1 Jon 3:23 - Godigo dwagi yai po buku

²³ Tama agai bomo yai pode tama wai: dago konealubo po agai ogwa Jisas Kraisgo nogide dąų olama, tama dago gasa we bidi dabe augwali dali dwagi yai homu eyu godolo mu yao, te agai dabolo polobadu wali po tiwai.

1 Jon 3:23 Referans Kwoze

Dwagi Yai Gesi Po Jongo Asęani 13:34

Eno dagebolo gesi bomo yai po mobao, dagego duga hasi dali dwagi yai homu eyu, augwali godolo mu yao. Eno dage dali dwagi yai homu eyu, godolo mu yali gilama, tilama duga hasi dali me dwagi yai homu eyu, augwali godolo mu yao.

1 Pita 1:22

Te dagego Godigo wiegi yai mu po bugagia wali peyu tama duga homu kolesagade elaluali dwai kolesaga sela sąnama, tama dagego duga hasi we bidide dwagi yai homu ebo gagalali. Tama tiyu, megi dage bomo eyu, homu mu elaluyu duga hasi godolo mu yao.

Dwagi Yai Gesi Po Jongo Asęani 15:12

Eno bomo yai po e tama dao: duga hasi godolo mu eyu, bidiąo, eno dage dali godolo mu yali gilama.

Dwagi Yai Gesi Po Jongo Asęani 6:29

Jisasgo augwalibolo po wei ponoyu, te po wai, “Godigo sę e tama dao: dagego te Godigo tagala palali bidigo wabo poba duga homu tigidali muyu bidao,” Jisasgo augwalibolo te po wai.

1 Pita 4:8

Tama dagego genuai hasia yabo sę e dao, te dage bomo eyu, te duga hasi te dwagi yai homu eyu godolo mu yao. Tama te we bidi godolo mu ebo kolesaga, te tebogo te augwaligo ebo dwai sę sula tagalabo kolesaga dao.

1 Jon 3:11

Te tobage kolesaga isąbo bidi aga Godigo wai menio. Magi baso meni. Augwaligo dagebolo Godigo po ola mabo gagalali sogode, te sogode dagego tama po odai: dago dena hasi abagi dali dwagi yai homu eyu godolo mu iyąo.

1 Jon 4:21

Tama te bomo yai po dago God agade sai, te po tama wai: niwai bidigo God dali te dwagi yai homu eyu godolo ebo bidi, agai aga ama dali me dwagi yai homu eyu godolo mu yao.

1 Tesalonaika 4:9

Te eno duga abagi dabe augwalibolo dagego dwagi yai homu ela mabo, te po eno meba asęgobeo. Magi basowe? God agai te duga hasi dali dwagi yai homu mabo te kolesaga dagebolo ola menama, tama te kolesaga dagego koneyu bidibao. Tama eno dagebolo te po ma ola magobeo.

Efesus 5:2

Tama tiyu, dagego duga hasi godolo mu ebo kolesaga eyu, tama dagego yabo sę tigidali ebo si te kolesagago dage tonalumainogo, te Kraisgo da godolo eyu wiegi yai homu ebo tiwai gilama. Agai da godolo eyu, tama aga digi aga bidabo ula da hagede tagalama, tama augwaligo aga isilali. Tama tiyu, agai aga tigi te Godibolo olo mani, te polobadu bidali bagego Godibolo mani wiegi yai denami ebo nai mani tiwai yai dao. Tama te sęde God aga Kraisde dwagi yai homu ebo dao.

Dwagi Yai Gesi Po Makgo Asęani 9:7

Tama te dagalu pǫ me deli pedelama, te augwali mesega sagasali. Tama te pǫ tomodu te pedauwali me delidu te po waida wai, “E bidi da, te eno Ogwa da, eno aga godolo mu ebao. Dagego agai po odiąo,” wai.

Matyu 22:39

Tama te bomai poba daganalubo po aga te tiwai dao. Te e dao, ‘Nago naga digi godolo ebo te kolesaga tiwaigo te nago bidi hasi dabe augwali dali wiegi yai homu elama godolo yao.’

Godigo Sęba Tagala Palai Bidigo Po 16:31

Tama Polgo agabolo te po wali, “Nago homu tigidali naga Jisas Genuai Bidi teba muyu da, te nage tigidali sogo bugagia bidaiba, Godigo nage dali nago bede bidibo we bidi dali ma saibao,” wali.

Dwagi Yai Gesi Po Jongo Asęani 17:3

Tama te bidada pabo bomo page e dao. Augwaligo nage koneyu, nage God deli mu dao. Augwaligo Jisas Krais koneyu, nago aga tagala palobaso asai bidi dao. Augwaligo te si mu koneyu da, teda te bidada pabo page te dao.

Dwagi Yai Gesi Po Jongo Asęani 14:1

Te bidi Jisasgo aga bidi dabebolo te po me wai, “Dagego homu kolesaga midigi sigio. Dagego duga homu God dali dąų wabo dao. Dagego ena dali me duga homu dąų wao.

Godigo Nogi Ugwaba Sabo Tęąbi Po Wabo Buku Dabe 2:12

Dage aga dologoba mu pelama, tama kidu sugunao. Meni baso da, teda agai haliga sębę polo elama, te dage isaibao. Bidigo konealubo homu Godiba dąų weyu, tama agaba mu kęa pelama ebo bidi, te aga wiegi yai homu pemene eyu bidaibao.

2 Timoti 1:15

E konealubo po te mu po dao, tama tigidali we bidi e po odama augwaligo homugo mu dąų omainao: Krais Jisas te tǫba dulali, te tǫde dwai sę ebo we bidi dabe ma dobola sainogo asali. Awe, te mu po dao, tama te hasia polasa dwai sę yali bidi te ena digi tama e dao, eno yali dwai sę te gasa bagego dwai sę aiyaba elaluali.

Dwagi Yai Gesi Po Jongo Asęani 1:12

Tialima, aga augwali bidi dabe mego sali, gesalio. Augwaligo augwa homu agaba muani. Tama tibaso, agai augwalide usu da po olama, tama augwali Godigo wai puluba pedalai dao.

Dwagi Yai Gesi Po Jongo Asęani 2:23

Te bidi Jisas bo disąwai nai bret tubo side, te Pasova side, aga Jerusalem bulude bidibadi, tama we bidi hauwa augwaligo agai bomo yai sę ebo suai. Tama sulama, tama augwaligo augwa homu tigidali Jisasba muai. Augwaligo te homu yai, aga te Godigo sa muyu, asaiba wali bidi dao.

Dwagi Yai Gesi Po Jongo Asęani 3:18

Niwai bidigo God aga Ogwaba homu mubaso da, teda te bidi da aga po tų menio, Godigo agabolo dene magobeo. Tiali ma, niwai bidi aga Godigo Ogwaba homu musiąwani bidi da, Godigo te bidibolo po tų dodolama, dene mawaibao. Magi basowe? Te bidi agai God agai ogwa teba homu mubeo.

1 Jon 2:7

Eno abagi mu dede, eno dagebolo e bomo yai po asębo po te gesi po menio. Te hasia bomo yai po polobadu mu dagego sai po dao, te augwaligo dagebolo Godigo po ola mabo gagalali sogo dagego te bomo yai po odai dao.

1 Jon 4:15

Bidi me deligo te gasa we bidi gabidide po weyu, “Awe, te bidi Jisas aga te Godigo Ogwa dao,” obaso da, God aga te bidi dali bidibao, tama te bidi aga God dali bidibo dao.

1 Jon 5:13

Te dagego Godigo Ogwago nogide konealubo po dąų weyu agaba tiąlubo we bidi, te dagego te dwagi yai bidada peyu bidada pabo ula elalubo konemainogo eyu, eno e po dagebolo asęna tolobao.