Biblia Todo Logo
Bib sou entènèt

- Piblisite -




1 Jon 2:13 - Godigo dwagi yai po buku

13 Aya dede, dagego te tigidali nai gagalali sogode bidali bidi, aga megi me bidibo, te bidi dagego koneai dao. Tama eno te po dagebolo asęna tolobao. Dage gesi bidi dabe, dagego Satango bomo aiyaba elaluai dao. Tama eno te po dagebolo asęna tolobao.

Gade chapit la Kopi




1 Jon 2:13
36 Referans Kwoze  

Tibaso, dagego ena kuna koneyu da, te dagego eno Aya God me koneaibao. Megi tama dagego gagalama, aga konebao, tama dagego God aga sualio,” Jisasgo te po wai.


Dage eno wai dabe, dagego dago Aya bugagia koneai. Tama tiyu, eno te po dagebolo asęai dao. Dage aya dabe, te tigidali nai gagalali sogode bidali bidi, aga megi me bidibo, te bidi dagego koneai dao. Tama tiyu, eno te po dagebolo asęai dao. Dage gesi bidi dabe, dagego bomo yai, tama Godigo po dage tomode bidibao, tama dagego Satango bomo aiyaba elaluai dao. Tama eno te po dagebolo asęai dao.


Dage eno wai dabe o, dage Godigo we bidi hani, tama dagego te tibo po ola mabo bidi aiyaba elaluai dao. Magi baso meni. Te Mobo dage tomode bidibo Mobo Bidi agai bomogo te tǫde bidi dali tomode bidibo mobogo bomo aiyaba elalubo dao.


Dago te gesi noma bidibo ula elalubo pode, te pode dagebolo e po asęna tolobao. Te Godigo nai me deli me nigisiąbadi te po hasia bidaluai dao. Te po polobadu mu elaluali goli dago te po dena ologo odali dao, tama dena gedugo suai. Awe, dago gedugo suali, tama dago nogogo tuyu yai.


Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deli agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.


Tama te bidada pabo bomo page e dao. Augwaligo nage koneyu, nage God deli mu dao. Augwaligo Jisas Krais koneyu, nago aga tagala palobaso asai bidi dao. Augwaligo te si mu koneyu da, teda te bidada pabo page te dao.


Dago koneai, tigidali bidi Godigo wai dabe bidalubo bidi, augwaligo dwai kolesaga wali me pabo menio. Magi baso meni. Godigo Ogwago augwali bugagia palibo dao, tama Satango augwaliba aga nogo mugobeo.


Da te polobadu bidali bidi Kein bidali tiwai bidamuo. Aga te Satango bidi bidai, tama agai aga ama ela muai. Tama magi baso aga ama ela muaniwe? Agai dwai kolesaga naga yali, tama aga amago yali kolesaga tigidali dwagi yai doloba pai kolesaga yai. Tibaso, aga sębę elama, aga ama ela muai.


Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deligo agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.


Dago koneai, Godigo Ogwa aga asai, tama agai homu kolesaga da mawai, dago te God aga God mu dao, te dago konemainogo te kolesaga da mawai. Da aga Ogwa Jisas Krais dali wadolama bidibaso, tama da God dali bidibo dao. Te Krais da, te aga God mu dao, tama agai te bidibo ula sesemane sogo bidada peyu, bidada pabo ula mabo dao.


Dage eno wai dabe, tama Krais aga nogi tobade Godigo dagego dwai sę yali sęgę sela sąwai dao. Tama eno te po dagebolo asęna tolobao.


Eno wai dabe, dagego dwai sę isąmainogo eno e po dagebolo asęna tolobao. Tama bidi me deligo dwai sę eyu da, te da tau sabo bidi me deli elalubao, te mu doloba pai bidi Jisas Krais dao. Tama aga Aya dali bidiyu, tama agai te da tau sabo po agabolo wabo dao.


Te gesi bidi dabe augwalibolo me ola mayu, tama augwalibolo wao, “Dagego duga tigigo ebo kolesaga bugagia tonaluao,” te po wao.


Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.


Tama augwaligo Aya konesiąyu, tama augwaligo ena me konesiąyu ebaso, te sę dage dali yaibao.


Jisasgo Filip dali te po wai, “Bobobage sogo ena dage dali bidali digi, tama nago ena gisiga konebewe? Bidigo ena suali da, te bidi agai Aya God me sualio. Magi baso nago ‘God dabolo ola ma,’ po waliwe?” Jisasgo te po wai.


Tama tialima, augwaligo Jisasbolo te po wai, “Nago aya mena bidibowe?” Jisasgo te po wei ponoyu, te po wai, “Dagego ena page kuna konebeo. Tama dagego eno Aya me dagego konebeo. Dagego ena konegi sogo da, teda dagego eno Aya me konegi da,” Jisasgo te po wai.


Tama te nai ge tedelalo pali gi da, te e tǫ dao. Tama te wiegi yai nai ge da, te Godigo obo tomode bidibo we bidi dao. Tama dwai noswai da, te Satango we bidi dabe dao.


Te Godigo we bidi tonalubo kolesagade po wabo odobo digi te po page koneyu dąų wasiąwai bidi, te bidi te aga da te soabo tųba olo tudulaluali nai wai ge tiwai dao. Tama te Satan agaba aselama, tama polo te po Godigo aga homuba budali po te Satango te dagala sabo dao.


Te gesi bidi dabego te bomo elalubaso, tama tego te we bidigo augwaliba pemene emainu ebao. Tiali goli, te monu dabe te ayadeba nisi yai elalubaso, tama te we bidigo tede te homu koneama, tama augwaliba te genuai nogi mabo dao.


Godigo te tama po wali, “Te eno te ena wei mu ebo bidi dabe augwali ma saibao, tama te eno te ena mu koneani bidi dabe seselalubo dao.


Te sesemane bidada peyu, bidada pabo sogo, nage te God bidibao, te polobadu me bidali, nosali me bidaibao. Tigidali bulu du pedalisąbadi, tama nago te tǫde nai tigidali nigisąbadi, tiali goli, nage God bidai dao.


Te Godigo po odobo we bidi hani tomode te monu dabe tobolu bidi me deligo dwai sę eyu da, nago aga te dwai sęde ma dodoloyu tama nago agabolo sesena pai po me olamuo. Menio. Nago po nagame elama dua digi dodolao, te naga aya monu dodolobo tiwai gilama yao. Tama nago te gesi ogwa bidi dabe dodoloyu, te naga ama dodolobo tiwai gilama yao.


augwali tigidali deli homu naga elama bidimainogo ebao. Aya, nage ena dali wadoloyu, tama ena nage dali wadoloyu bidibo tiwai, eno homugo augwali da si dali homu deli elama, wadoloyu bidimaio. Tama te tiwai elama, tama tǫde we bidi augwaligo te nago ena e tǫba tagala palali po odama, tama augwaligo te mu po dao olama, koneagameo. Tama te sę pedalomainogo, eno e po nage dali megi obao.


Te tǫ da, wiegi yai mu elalueibao. Tama te gesi wegi ogwa dabego te wit nai me wain hauwa elalueibao, tama augwali te genuai hani te bomai we bidi mu pedelaibao.


Te Genuai Bidigo po ma weyu, te po wali, “Nosali te eno Mobo Bidi te tigidali we bidiba tagala palaibao,” wali. “Tama te dagego ogwa dabe me, wegigo me, te eno po te profet dabego po pusubo tiwai yaibao,” wali. “Te dage monu dabe bidi dabego te na eyu, te gesi ogwa bidi dabego me te na tiwai yaibao,” wali.


tama te gesi bidi, me gesi wegimani dabe, tama te monu dabe, me te wai puluba dabe, dage tigidaligo te Genuai Bidigo nogi ugwaba sao.


Tama dagego ‘Awe’ obaso da, teda ‘Awe’ naga waiyąo. Me ma, dagego ‘Menio’ obaso da, teda ‘Menio’ naga waiyąo. Teda usu yaibao. Tiali goli dagego duga wabo po mu dąų omainogo te gasa po me obaso da, te po te dwai bidi Satan aga te po page bidi dao,” Jisasgo te po wai.


Eno homugo dage ena dali wadoloyu, tama dwagi yai homu nagame elama bidimainogo eyu, eno e po tamadi tama dage dali wai dao. Dage tǫde bidibadi te tǫde we bidi augwaligo dwai sę dage dali yaibao. Tialima, dagego homu bomo elama, bidao. Eno e tǫde kolesaga aiyaba elaluai dao,” Jisasgo te po aga sę bidi dabe dali wai.


“Te olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te bidibolo eno aga usu da weyu, tama agai te bidi bidibo ula mabo ni du sela tumainao waibao. Tama te bidi bidibo ula maiabo ni te God aga gide elalubo dao.’”


Tama te kibu sipsip wai aga isiyu aga kaneme gelebaso, tama dago ama dede augwaligo te dwai bidigo bomo aiyaba elaluai dao. Tama me augwaligo Godigo po gasa we bidibolo pusali, tama augwaligo te kolesaga yaligo me augwaligo te dwai bidigo bomo aiyaba elaluai dao. Tama te kolesaga ebadi augwaligo te homu yali, ‘Te Godigo po odobo hagela ebo bage augwaligo da eleyu da, teda te usu da, da wi egobeo,’ te homu yali. Tama te homu eyu, augwaligo augwali e tǫde bugagia bidabo te homu ebeo.


Swiv nou:

Piblisite


Piblisite