1 Jon 4:3 - Godigo dwagi yai po buku

³ Tiali goli tigidali bidigo Jisas dali te po tiwai wasiąbaso da, te bidi dabe augwali te gasa dwai bidi nomago dagana sagasali, te Godigo Mobo Bidi menio. Te tobage bidi agai Krais dali boi bidi homu ebo dao, polobadu dagego po odali te tobage bidi aga asaibao wai. Tama megi aga aselama, tǫde bidibao.

1 Jon 4:3 Referans Kwoze

1 Jon 2:22

Tibo po wabo bidi de dawe? “Jisas aga Godigo sa muani tagala palali bidi Krais menio,” te po wabo te bidi aga te tibo po wabo bidi te dao. Te bidigo te Aya dali aga ogwa dali sigo nogi wabo hogwa siyu, tama tudiba mubo bidi, te bidi agai Krais dali boi bidi homu yabo bidi dao.

2 Jon 1:7

Magi baso meni. Bidi hauwa augwaligo da dwai sę tomoba kegainogo eyu tibo po ola mabo bidi dabe, augwali haniani tǫba augwaligo po pusigi pai dao. Tama augwaligo “Te Jisas Krais e tǫba asama bidali te bidi mugo tigi sali, te da bidi dabego tigi tiwai sali,” te po wabo augwaligo hagela ebo dao, te po page hogwa sabo dao. Te tobage bidi aga te tibo po wabo bidi, tama agai Krais dali boi bidi ebo bidi dao.

1 Jon 2:18

Dage eno wai dabe, te tigidali nai silabo sogo pąba yagasai dao. Polobadu augwaligo dagebolo te po wai, “Te Krais dali boi bidi homu yabo bidi pedalaibao,” wabo, te po dagego odali. Awe, megi Krais dali boi bidi homu yabo bidi hauwa augwali mu pedalai dao. Tama tibaso, dago koneai, te tigidali nai silabo sogo pąba yagasai dao.

Matyu 24:5

Magi baso meni. Bidi hauwa aselama, augwaligo eno nogi nogi ilama, tama augwaligo te po waibao, ‘Ena digi ena te Godigo sa muani bidi Krais dao.’ Tama augwaligo te we bidi hauwa ili po ola mawaibao, te augwali gasa tųba paibao.