1 Jon 4:21 - Godigo dwagi yai po buku

²¹ Tama te bomo yai po dago God agade sai, te po tama wai: niwai bidigo God dali te dwagi yai homu eyu godolo ebo bidi, agai aga ama dali me dwagi yai homu eyu godolo mu yao.

1 Jon 4:21 Referans Kwoze

Pris Sę Ebo Bomai Po 19:18

Te naga abagi me deligo nageba dwai sę ebo te nago wei me ponogio, te nago sesemane sogo aga dali wado po me udugio. Nago gasa we bidi dabe godolo mu yao, te naga digi naga godolo ebo tiwai yao. Ena Genuai Bidigo eno te po obao.”

1 Jon 3:11

Te tobage kolesaga isąbo bidi aga Godigo wai menio. Magi baso meni. Augwaligo dagebolo Godigo po ola mabo gagalali sogode, te sogode dagego tama po odai: dago dena hasi abagi dali dwagi yai homu eyu godolo mu iyąo.

1 Tesalonaika 4:9

Te eno duga abagi dabe augwalibolo dagego dwagi yai homu ela mabo, te po eno meba asęgobeo. Magi basowe? God agai te duga hasi dali dwagi yai homu mabo te kolesaga dagebolo ola menama, tama te kolesaga dagego koneyu bidibao. Tama eno dagebolo te po ma ola magobeo.

1 Pita 3:8

Te eno po silagasu po obao. Dage tigidali deli homu naga eyu bidiąo. Tama teyu, hobede eyu, te dage Godigo hani we bidi bidiyu, duga hasi dwagi yai homu eyu godolo mu yao. Tigidali we bidi dali homu dene eyu, tama nagamea pai homu ebadi bidao.

Galesia 5:14

Tama bidigo te bomo yai po me deli bugagia wali pobaso da, teda agai gasa bomo yai po tigidali usu nagasaibao. Tama te bomo yai po me deli e dao: dagego duga hasi dali dwagi yai homu eyu godolo ebo homu yao, te duga digi naga godolo ebo homu tiwai yao.

Dwagi Yai Gesi Po Jongo Asęani 15:12

Eno bomo yai po e tama dao: duga hasi godolo mu eyu, bidiąo, eno dage dali godolo mu yali gilama.

1 Jon 3:23

Tama agai bomo yai pode tama wai: dago konealubo po agai ogwa Jisas Kraisgo nogide dąų olama, tama dago gasa we bidi dabe augwali dali dwagi yai homu eyu godolo mu yao, te agai dabolo polobadu wali po tiwai.

1 Jon 3:14

Dago dena ama dabe augwali dali dwagi yai homu eyu godolo ebaso, tama te dago koneai, dago te genuai sia dabo buluba pabo tų tagalama, tama da te bidada peyu bidada pabo ula sabo tų sabolai dao. Gasa we bidi dali dwagi yai homu eyu godolo ebo kolesaga masiąbo bidi, aga te genuai sia dabo buluba pabo tųdu me bilibo dao.

1 Pita 4:8

Tama dagego genuai hasia yabo sę e dao, te dage bomo eyu, te duga hasi te dwagi yai homu eyu godolo mu yao. Tama te we bidi godolo mu ebo kolesaga, te tebogo te augwaligo ebo dwai sę sula tagalabo kolesaga dao.

Dwagi Yai Gesi Po Lukgo Asęani 10:37

Tama te bomo yai po ola mabo bidigo wei ponoyu, te po wali, “Homu dene elama, tau sali bidi dao,” te bidigo te po wali. Jisasgo ma te po wali, “Te yaligia te nago me tiao.”

1 Jon 4:11

Abagi mu dede o, God agai te tiwai da dali dwagi yai homu eyu godolo mu yaligo da, teda dago me dena hasi dwagi yai homu dago abagi dabe dali inao.

Galesia 5:6

Tama tiyu, dago koneani, te bidi aga Krais Jisasde wadoloyu da, teda aga tigiwali togobo sę te olo sę tama tiwai da, tama te tigiwali togisąwai bidi me, te me te olo sę tiwai da. Te sęde magigobeo, te olo sę tama dao. Tiali goli, te bidigo aga abagi dali te wiegi yai homu elama tama tau sabo, te bidigo Godide konealubo po dąų wabo homu kolesaga hodolobao, te agai kolesaga te usu mu elalubao.

1 Jon 3:18

Dage eno wai dabe, dago te we bidi dali dwagi yai homu eyu godolo ebo kolesaga, te kolesaga dago pedauwaligo po wabogo naga ilamuo. Menio. Dago homu mu eyu, tama dago augwali dali dwagi yai homu ebo kolesaga te dago augwali tau sabo sęgo augwalibolo hania ola mao.

Matyu 5:43

Jisasgo te po wai, “Te dagego odai, polobadu augwaligo te po wai dao, ‘Nago naga abagi godolo eyu, tama nago naga boi bidi dali dwai homu yao.’

1 Jon 2:7

Eno abagi mu dede, eno dagebolo e bomo yai po asębo po te gesi po menio. Te hasia bomo yai po polobadu mu dagego sai po dao, te augwaligo dagebolo Godigo po ola mabo gagalali sogo dagego te bomo yai po odai dao.