1 Jon 4:16 - Godigo dwagi yai po buku

¹⁶ Tama dago koneai dao, Godigo da dali dwagi yai homu eyu godolo mu ebo dao. Tama koneyu, tama da te kolesagaba dago homu tiąlubo dao, tede homu si ebo menio. God agai homu kolesaga page da, te we bidi dali dwagi yai homu eyu augwali godolo mu ebo homu kolesaga dao. Tama bidi te kolesaga eyu bidibo bidi, aga God dali bidiyu, tama God aga te bidi dali bidiyu ebo dao.

1 Jon 4:16 Referans Kwoze

1 Jon 3:24

Niwai bidi me deligo Godigo bomo yai po wali peyu da, te bidi God dali bidalubo dao, tama God aga te bidi dali bidalubo dao. God agai aga Tedali Mobo Bidi dabolo mawai. Tama tibaso, dago koneai, God da dali bidibo dao.

1 Jon 3:1

Te goba! Ayago da dali dwagi yai homu eyu godolo mu yali kolesaga te moni genuai mu pedalali. Suao. Godigo aga digi da te agai wai dabe dao wai. Mu tama, da Godigo wai dabe dao. Tama da Godigo wai dabe tama bidiyu, tama tǫde bidi dabe augwaligo God konesiąbaso, tama augwaligo da me konebeo.

1 Jon 3:16

Tama bidi dali dwagi yai homu eyu godolo mu ebo kolesaga page, te kolesaga page dabolo hania ola mabo sę e dao: Krais aga digi agai da tǫde we bidi tau somainogo aga bidabo ula tagalama, tama da tobade isali. Tama tibaso, dago me dago bidibo ula tagalama, dago ama dede augwali tau sao. Tama tiyu, dago augwali tau sobadi tama gasa bidi dabego da elebaso, dago usu da homu yao.

1 Korin 2:9

Tiali goli dago te sę dabe po wabo te Godigo po bukude wali po gilama yali, “Te we bidigo gedugo susiąwani nai, tama odogo me odobe, tama bidigo homuba me pedalisiąwai, te nai digi Godigo sisi ilali te we bidi dabe augwaligo aga godolo mu ebo bage augwalibolo momainogo yai.”

Godigo Nogi Ugwaba Sabo Tęąbi Po Wabo Buku Dabe 31:19

Nago te nage dologode bidibo we bidi olo tau sabo wiegi yai kolesaga hauwa tolalubo dao. Nago te nageba konealubo homu dąų wabo we bidi bugagia tonalubo dao. Nago te augwali tau sabo te tigidali we bidi gedude umabo mu ebo dao.

Dwagi Yai Gesi Po Jongo Asęani 6:69

Tama dago te pode bomo yai homu dąų olama, bidibo dao. Me dago nage koneai, naga digi naga Godigo doloba pai bidi mu dao, Godigo tagala palai bidi dao, te dago konebao,” Pitago Jisas dali te po wai.

Aisaia 64:4

Polobadu te bidi mego te god me deli tobage bomai sę yali po odobeo, te we bidi tau siyu, te konealu tonaluabo sę. Ma, bidigo aga gedugo te god me deligo te tobage bomai sę ebo subeo. Menio. Genuai Bidi, nago naga te tiwai bomai sę ebo dao.

Dwagi Yai Gesi Po Jongo Asęani 9:3

Jisasgo te po wei ponoyu, te po wai, “Te bidi aga sęgę dali aga aya de ida sigo sęgę dali tede menio. Te sę pedalali, te Godigo bomo te bidide hania pedalobo te we bidi dabe augwaligo sumainogo yai.

1 Jon 4:7

Abagi mu dede o, dena hasi dago we bidi dali dwagi yai homu eyu godolo mu inao. Magi baso meni. Te we bidi dali dwagi yai homu eyu augwali godolo mu ebo kolesaga page bidi te God dao. Bidigo dwagi yai homu mabo kolesaga wali pabo bidi, aga te Godigo wai dao, tama agai God mu konebo dao.