1 Jon 2:3 - Godigo dwagi yai po buku

³ Te dago Godigo bomo yai po dabe wali peyu da, teda homu si isąbadi dago e po mu wagameo, “Dago God koneyu bidibao.”

1 Jon 2:3 Referans Kwoze

Dwagi Yai Gesi Po Jongo Asęani 14:15

Te Jisasgo te po wai, “Dagego enabolo dwagi yai homu eyu, godolo mu eyu da, teda dagego eno bomo yai po wali paibao.

Dwagi Yai Gesi Po Jongo Asęani 15:10

Tama dagego eno bomo yai po bugagia wali peyu da, teda dage eno te godolo mu ebo kolesaga tomode bidaibao. Eno ena Ayago bomo yai po bugagia wali peyu, tama agai dwagi yai homu eyu, godolo mu ebo kolesaga tomode ena bidibo dao. Tama dagego tebo gilamao.

1 Jon 5:3

Magi baso meni. Dago God dali dwagi yai homu eyu godolo ebo kolesaga page e dao: dago God agai bomo yai po wali pabo dao. Tama agai bomo yai po dabe augwali te bidigo wali pabo usu isąbo bomo yai po meni, te dago augwali wali pabo usu yaibao.

Dwagi Yai Gesi Po Lukgo Asęani 6:46

Te Jisasgo te po digi po ma wadolu, te po wali, “Te dagego eno yao wali sę isąnama, magi baso enabolo ‘Dago Genuai Bidi dao’ po ola obawe?

Dwagi Yai Gesi Po Jongo Asęani 15:14

Tama dagego eno wali po selama, te po bugagia wali asobaso da, teda dage eno abagi dabe dao.

1 Jon 4:13

God agai aga Mobo Bidi dabolo mawai. Tama tibaso, dago koneai, da God dali bidibo dao, tama aga da dali bidibo dao.

Hibru 5:9

Te tama tialigo aga te usu mu ilama, tama aga te we bidi ma dobola sabo bidi pedalama, tama agai po wali pabo we bidi tigidali ma siyu, augwali bugagia bidada peyu, bidada pabo bidi dao.

Godigo Nogi Ugwaba Sabo Tęąbi Po Wabo Buku Dabe 119:32

Eno nago po polo wali painogo yaibao, magi basowe, nago dwagi yai kolesaga meba enabolo momainogo eno te homu ebo dao.

1 Jon 3:19

Te eno megi tama wali kolesagade, te dago te kolesaga ebaso da, teda dago koneagameo, da te mu po naga wabo Godigo we bidi dao. Dago te gasa we bidi dabe dali dwagi yai homu eyu godolo ebo kolesaga eyu da, teda da God pąba pabo sogo te da agade wi egobeo.

Dwagi Yai Gesi Po Jongo Asęani 17:3

Tama te bidada pabo bomo page e dao. Augwaligo nage koneyu, nage God deli mu dao. Augwaligo Jisas Krais koneyu, nago aga tagala palobaso asai bidi dao. Augwaligo te si mu koneyu da, teda te bidada pabo page te dao.

1 Jon 5:19

Dago koneai, te tigidali tǫde bidibo we bidi augwali te Satango dologode bidibo digi, da Godigo wai dabe bidibao.

1 Jon 3:14

Dago dena ama dabe augwali dali dwagi yai homu eyu godolo ebaso, tama te dago koneai, dago te genuai sia dabo buluba pabo tų tagalama, tama da te bidada peyu bidada pabo ula sabo tų sabolai dao. Gasa we bidi dali dwagi yai homu eyu godolo ebo kolesaga masiąbo bidi, aga te genuai sia dabo buluba pabo tųdu me bilibo dao.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

Kraisgo Geme Dualali Sę Pedelabo Po Jonbolo Ola Mani 22:14

Te we bidi augwaligo augwa ugwa we telabo bage, te we bidi augwaligo wiegi yai homu yao. Augwaligo te bidabo ula sabo nide te du sabo usu yaibao. Tama augwali te hanu tomoba pabo tųdu pabo usu yaibao.

Aisaia 53:11

Te aga genuai sęgę tolama da, nosali te aga wiegi yai nai hauwa pedalubo sulama, te aga wiegi yai pemene umabo mu yaibao. Genuai Bidigo te tiwai po wali, “Eno te doloba pai sę bidi, agai ena bugagia koneai. Agai te hauwa we bidigo dwai sę yali sęgę tolama, te kolesagade agai te augwali doloba pai we bidi pedelaibao.

Godigo Nogi Ugwaba Sabo Tęąbi Po Wabo Buku Dabe 119:6

Tama tiyu, eno hale homu me isąwai, magi basowe, eno homugo nago bomo yai po naga konealuai.

1 Jon 2:13

Aya dede, dagego te tigidali nai gagalali sogode bidali bidi, aga megi me bidibo, te bidi dagego koneai dao. Tama eno te po dagebolo asęna tolobao. Dage gesi bidi dabe, dagego Satango bomo aiyaba elaluai dao. Tama eno te po dagebolo asęna tolobao.

1 Jon 3:6

Tama tibaso, aga dali wadolama bidibo bidi, te bidi agai te dwai kolesaga me eyu bidibo menio. Niwai bidi me deligo dwai kolesaga eyu bidibo bidi, te bidi agai Krais susiąma, tama agai Krais konesiąwai bidi bidibo dao.

1 Jon 4:7

Abagi mu dede o, dena hasi dago we bidi dali dwagi yai homu eyu godolo mu inao. Magi baso meni. Te we bidi dali dwagi yai homu eyu augwali godolo mu ebo kolesaga page bidi te God dao. Bidigo dwagi yai homu mabo kolesaga wali pabo bidi, aga te Godigo wai dao, tama agai God mu konebo dao.

1 Jon 5:2

Tama dago God dali dwagi yai homu elama tama aga godolo mu eyu, tama agai bomo yai po dago wali peyu da, teda dago te kolesaga ebode koneagameo, dago God agai wai dabe dali dwagi yai homu eyu godolo ebo dao.

Kraisgo Geme Dualali Sę Pedelabo Po Jonbolo Ola Mani 12:17

Tama tibaso, te genuai hasamani agai te we dali sębę mu yali, tama aga pelama, te wego gasa wai dabe dali wąbi hwįainogo pai. Te we bidi augwaligo te Godigo bomo yai po tigidali wali peyu, tama augwaligo Jisasgo po pusuyu tama agade homu kęą pai we bidi mu bidibo dao.

Kraisgo Geme Dualali Sę Pedelabo Po Jonbolo Ola Mani 14:12

Tama tibaso, Godigo we bidi augwali bomo elama, tama augwaliba pedalabo sęgę bugagia toloyu bidao. Te we bidi augwaligo Godigo bomo yai po wali peyu, tama Jisasde homu mu kęą pai we bidi bidibo dao.