1 Jon 2:4 - Godigo dwagi yai po buku

⁴ Godigo bomo yai po wali pisąbo bidigo te po weyu da, “Eno God mu koneai dao,” te po wabo bidi aga te ili po wabo bidi dao, tama mu po te bidigo homude bidibeo.

1 Jon 2:4 Referans Kwoze

1 Jon 1:6

Tama tibaso, dago “Da God aga abagi bidiyu, tama dago aga dali deli homu ebo dao,” te po weyu, tiali digi da hulide biliduyu da, teda dago tibo po wai, tama dago ebo kolesaga te mu menio.

Taitus 1:16

Augwaligo pedauwaligo naga te po wabo dao, “Eno God koneai dao,” te po wabo. Tiali goli augwaligo bilibo kolesaga ebogo te God hogwa sabo dao. Godigo augwali me godolo ebo menio, hagela mu ebo. Augwali agai po sela sąbo bidi dao, tama augwaligo dwagi yai kolesaga me deli ebo usu meni.

1 Jon 1:8

“Eno dwai sę menio,” dago te po weyu da, teda dago dena homu kolesagabolo ili po ola mayu, tama mu po wabo dago homu kolesagade me menio.

1 Jon 4:20

Bidi me deli agai te po weyu “Eno God dali dwagi yai homu eyu aga godolo ebo dao,” te po agai weyu, tiali goli te bidi agai aga ama dali dwai boi bidi homu eyu da, teda te bidi agai tibo po wabo dao. Magi baso meni. Te bidigo aga gedugo aga ama subo dao. Tiali goli agai aga dali dwagi yai homu eyu godolo ebo menio. Tama tibaso, agai te aga gedugo susiąbo God dali mena tama dwagi yai homu ebo kolesaga egowe? Mu menio, aga usu egobeo.

1 Jon 2:9

Niwai bidi me deligo te po weyu, “Ena te ulade bidibo dao” obaso da, tialima te po wabo bidigo aga ama dali sębę elama boi bidi homu eyu da, te bidi aga be hulia sai digi me bidibao.

1 Jon 1:10

Dago hogwa sabo po weyu, “Eno dwai sę me ebeo,” dago te po weyu da, teda te po wabogo dago God aga nogi ili po wabo bidi dao wai, tama agai po dago homude menio.

Dwagi Yai Gesi Po Jongo Asęani 8:44

Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.

Taitus 1:10

Magi baso meni. Te Krit tǫde te Godigo we bidi hani tomode te bidi hauwa augwaligo te tobolu bidigo po odogobeo, tama te po wali pabo hagela ebo dao. Augwaligo page meni yai olo po naga weyu, gasa bidi dabe tibo po ola mabo dao. Te tama tebo bidi dabe hauwa augwali te Juda bage dao. Augwaligo polobadu Kraisde konealubo po dąų wali goli, augwaligo homugo te da tigidaligo te Juda dabego bomo yai po me wali pomainao.

1 Jon 2:3

Te dago Godigo bomo yai po dabe wali peyu da, teda homu si isąbadi dago e po mu wagameo, “Dago God koneyu bidibao.”

1 Jon 3:6

Tama tibaso, aga dali wadolama bidibo bidi, te bidi agai te dwai kolesaga me eyu bidibo menio. Niwai bidi me deligo dwai kolesaga eyu bidibo bidi, te bidi agai Krais susiąma, tama agai Krais konesiąwai bidi bidibo dao.

1 Jon 4:7

Abagi mu dede o, dena hasi dago we bidi dali dwagi yai homu eyu godolo mu inao. Magi baso meni. Te we bidi dali dwagi yai homu eyu augwali godolo mu ebo kolesaga page bidi te God dao. Bidigo dwagi yai homu mabo kolesaga wali pabo bidi, aga te Godigo wai dao, tama agai God mu konebo dao.