao. Agai da moni homu dene mu eyu, tama da tau somainogo, agai Jisas Krais te isai bidi dabe bidibo digi tomodu ma hodolali. Tebogo dabolo te gesi noma ula mawai. Tama menama, da dwagi yai homu eyu, bugagia tonaluyu bidalubao.

Jems 1:18

Agai aga homu kolesaga naga wali peyu, agai mu po dabolo ola menama, tama da aga hani mu tiwai dao. Te da aga hani tomode te gomunai bidi tiwai bidimai hagede agai da nigali. Te Godigo da nigilama, te tigidali gasagi yai nai dabego gomunai bidi dabe bidiyu, te dago te nai dabe tonalumainogo yai dao.

Dwagi Yai Gesi Po Jongo Asęani 6:69

Tama dago te pode bomo yai homu dąų olama, bidibo dao. Me dago nage koneai, naga digi naga Godigo doloba pai bidi mu dao, Godigo tagala palai bidi dao, te dago konebao,” Pitago Jisas dali te po wai.

1 Jon 3:17

Tialima te doado bage hauwa elalubo bidi agai aga ama te nai meni yai bidi bidibo sula tagalama, tama aga tau masiąyu da, teda magi baso te bidigo te po wali, “Eno Godibolo dwagi yai homu eyu godolo ebo bidi dao.”

Godigo Sęba Tagala Palai Bidigo Po 8:36

Tama augwali si te tųdu pobadi, te gavman bidigo ąį sulama, te po wali, “Te ąį ede elalubo. Ena magi baso baptais sogobewe?” te po wai.

Dwagi Yai Gesi Po Jongo Asęani 1:3

Godigo te Pobolo po weyu, tigidali nai nigao wai. Tama Pogo tigidali nai nigai. Tama gasa nai gasa tųdu me pedalobeo. Menio. Tigidali nai pedalali te Po aga digi nigilama, pedalai.

1 Jon 5:5

Mena bidigo hwįnama tama tǫde dwai kolesaga ebo aiyaba elalubo bidi dawe? “Te bidi Jisas aga Godigo Ogwa mu dao,” te po konealubo po dąų wabo bidi aga naga dao.

1 Jon 5:18

Dago koneai, tigidali bidi Godigo wai dabe bidalubo bidi, augwaligo dwai kolesaga wali me pabo menio. Magi baso meni. Godigo Ogwago augwali bugagia palibo dao, tama Satango augwaliba aga nogo mugobeo.

Godigo Sęba Tagala Palai Bidigo Po 8:37

Filipgo agabolo te po wai, “Jisasba nago homu kolesaga tigidali agaba muyu da, teda eno nage baptais mawaiba,” te po wai. Te bidigo te po wai, “Eno te Jisas Krais da te Godigo ogwa eno mu konealubo homu ebao.”