1 Jon 4:18 - Godigo dwagi yai po buku

¹⁸ Tama God agai da dali te dwagi yai homu eyu godolo mu ebo kolesaga te sese wiegi yai mu dao, sǫą pabeo. Tama tibaso, da wi menio, te agai da dali ebo kolesagago te wi ebo sela sąbo dao. Wi ebo page e tama: da dwai dene sabo homu ebo we bidi bidiyu da, teda da wi ebo dao. Tama tiyu da, dago koneaibao, te Godigo da dali dwagi yai homu ebo kolesaga page te dago kuna konebeo, da tede sǫą pabo.

1 Jon 4:18 Referans Kwoze

Polgo Si Wali Pas Timotiba Asęani - 2TI 1:7

Magi baso meni, te Godigo da te wi ebo bage bidimainu aga Mobo Bidi dabolo me mabeo. Menio. Agai Mobo Bidigo dabolo te bomo hauwa me, te dena ama dede dali dwagi yai homu eyu godolo ebo kolesaga me, te dena digi bugagia tonaluabo bomo me, te dabolo momainogo eyu, Godigo aga Mobo Bidi dabolo mani.

Polgo Po Pas Rom Dabeba Asęani 8:15

Magi baso meni, te Godigo dagebolo mani Mobo Bidi da, te dage olo sę ebo bidi bidiyu God ma wi ilibo Mobo Bidi meni. Te menio. Te mani Mobo Bidigo dage Godigo wai dabe ilibo Mobo Bidi dao. Te Tedali Mobo Bidigo dago i olama tama Godibolo “Aya, Aya” wabo dao.

1 Jon 4:12

Bidi me deligo God munu me subeo. Dago dena hasi dwagi yai homu dago abagi dali eyu da, God aga da dali bidibo dao, tama aga dwagi yai homu eyu godolo ebo kolesaga te da tomode sese wiegi yai mu pedalai dao.

Hibru 12:28

Te dago sali te bidibo digi te magi naigo munu me dologobeo, usu egobeo. Tama te tebode dago Godibolo usu da olama gedu haluasa po wao. Tama dago agaba lotu po weyu, tama agai godolo ebo kolesagade sę tulama yao. Tama tiyu dago aga nogi ugwaba siyu, tama agade wi yao.

Jems 2:19

Tama nago konealubo po dąų wabo homu tama yai, “Te God deli digi bidibao,” wai. Te homu wiegi yai dao. Tama tiali goli te usu menio. Te dwai haubo noma bidi augwaligo me te homu tiwai ebo dao, tama te pode augwali homu didibili eyu midigi sabo dao.

Godigo Nogi Ugwaba Sabo Tęąbi Po Wabo Buku Dabe 119:120

Ena nagede wi mu elama, tama ena didibili ebao. Eno nago po tų ebode homu kone palama, te wi ebo dao.

Godigo Nogi Ugwaba Sabo Tęąbi Po Wabo Buku Dabe 73:19

Augwali te polo tama dolali. Tama augwali te isibo te dwai mu ebo dao.

Jopgo Po Asęani Elalubo Buku 15:21

Augwaligo haniani kulukulu odobo si, augwali wi mu ebo dao. Augwaligo homugo dwai naigo augwali dolainu asobao wabo dao. Tama augwaligo homugo augwali bugagia bidibao homu ebode da, teda bidi dabe aselama, augwali dolama, augwaligo nai dabe wi sagasobo dao.

Matyu 9:34

Tiali goli te Farisi hani dabe augwaligo te po wai, “Agai te dwai haubo mobo sela sąbo sę ebo te dwai haubo mobo tobolu bidi dabego bomode te dwai haubo mobo te sela sąbo dao,” te po wai.