1 Jon 2:9 - Godigo dwagi yai po buku

⁹ Niwai bidi me deligo te po weyu, “Ena te ulade bidibo dao” obaso da, tialima te po wabo bidigo aga ama dali sębę elama boi bidi homu eyu da, te bidi aga be hulia sai digi me bidibao.

1 Jon 2:9 Referans Kwoze

1 Jon 4:20

Bidi me deli agai te po weyu “Eno God dali dwagi yai homu eyu aga godolo ebo dao,” te po agai weyu, tiali goli te bidi agai aga ama dali dwai boi bidi homu eyu da, teda te bidi agai tibo po wabo dao. Magi baso meni. Te bidigo aga gedugo aga ama subo dao. Tiali goli agai aga dali dwagi yai homu eyu godolo ebo menio. Tama tibaso, agai te aga gedugo susiąbo God dali mena tama dwagi yai homu ebo kolesaga egowe? Mu menio, aga usu egobeo.

1 Jon 2:11

Tiali goli niwai bidigo aga ama dali sębę eyu boi bidi homu eyu da, te bidi hulide bidibo dao. Aga hulide biliyu, be hulia saligo agai gedu dąų olama, tama aga pabo tų aga konesiąbaso gegebo dao.

Godigo Nogi Ugwaba Sabo Tęąbi Po Wabo Buku Dabe 82:5

“Dagego kolesaga me konebeo, tama dage kolesaga me konesiąyu, tama umuna pai mu dao. Dage te hulide biliyu, tama te we bidi dabego doloba pai kolesaga wali me pabeo.

2 Pita 1:9

Tialima te tobage wiegi yai kolesaga esiąbo bidi te gedu widai bidi tiwai dao, aga digibulu tonobo gisiga bugagia susiąbo bidi dao. Tama te bidigo gegeda pai, te Godigo aga polobadu yai dwai sę tigidali sela sąwai dao.

1 Jon 2:4

Godigo bomo yai po wali pisąbo bidigo te po weyu da, “Eno God mu koneai dao,” te po wabo bidi aga te ili po wabo bidi dao, tama mu po te bidigo homude bidibeo.

1 Jon 1:6

Tama tibaso, dago “Da God aga abagi bidiyu, tama dago aga dali deli homu ebo dao,” te po weyu, tiali digi da hulide biliduyu da, teda dago tibo po wai, tama dago ebo kolesaga te mu menio.

Dwagi Yai Gesi Po Jongo Asęani 9:41

Jisasgo po wei ponoyu, te po wai, “Dagego te homu eyu, ‘Ao, da te homu kolesaga tomode gedu halua sai bage dao,’ te dagego te homu eyu, tama dagego eno po sela sągi menigi da, teda dage dwai sęgę menigi da. Tialima, dagego duga gedu ula elalubao po waligo da, teda dagego sęgę me elalubao,” te po wai.

Pris Sę Ebo Bomai Po 19:17

“Te nago abagi me deligo nageba dobo sę yai baso da, teda nago homude aga dali sesemane sogo wado po udugio. Nago aga dali po dodolobaso da, te po isaibao. Tiyu, nago me agai yali kolesagade homu kone paludu, te nago me dwai sęgę me deli sabuo.

2 Samuel 13:22

Tama Apsalomgo me te Amnon dali haliga sębę mu elama, tama aga godolo me ebeo, magi baso meni, Amnongo te dwai kolesaga agai abeba yali, Tamarba. Tama tiyu, Apsalomgo te mena sę yabo po deli me te Amnon dali po munu me ma mibeo.

Godigo Sęba Tagala Palai Bidigo Po 1:15

Te nosali si sela sogo silibaso, tama te sogo te Jisasde homu dąų wai we bidi dabe deliba sisinagasali. Bidi sese me sela me sela 120 tama bidi sisinagasali. Tama Pita doligulama, te we bidibolo po me wai.

1 Jon 3:10

Edao. Te Godigo wai dabe dali, te Satango wai dabe dali, augwali dagalama hania koneabo tų e dao: dwagi yai doloba pai kolesaga wali pisąbo bidi, aga te Godigo wai menio. Tama aga ama dali dwagi yai homu eyu godolo isąbo bidi, te bidi me aga te Godigo wai menio.