1 Jon 3:20 - Godigo dwagi yai po buku

²⁰ Magi baso meni. Dago homude te dena homugo da dali po tų ebaso da, teda dago koneani, te God agai dago homu kolesaga aiyaba elalubo dao, tama agai homu kolesaga genuai ugwanu mu ela holai elalubogo, tama agai tigidali nai mu konebo dao.

1 Jon 3:20 Referans Kwoze

Jeremaia 17:10

Ena Genuai Bidi, eno te tigidali bidigo homude me haligade ebo kolesaga osola sueibao. Tama eno tigidali bidi deli deligo kolesaga dagalama, tama eno te augwa yali kolesaga usu nama wei ponobo dao,” wali.

Hibru 4:13

Te Godigo nigali nai me deli te God agai gedude te geme dula sainogo ebo te usu munu me egobeo. Menio. Te tigidali nai te hania mu te Godigo gedude tigidali te elalubao. Tama Godigo naga te dago ebo kolesaga tigidali dagalabo bidi dao.

1 Korin 4:4

Mu tama, te Godigo enabolo mani sę ebode eno homugo eno te sęde sǫą pabeo, bugagia yai dao. Tiali goli te eno tama tiwai po wabo usu me egobe: “Ena doloba pai bidi da,” te wagobeo. Te ena dagalobo sę ebo bidi te Genuai Bidigo sę naga dao.

1 Jon 4:4

Dage eno wai dabe o, dage Godigo we bidi hani, tama dagego te tibo po ola mabo bidi aiyaba elaluai dao. Magi baso meni. Te Mobo dage tomode bidibo Mobo Bidi agai bomogo te tǫde bidi dali tomode bidibo mobogo bomo aiyaba elalubo dao.

Jeremaia 23:24

Te bidi me deli gasa badu me dula sigi pobaso, te ena Genuai Bidigo, eno aga sugobe homu ebawe? Te eno aga sueibao, magi baso meni, ena Genuai Bidi, ena te tigidali badu te dagalude me tǫde bidibo dao,” wali.

Jopgo Po Asęani Elalubo Buku 33:12

“Tiali goli, Jop, odao. Nago te wali po da, dolo menio. Tama megi da, eno nago po e tama ponaibao. God da, polalubo mu dao. Tama agai homu kolesaga dali, bomo dali sigo da bidigo bomo dali, homu kolesaga dali si edelai dao.

Dwagi Yai Gesi Po Jongo Asęani 21:17

Tama bidama gana, tama sela sogo agai Pitabolo te po ma hanalu wai, “Saimon, nage Jongo ogwa dao, ena da nago abagi dawe?” Tama agai Pita dali sela sogo “Ena da nago abagi dawe?” obaso, Pita aga homu sęgę yai. Tama Pita agai Jisasbolo te po wai, “Genuai Bidi, nago tigidali nai koneai dao. Tama nago koneai dao, nage eno abagi dao,” Pitago te po wai. Tama Jisasgo agabolo te po wai, “Nago enabolo homu muani we bidi augwali eno po nago augwalibolo ola mao.

Kraisgo Geme Dualali Sę Pedelabo Po Jonbolo Ola Mani 2:23

Tama agai wai dabe me, te eno augwali mu ela silaibao. Tama tiyu, te Godigo po odobo we bidi tigidali augwaligo koneaibao, te ena da, te tigidali bidigo homu kolesaga osola subo bidi dao. Tama dage deli delibolo eno dagego yali kolesaga dolo si wei ponaibao.”

Godigo Nogi Ugwaba Sabo Tęąbi Po Wabo Buku Dabe 90:8

Nago dago dwai kolesaga tigidali subo da. Tama dago geme dualama ebo sęgę tigidali, te nago pepeli diliba hanilama, munama, tama nago sualio.

Taitus 3:11

Nago koneani, tama tiwai bidi aga homu te gagea pai dao, tama agai ebo dwai sęgo aga te dwai bidi dao hania ola mabo dao.

Dwagi Yai Gesi Po Jongo Asęani 8:9

Augwaligo tama po odolama, tama augwali tomode te sęgę meni yai bidi meni baso, tama augwali tigidali buluba deli deli naga buluba pai. Tobolu bidi polasa pai, tama meba augwali nosali pai, te po tų ebo tagalama, tama augwali Jisas taga pai. Tama Jisas agaduba deli digi bidai, tama te we Jisas aga gesabide dolaluai.

Hibru 6:13

Polobadu Godigo te agabolo nai maiabo po Abraham dali dąų wai. Tama bidi me deli aga te genuai bidi da olama tama God aga aiyaba me elalugobeo. Mu Menio. Godigo nogi naga te ugwade mu elalubao. Tama tiwai tialigo da, teda God agai homugo agai te Abrahambolo nai maiabo mu po olama, tama te dąų wali poba genuai bomo me momainogo eyu, God aga digi nogigo bomo teba manani.

Godigo Sęba Tagala Palai Bidigo Po 5:33

Te kaunsil dabego Pitago po odama, moni sębę mu yali. Augwaligo homugo ‘Dago te Jisasgo tagala palai bidi dabe elaibao’ homu yai.

Polgo Po Pas Rom Dabeba Asęani 8:34

Te dego da dali te dwai sę yali bidi te dwai dene sabo po wagawe? Menio. Magi baso meni. Krais Jisas aga digi isąma, tama ma hodalubadi yai. Tama aga digi te Godigo dolo nogode genuai bidi bidiyu, tama God hanalu wabo po wabogo me da tau sabo dao.

1 Jon 3:19

Te eno megi tama wali kolesagade, te dago te kolesaga ebaso da, teda dago koneagameo, da te mu po naga wabo Godigo we bidi dao. Dago te gasa we bidi dabe dali dwagi yai homu eyu godolo ebo kolesaga eyu da, teda da God pąba pabo sogo te da agade wi egobeo.

1 Jon 3:21

Abagi dede, dago homude ebo te kolesagade da po tų esiąyu da, teda Godigo gedude wi isiąma da dolalubo dao.