1 Jon 3:21 - Godigo dwagi yai po buku

²¹ Abagi dede, dago homude ebo te kolesagade da po tų esiąyu da, teda Godigo gedude wi isiąma da dolalubo dao.

1 Jon 3:21 Referans Kwoze

1 Jon 2:28

Awe, eno wai dabe, dage aga dali bidao. Magi baso meni, nosali aga hania pedalaibao, te sogo da bomo elama dolaluaibao, te aga ma asobo sogode, te tama da hale eyu geme duala sogobeo.

Hibru 4:16

Tama dago te tobage genuai pris tobolu bidi elalubaso, da te dwagi yai homu eyu tama God pąba pao, te da wi me egimio. Aga da te olo tau siyu wiegi yai kolesaga mabo bidi dao. Tama da agaba peyu, tama agai da homu dene ebo homu eyu te da tau saibao. Tama dago sęgę elalubaso da, teda agai te olo tau sabo wiegi yai homu kolesaga ebogo te da tau saibao.

2 Korin 1:12

Dago wiegi yai homu pemene ebo sę e kolesaga delide ebo dao: dago homugo hanilama po pusuyu da, te magi dwai sę isąbo te wiegi yai kolesaga me tama te Godigo da mabo te meda isąwai homu kolesagade bilibo po pusubao. Te e tǫde bidigo koneani kolesaga te dago wali pabeo. Menio. Te Godigo olo mayu tau sabo wiegi yai kolesagago naga da tau selama, tama da te tiwai kolesagade bilibao. Tama da te kolesagade te tigidali bidi tomode bilibo dao. Tama dageba dago te kolesaga me mu ela pidu geai dao.

1 Jon 5:14

Da Godigo gesabide bidiyu, tama dago aga dali homu si ebo menio. Magi baso meni, magi nai po aga dali gedu haluasa po weyu, tama dago aga homu wali peyu da, teda agai dago te gedu haluasa po wabo odobo dao, te dago mu hania konebo dao.

Godigo Nogi Ugwaba Sabo Tęąbi Po Wabo Buku Dabe 101:2

Te eno doloba pai kolesaga naga wali paibao. Genuai Bidi, mena sogo nago ena tau sagasaibawe? Eno te doloba pai kolesaga naga ena bede ebo dao.

1 Jon 4:17

Tama bidiyu, tama te dwagi yai homu eyu godolo ebo kolesaga te da tomode sese wiegi yai mu pedalobo dao. Magi baso meni. Tama tiyu da, da e tǫde bidibo sogo te da Krais tiwai bidibo dao. Tama tibaso, te nosali te tǫ dagalu silibo side genuai po tų ebode da wi me egobeo.

Hibru 10:22

Tama elalualigo da, teda da homu mu eyu, tama homu si me esiąyu dago Godiba konealubo po dąų mu olama, tama da aga pąba pinao. Agai dago yali dwai sę sęgę sela sąnama, tama dago homu wiegi yai ma ilali. Me agai dago tigi sese te wiegi yai ąįgo mu telawali.

Jopgo Po Asęani Elalubo Buku 22:26

Nago tama tiyu da, teda nago dwagi yai homu genuai mu te God Tigidali Bomo Elalubo Bidigo nage bugagia te sę yali pode yaibao. Tama nage aga dali haliga tegaluama, dua bidaibao.

1 Korin 4:4

Mu tama, te Godigo enabolo mani sę ebode eno homugo eno te sęde sǫą pabeo, bugagia yai dao. Tiali goli te eno tama tiwai po wabo usu me egobe: “Ena doloba pai bidi da,” te wagobeo. Te ena dagalobo sę ebo bidi te Genuai Bidigo sę naga dao.

2 Timoti 2:8

Tama eno homugo te tigidali bulu bidi dabe augwaligo gedu haluasa po omainogo homu ebao. Eno homugo augwali Godigo kolesaga naga wali pabo bidi dabe bidu, tama haliga sębę me wado po wabo tagaliyu, tama augwa nogo ugwaba siyu, te augwaligo gedu haluasa po omainogo ebo dao. Nago augwalibolo tama tiao po wao.

Polgo Po Pas Rom Dabeba Asęani 14:22

Nago te mi dali wę dali tubo kolesagade nago naga homugo hania konebo, te homu te naga digi God dali dage si tomode dodolama elaluao. Bidigo homugo te haniani ebo kolesaga usu selama tama meba dwai dao, meba dwagi yai sę dao, te aga konebo dao. Tama te bidigo te wiegi yai kolesaga naga eyu, tama agai aga ebo sęde dwai homu isąwai bidi, te bidi aga wiegi yai homu pemene yao.

Efesus 3:12

Tama dago Krais agai te wiegi yai sę ebo suyu, tama dago homu kolesaga tigidali agaba muyu, tama aga dali wadolobaso, tama wi esiąyu, homu si esiąyu, tama da God pąba olo pabo da.

1 Jon 2:7

Eno abagi mu dede, eno dagebolo e bomo yai po asębo po te gesi po menio. Te hasia bomo yai po polobadu mu dagego sai po dao, te augwaligo dagebolo Godigo po ola mabo gagalali sogo dagego te bomo yai po odai dao.

1 Jon 3:2

Abagi mu dede, megi da te Godigo wai dabe bidibao. Tama nosali da mena tama bidigowe, te dago megi bugagia hania konebeo. Tialima dago koneani, nosali Krais hania bulu ulaba pedalobo si, te sogo dago aga magi bidi dawe te dago te page mu hania koneaibao. Tama dago aga subaso, te sogo da aga tiwai gagawaibao.

1 Jon 3:20

Magi baso meni. Dago homude te dena homugo da dali po tų ebaso da, teda dago koneani, te God agai dago homu kolesaga aiyaba elalubo dao, tama agai homu kolesaga genuai ugwanu mu ela holai elalubogo, tama agai tigidali nai mu konebo dao.