1 Jon 2:28 - Godigo dwagi yai po buku28 Awe, eno wai dabe, dage aga dali bidao. Magi baso meni, nosali aga hania pedalaibao, te sogo da bomo elama dolaluaibao, te aga ma asobo sogode, te tama da hale eyu geme duala sogobeo. Gade chapit la |
Tama te megi e sogo tǫde bidibo we bidi dabe augwali da, te aga bidi taga soayu penani ebo we tiwai da, augwaligo Godigo po taga soali, tama haniani dwai sę ebo dao. Te bidi augwali bidalubo tomode bidiyu, tama agai enade me te eno ola mabo pode me hale eyu ebaso da, teda nosali ena te Godigo Bidi Mu, ena me te bidide hale eyu aga nogi geme dualaluaibao, te eno ena Ayago genuai bomo yai ula dali, te wiegi yai tedali ensel mobo bidi dabe dali e tǫba ma asobo sogo tama tiaibao,” Jisasgo te po wai.
Abagi mu dede, megi da te Godigo wai dabe bidibao. Tama nosali da mena tama bidigowe, te dago megi bugagia hania konebeo. Tialima dago koneani, nosali Krais hania bulu ulaba pedalobo si, te sogo dago aga magi bidi dawe te dago te page mu hania koneaibao. Tama dago aga subaso, te sogo da aga tiwai gagawaibao.
Tama te Genuai Bidi agai dage te we bidi dali godolo mu ebo sęde dąų omainogo, dago aga dali te hanalobo po wabo dao. Tama agai tama tilama, tama nosali dago Genuai Bidi Jisas aga doloba mu pai we bidi tigidali aga dali e tǫba ma asobo sogo, te dage me te sogo Godigo doloba mu pai we bidi dago Aya God agai gesabidide bidimainogo, tama dago te Genuai Bidi dali te po hanalobo dao.
Tiali goli, Genuai Bidi aga asobo sogo, dego te po tų ebo ugwaba ela holobo usu egowe? Aga te pepeli diliba pedalubo sogo, de te me hagagobewe? Aga te sia posolo mu elasa asobo tiwai eyu, te silva me gol hogomu pobele bage sela sąbo tiwai yaibao. Tama aga te meda yai ugwa te sop dali wę dali sigo telabo tiwai yaibao, te meda mu sela sąwaibao.
Tama dage te kibu sipsip tonalubo bidi dabe tiwai bidiyu, tama Krais aga te sipsip tonalubo bidi dabego tuni bidi mu tiwai dao. Tama aga ma asiyu hanilibo si, te sogo dagego te bomo yai ula saibao, te bomonama udayu nai sabo bidi agai te wiegi yai tobolu au yabo nai sabo tiwai. Tama agai au yabo nai osogo elaluyu dolai goli, te dagego sabo bomo yai ula te dolisiąbo nai mu dao.
Suao, Krais aga te dagalu pǫ me tomodu tiąba asaibao, tama tigidali bidi augwa digi gedugo aga te pǫ tomodu tiąba asobo sueibao. Tama te aga tigide enani bidi dabe augwaligo me sueibao. Tama tigidali tǫde we bidi augwaligo aga asobode homu eyu, tama agai augwalibolo dene wei ponaibao homu elama, tama augwali homu sęgę eyu gela waibao. Awe, te tama tiaibao. Mu tama dao.
Te tiwai me Kraisgo te aga bidibo ula aga digi te Godibolo deli sogo naga mani, te we bidi hauwago sęgę sela sąwainogo eyu tama tiai. Nosali te aga si sogo ma asiyu, te agai te sęgę sela sąwainogo me asogobeo. Menio. Te aga ma asobode te dwagi yai homu elama tonaluyu bidali te we bidi dabe augwali naga te agai mu ma sagasaibao.
Tama nosali dago Genuai Bidi Jisas e tǫba ma asobo sogo te da tǫde we bidi aga gesabidide da dolaluaibao. Tama aga asobo sogo da dwagi yai homu eyu tonalubo dao. Tama aga asobo sogo dago te dwagi yai nai dali te dwagi yai au yabo nai dali te si waibao. Dago dwagi yai nai dali au yabo nai dali te si de dawe? Te dage tama dao.
Te tiwai po me deli te Godigo po bukude polobadu asęani, te po e tama wai, “Odao. Te Saion hanude eno te bidi sągą dani tuą palama tulaluabo masigi me deli mubao. Eno te bidi me deli tede mubao, tama we bidi augwaligo aga dali dwai homu yaibao, te augwali dani tuą palama tulaluabo masigi tiwai dao. Tama tiali goli we bidigo agaba konealubo po dąų wabo bage, agai augwali tau mu sabo usu mu yaibao, te augwali tulaluama hale me sogobeo,” te po asęani.
Megi da te udabo dąį ilaliba pedalali bidigo genuai nogi yai namba te sisi elama ena tonalubao. Te genuai nogi sabo namba te tiwai yaibao: te Genuai Bidigo ena te doloba pai bidi nogi poaibao. Genuai Bidi aga te doloba pai po tų ebo bidi jas, tama te genuai sogo pedalubode agai te doloba pai bidi nogi enabolo mawaibao. Tama agai enaduba delibolo naga te me magobeo. Menio. Te aga hania pedalubo suainu godolo homu ebo bidi dabe tigidalibolo te doloba pai bidi nogi mawaibao.
nago te Godigo po bugagia tonaluao. Nago te gasa bagego te Godigo pode dolobo po wabo gogologio. Te nago bugagia tonaluali da, teda te pode dwai po wainogo yabo te usu meni yaibao. Nago tama tonalua pidubadi te dago Genuai Bidi Jisas Krais te ma asobo sogoba usu nagasu tama Krais aga hanilama hania pedalaibao.
Te God aga te dwagi yai homu nagame ebo kolesaga page bidi mu dao. Tama eno homugo te God aga digi dage doloba pai mu ilaibao, aga tiwai bidimainogo yaibao. Tama eno homugo agai dagego homu kolesaga tomode sę ebo mobo bidi me, te dagego noma bidi me, te dagego tigi me God agai bugagia tonaluaibao, tama dage dwagi yai mu bidimainogo. Tama dago Genuai Bidi Jisas Krais ma asobo sogo te dage magi dwai sę isiąwai we bidi tiwai bidaibao.
Te sę dabe pedalobo sogo, te we bidi dabego te e tama po waibao, “Mu tama dao, Genuai Bidi dago God dao. Dago homu agade dąų olama, tonaluai dao. Tama agai da ma oda sai dao. Aga deli naga Genuai Bidi dao. Tama agai da tau sai dao. Tama tibaso, da wiegi yai homu penene genina mu inao. Magi baso meni. Agai da polo ma oda sai dao,” te po waibao.
Tama te haniani dene mabo sę augwaligo page elalubao. Dage duga homu tigidali Godiba muani sę, te sę usu somainogo te dene mabo sę dageba pedalobo dao. Eno megi te wiegi yai kapa nogi gol te naide po digi po begelama obao. Augwaligo te kapa gol te tǫde diganama, tama te dwai nai sela sąwainogo augwaligo te gol siade ulubo dao. Siago uludama, tama nosali te wiegi yai kapa gol naga pedalama, augwaligo saibao. Tama te gol te osogo wiegi yai nai dao, te tǫde elalubo nai dao, tama nosali te nai mu dolaibao. Tiali goli dagego duga homu tigidali Godiba mubo sę te wiegi yai mu dao, tebogo te kapa gol aiyaba elalubo dao. Tialigo da, dagego konealubo po dąų wabo kolesaga usu selama, tama usu baso, te Jisas Krais aga ma asobo hanilabo sogode te Godigo dagego nogi ugwaba mu siyu, dagebolo dwagi yai genuai nogi mawaibao.
Tiali goli, Genuai Bidigo dage Israel ma selama, te sesemane sogo agai dage ugwaba igulama, ugwa ela holomainu ilaibao. Te dage gasa we bidi hani dabede munu ma hale me isąma, te dage sesemane sogo bugagia bidada peyu, bidada paibao.’ Te Seba tǫ kantri bagego te tobage po waibao,” Genuai Bidigo te po wai.