1 Jon 2:1 - Godigo dwagi yai po buku

¹ Eno wai dabe, dagego dwai sę isąmainogo eno e po dagebolo asęna tolobao. Tama bidi me deligo dwai sę eyu da, te da tau sabo bidi me deli elalubao, te mu doloba pai bidi Jisas Krais dao. Tama aga Aya dali bidiyu, tama agai te da tau sabo po agabolo wabo dao.

1 Jon 2:1 Referans Kwoze

2 Timoti 2:5

Magi baso meni. Te God deli naga bidibao. Tama te God de bidi si tomode naga dolalubo bidi deli naga te elalubao, te bidi te Krais Jisas dao. Agai God dali we bidi dali deliba sisinabo bidi dao.

Polgo Po Pas Rom Dabeba Asęani 8:34

Te dego da dali te dwai sę yali bidi te dwai dene sabo po wagawe? Menio. Magi baso meni. Krais Jisas aga digi isąma, tama ma hodalubadi yai. Tama aga digi te Godigo dolo nogode genuai bidi bidiyu, tama God hanalu wabo po wabogo me da tau sabo dao.

Dwagi Yai Gesi Po Jongo Asęani 14:6

Jisasgo Tomasbolo te po wai, “Ena digi ena te pabo tų dao, tama ena mu po wabo page dali, bidabo ula page dali te enade elalubo dao. Tialima bidi me deli Aya pageba gasa tųdu nogo habu sugunai tųdu me pogobeo. Pabo tų ena deli dao.

2 Korin 5:21

Te bidi Krais agai dwai sę me isąwai, tiali goli da tobade Godigo dago dwai sę yali sęgę tigidali agaba sisinama, tama aga te dwai sęgę sai bidi tiwai mu pedalai. Agai tama tiali te da Kraisde wadolomainogo yali, tama agai bomogo da te Godigo gedude doloba pai we bidi pedalomainogo yai dao.

1 Jon 4:4

Dage eno wai dabe o, dage Godigo we bidi hani, tama dagego te tibo po ola mabo bidi aiyaba elaluai dao. Magi baso meni. Te Mobo dage tomode bidibo Mobo Bidi agai bomogo te tǫde bidi dali tomode bidibo mobogo bomo aiyaba elalubo dao.

1 Jon 3:18

Dage eno wai dabe, dago te we bidi dali dwagi yai homu eyu godolo ebo kolesaga, te kolesaga dago pedauwaligo po wabogo naga ilamuo. Menio. Dago homu mu eyu, tama dago augwali dali dwagi yai homu ebo kolesaga te dago augwali tau sabo sęgo augwalibolo hania ola mao.

1 Jon 3:7

Dage eno dwasianu wai dabe, dage dua dao. Dage bidi me deligo tibo po ola maidali weyu bugagia suao. Dwagi yai doloba pai kolesaga ebo bidi, te doloba pai bidi dao, te Krais aga dwagi yai doloba pai bidi tiwai dao.

Dwagi Yai Gesi Po Jongo Asęani 8:11

Te wego te po wai, “Genuai Bidi, me deli me bidibeo.” Tama Jisasgo te po wai, “Eno me nage po tų elama, nagebolo sęgę magobeo. Nage pao. Tama nosali nago dwai sę ma egio,” Jisasgo te we dali te po wai.]

Hibru 9:24

Dago koneao, Krais aga te Tedali Gasagi Yai Be habu tomoba peyu, aga te bidi dabe augwaligo nogogo sę yai be tomoba pelama, tama te Godigo be mu tiwai elama te piksa tiwai naga ebeo. Menio. Aga te dagaluba digi tomoba dolo mu pai. Tama megi aga te God gedude hania bidibao, tama agai da tau sabo sę megi ebo dao.

1 Jon 3:5

Dagego koneai, Krais asali agai te tǫde we bidigo dwai kolesaga ebo sela sąwainogo asai, tama dwai sę ebo kolesaga agade me bidibo menio.

Efesus 2:18

Eno te po magi baso obawe? Te Krais agai te da hani si tau sabo sę ebaso, Godigo Mobo Bidi aga da tigidalide hodobo bidiyu, tama da gedu haluasa po wabo si te God dago Aya agai dago wabo po odaibao.

Dwagi Yai Gesi Po Jongo Asęani 6:27

“Dagego te mobia pabo nai naga sabo sę tiwai dagego egimio. Te menio. Dagego te bidada peyu bidabo bomo mabo nai sabo sę yao. Te tiwai nai Godigo Bidi Mu agai dagebolo mawaibao. Magi basowe? Aga Aya Godigo te bidide dwagi yai homu eyu, sa muai,” Jisasgo te po wai.

Esekiel 3:21

Tialima, nago te wiegi yai bidi me deliba te po bomonama, te dwai sę igio po obadi, tama agai te po wali pelama, te dwai sę me isąbaso da, teda aga me isigobeo. Te nage me nage bugagia bidaibao.” Godigo te po enabolo wali.

1 Pita 3:18

Magi baso meni. Te Krais aga digi agai dago yali dwai sę sęgę sela sąmainogo aga deli sogo naga isali. Tama aga te doloba pai bidi mu bidai goli, tama agai da doloba pisiąwai bage te God pageba sesimainogo agai da tobade dene sali. Bidi dabe augwaligo aga tigi isilali. Me ma Godigo Mobo Bidigo Krais bidimainogo ma hodolali.

Efesus 4:26

Tama me sogo dagego homu sębę eyu da, teda dua dao, te dagego sębę ebo homugo dage te dwai sę ebo kolesaga tomoba kekeidali weyu. Tama te giliga piode dega sigi pisiabadi te homu sębę polo tagalama silao.

Galesia 4:19

Eno wai puluba, polobadu dagego homu kolesaga Kraisde dąų wasiąbadi, te sogo dagede ena moni homu eyu dene sai dao. Tama te tiwai megi me ena te dene ma sabo dao. Te wego wai ame nainogo dene ebo tiwai, dene megi eno ebo dao. Tama ena te dene sesa pidubadi tama dagego homu kolesaga te Kraisgo homu kolesaga tiwai ebo side te eno homu wiegi yai eyu usu yaibao.

Dwagi Yai Gesi Po Jongo Asęani 5:36

Tialima eno wabo po tau sabo nai me elalubao, te moni bage mu dao. Eno Ayago enabolo sę mani, ena te sę tigidali elama, silimainogo ebao. Te sę dabe eno ebo dao. Tama te ebo sęgo me te we bidi ola menama, augwaligo konebo dao, Ayago ena tagala palobaso, ena asai dao,” Jisasgo te po wai.

Dwagi Yai Gesi Po Lukgo Asęani 10:22

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deli agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

1 Pita 2:22

Tama tiyu, agai magi dwai sę munu me ebe, te tibo kolesaga eyu tibo po me deli digi wabeo.

1 Korin 15:34

Dagego te wabo pabo kolesaga tagalama tama dolo homu kolesaga yao. Dagego dwai sę ebo tagaliąo. Dagego odao. Dage tomode meba augwaligo te Godigo te isai we bidi ma hodalugobe po wabo bage, augwaligo God kuna konebeo. Te dage hale ilainogo eyu eno te po dagebolo obao.

Dwagi Yai Gesi Po Jongo Asęani 5:14

Nosali Jisasgo te bidi te Moni Lotu Be tempel tomode ma sulama, te po wai, “Odaliwe? Megi da nage usu yali dao. Nago dwai sę dabe ebo tagalao. Tiyu moni sęgę nageba pedalabuo,” Jisasgo te bidibolo te po wai.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Jems 1:27

Godigo gedude bidi agai wiegi yai kolesaga eyu, agai po bugagia odobo bidi agai magi dwai sę isąbo bidi, agai e tiwai kolesaga si yao: te kolesaga me e dao, niwai wai dabe meba augwa aya de ida si isiyu, tama te tiana wai dabe augwaduba naga bidibaso da, te me bidi isiyu we taga pai agaduba bidibaso me, te dago te tiwai wai dabe me, te wilawe we me augwali magi nai meni baso te sęgę sobadi tau sao. Te me kolesaga e dao: dago dena bilibo kolesaga bugagia tonalua bilao, tama e tǫde meda yai dwai kolesagago dago homu kolesaga dolidali weyu.

Godigo Nogi Ugwaba Sabo Tęąbi Po Wabo Buku Dabe 4:4

Dage te Godide wi elama, tama te dwai sę ebo kolesaga tagaliąo. Te dage betde godege pibo sogo, dagego tede bugagia kone paliyu, tama pedauwali pania siąo.

1 Jon 5:21

Eno wai dabe, dua dao. Dagego te tibo god dabe wali pidali weyu, dagego duga digi bugagia paliąo. Te tama dao.

Jems 3:9

Tama dago kelego naga po weyu, te dago po si wabo dao. Po me deli te dago Genuai Bidi dali te dago Aya God te augwali sigo nogi dago ugwaba sabo dao. Tama gasa po me dago kelego dwai po weyu, meba bidi dabe dali posobo po olama dolobo dao. Tiali goli, God agai tigidali tǫde we bidi aga tigi tiwai nigaligo da, Godigo nogi ugwaba sabo po dali, te bidi posobo dwai po wabo dali, te tiwai po si dago deli kelego olamuo. Eno ama dedeo, te dwai po wabo tagalao.

Polgo Po Pas Rom Dabeba Asęani 6:15

Tama da te bomai po dologode me bidisiąyu, tama da te Godigo olo tau sabo wiegi yai kolesaga dologode megi bidibaso, dago magi yaibawe? Dago te dwai sę ebo usu egowe? Mu menio.

Dwagi Yai Gesi Po Jongo Asęani 13:33

Abagi dede, dwasianu sogo ena dage dali bidaibao. Tama dagego ena gegebo sę yaibao. Tama eno Juda bagebolo wali po gilama, tama megi eno dagebolo me obao, dage ena pabo buluba me pogobeo.

2 Timoti 3:14

Eno homugo ena nage bidibo madi tamadi asaibao. Tiali goli megi eno e pas nagebolo asęna tolobao.

Dwagi Yai Gesi Po Jongo Asęani 21:5

Tama Jisasgo augwalibolo hanalubo po olama i weyu, te po wai, “Abagi dede, dagego sųgų meba saliwe?” te po wai. Tama augwaligo aga dali po wei ponoyu, te po wai, “Menio,” te po wai.

Dwagi Yai Gesi Po Jongo Asęani 14:16

Tama eno te Ayabolo hanaluama, tama agai dage tau selama, gasa tau sabo bidi dagebolo mawaibao. Tama te bidi dage dali bidada peyu, bidada paibao.

Godigo Sęba Tagala Palai Bidigo Po 7:52

Polobadu duga wąį dabe augwaligo Godigo dwagi yai po pusa mabo bidi dabe tigidali ela silali. Me deli bidibawe? Mu menio. Polobadu mu Godigo dwagi yai po odasa pabo bidi dabe augwaligo te po wai, ‘Nosali God agai dwagi yai dolo sę ebo bidi asaibao.’ Tialima, duga wąį dabe augwaligo te po odasa pabo bidi dabe ela muani. Megi tama dagego te Godigo dwagi yai dolo sę ebo bidi ela muai.

Polgo Po Pas Rom Dabeba Asęani 5:10

Polobadu dago God dali boi bidi homu elama bidibadi, tama te sogo Godigo Ogwa isai. Tama te isaligo agai te dago boi bidi yali kolesaga silama, tama da God dali deli homu ilama pedalali. Tama agai tama tialigo da, teda dago mu kuna koneani, te dago dene sidali weyu, te Ogwago bidibogo te Godigo da ma dobola sainogo tiaibao.

1 Jon 5:17

Tigidali dolo isąbo kolesaga, te dwai sę dao. Tiali goli dwai sę mebago te bidi dwai madigi tagala palabo menio.

Jongo Sela Sogo Wabo Asęani Pas - 3JN 1:4

Awe, eno wai dabe augwaligo mu po wali peyu bidibo te po eno odu gebaso da, teda eno dwagi yai homu pemene mu ebo dao. Tama gasa po odobode dwagi yai homugo te dwagi yai homu ebo aiyaba elalubo menio.