1 Jon 1:9 - Godigo dwagi yai po buku

⁹ Tiali goli dago yali dwai sę dabe po dago te Godibolo pusuyu da, teda agai aga polobadu dąų wali po wali peyu, tama agai da dali te doloba pai kolesaga naga eyu yaibao. Agai dago dwai sę yali sela sąwaibao, tama dago yali dwai kolesaga tigidali agai sela sąnama tama da te meda isąwai we bidi ilaibao.

1 Jon 1:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 32:5

Nosali eno sęgę te eno nageba pusali. Eno ena yali dwai kolesaga geme me dualubeo. Eno te homu yali, eno te bomai po bolali kolesagade sali sęgę tigidali eno te Genuai Bidiba pusabo homu yali. Eno hania pusula silibaso, tama nago eno yali dwai sę me, eno sęgę me, sela sąwai dao. Tama tiyu, nago ena tede nosali elegobeo wali.

Bugagia Bidibo Kolesagade Po Asęai Buku 28:13

Te bidigo aga dwai sę yali geme dualabo homu ebo bidi da, teda aga bugagia me bidigobeo. Tiali goli, te bidigo aga dwai sę yali tigidali pusulama, tama te dwai sę dabe tudiba mubaso da, teda Godigo te olo mu tau sabo wiegi yai kolesagago aga bugagia tau saibao.

Jeremaia 33:8

Augwaligo enade hagoma elama, dwai sę yali. Tialima, eno augwaligo te dwai sę sela sąnama, te augwali eno gedude wiegi yai ma pedelaibao.

1 Jon 1:7

Tiali goli da ulade biliyu da, te aga te ulade bidibo gilama, tama tiali da, da dena hasi abagi dede dali deli homu elama bidaibao. Tama bididuyu, tama Godigo ogwa Jisas agai kanemego dago dwai sę tigidali sela sąnama, tama da dwagi yai ma pedalobo dao.

Esekiel 36:25

Tama eno wiegi yai meda meni yai ąį selama, dage tigiba gelaibao, te dage eno gedude wiegi yai ma pedalomainu. Awe, eno dagego dwai damua pai kolesaga, me dagego tibo god dabe me sela sąwaibao, tama dage eno gedude wiegi yai pedelaibao.

Hibru 10:23

Tama dago homu nosali da Godigo bidibo digi bidigi paibao. Tama homu eyu, tama dago te gasa we bidibolo te homu ebo po haninama pusali. Awe, dago te konealubo pode dena homu bugagia dąų olama, tama tede homu si me ilamuo. Magi baso meni. Godigo ebo kolesaga dago koneani, tigidali sę te agai yaibao po wabo sę te mu tama agai te sę ebo dao.

2 Timoti 1:15

E konealubo po te mu po dao, tama tigidali we bidi e po odama augwaligo homugo mu dąų omainao: Krais Jisas te tǫba dulali, te tǫde dwai sę ebo we bidi dabe ma dobola sainogo asali. Awe, te mu po dao, tama te hasia polasa dwai sę yali bidi te ena digi tama e dao, eno yali dwai sę te gasa bagego dwai sę aiyaba elaluali.

Nehemia 1:6

Genuai Bidi, te giligade me hulide eno nageba hanalu, te Israel dabe tau sao obao, te augwali nago sę bidi me sę ebo we dabe dao. Tama tialima, eno homugo nago eno te gedu haluasa po wabo te bugagia odao. Eno te tiwai hania hanilama mu obao, ena dali, te eno wąį dabe dali, dago te dwai sęgę salio. Tama dago naga te sęgę me ebeo. Menio. Te Israel we bidi tigidaligo te sęgę sela silai dao.

Esekiel 37:23

Tama augwaligo tibo god dabeba ma lotu po weyu, me dwai damua pai kolesaga wali peyu, me dwai sęgę sabo kolesaga wali me peyu me egobeo. Tama tiyu, augwali eno gedude meda yai me pedalogobeo. Augwali me habu badu bidi augwaligo sęgę saibaso, tagalao, eno augwali tau selama, tama augwali wiegi yai pedalaibao. Tama augwali eno we bidi bidaibao, tama ena augwaligo God bidaibao.

1 Korin 1:9

Te God aga digi dage aga ogwa Jisas Krais dali wadolomainogo eyu tama dage i wali bidi, te tiwai God aga digi da te agai homugo dage dali kęą pai bidi mu dao, te dage agaba tią pabo te usu dao.

Bomai Po 7:9

Dagego te tiali sę wiegila koneiąwe, God dago Genuai Bidi aga deli naga te God mu dao. Tigidali sogo agai aga po dolo wali peyu ebo dao. Tede aga munu me tulalubeo. Tama tialima, agai aga dąų wali po wali peyu yaibao, tama agai te we bidi augwaligo aga godolo eyu, agai bomai po wali pabo we bidi, augwali hani te nosali nosali pedalua pabo bage, augwali 1,000 solo usu siyu, tama agai augwali godolo mu eyu ebo dao.

Godigo Sęba Tagala Palai Bidigo Po 19:18

Tama nosali Jisasgo po wali pabo we bidi me badu augwali aselama, te po te we bidi tigidalibolo wai, “Te dwai pobi wabo sę dago polobadu yai dao” wali.

Dwagi Yai Gesi Po Makgo Asęani 1:5

Tama te Judia tǫ pedai provinsde bidali we bidi dabe umabo mu Jon pageba sisinigi pai, te Jerusalem moni hanu we bidi dabe umabo me agaba asali. Tama augwali deli deligo augwa dwai sę yali sęgę hania hanilama, tama te po wai, “Eno dwai sę dabe yai dao.” Tama tibadi Jongo augwali te Jordan pabo ąįde baptais mani.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Godigo Nogi Ugwaba Sabo Tęąbi Po Wabo Buku Dabe 19:12

Tialima, niwai bidigo aga yali dwai sę koneaibawe? Eno dwai sę meba yali te eno kuna konebeo, tama nago eno te dualai dwai sę yali pęą sąlama, ma sela sąyao.

1 Korin 6:11

Tama polobadu dage meba te tiwai sę ebo we bidi dabe bidaluali. Tiali goli dagego te dwai sę ebo tagalama, tama baptais salio. Godigo dage aga da olama sa muai. Dagego te doloba pai nogi salio. Te Genuai Bidi Jisas Krais me te Godigo Tedali Mobo augwali sigo sę eyu, tama dage Godigo gedude doloba pai we bidi hani tama pedalai dao.

Te We Bidi Dabego Jerusalem Hagede Gela Wali 3:23

Menio. Te agai te kolesaga tigidali bubugade gesi noma pedalobo tiwai ebo dao. Genuai Bidi, nago te homugo kęą pabo kolesaga da dali tigidali sogo ebo dao. Nago te kolesaga te wiegi yai mu dao.

Hibru 6:10

God aga te dolo osola subo konesiąbo bidi meni. Agai homugo dagego te yali tigidali sęde te homu me gegeda peyu, me tagalogobeo. Menio. Dagego duga homugo agade kone palobadi tama agade dwagi yai homu eyu, tama te tialigo te dage homu hodolama tama agai we bidi augwali te dagego tau sidu geduai dao. Tama te tiwai kolesaga dagego me ela pabo dao.

Te Israel me Juda Hani Sigo Tuni Bidigo Po Elalubo Buku Deli 8:47

tama nosali augwali te boi bidi dabego bulu tǫde bidiyu, tama augwaligo te augwa yali dwai sęde homu hauwa kone paliyu, te augwaligo homu begelibaso da, teda Genuai Bidi, nago augwaligo te gedu haluasa po wabo odao. Mu tama, augwali te boi bidi dabego tǫde kalabuside bidiyu, tama augwaligo nageba konealubo homu dąų weyu, te nageba naga homu koneyu, tama ge nenama, homu mu begelama, tama augwaligo te nago augwaligo wąį nǫų dabeba sa muyu mani te tǫba tonalu, te e hanuba dali te nago eno sę yani beba tonalu, te we bidi dabe nage pąba asainu ebo homu elama, tama te augwaligo gedu haluasa po te tama waibao, ‘Te hobede mu da, da te dwai sę ebo kolesagade biliyu, tama te dwai kolesaga haniani yali dao,’ te po obaso da, teda nage te naga bulu dagalude bidiyu, tama te nago augwaligo gedu haluasa po wabo odolama, te nago olo tau mabo wiegi yai kolesaga eyu, te augwali tau sao,” po wai.

Kraisgo Geme Dualali Sę Pedelabo Po Jonbolo Ola Mani 15:3

Tama tiyu, augwaligo te Godigo sę yali bidi Mosesgo polobadu wali tęąbi weyu, tama te Kibu Sipsip Waigo tęąbi me wai. Te tęąbi po wali e dao: “Genuai Bidi, nage te God te Tigidali Bomo Elalubo Bidi dao. Tigidali sę nago ebo, te genuai mu eyu, tama dago te sę ebo suyu, tama da noma siyu homu hauwa ebo dao. Nage tigidali hani bidigo tuni bidi, tama nago kolesaga te dolo eyu tama tigidali mu naga ebo dao.

Hibru 11:11

Tama Sarago me konealubo po Godide dąų olama tama agade tiąluali. Agai wai ame nabo sogo bodolu silai madi, tiali goli agai konealubo po dąų elaluali, tama agai wai ame nabo bomo usu yai. Sarago e tiwai homu yai: ‘Godigo po dąų weyu eno wai ame naibao wai. Tama Godigo mu po naga wabo dao,’ Sarago te homu yai.

Matyu 3:6

Tama augwaligo augwa yali sęgę dabe pusuyu, tama Jongo augwali te Jordan ąįde baptais mani.

Aisaia 45:21

Dage tigidali we bidi, dage aselama, dagego po te po tųba pusagasao. Dagego duga haside digi hanalu, te gega suyu bolo yao, mena god mugo te polobadu mu po wali sę po te megi tama pedalubo dawe? Ena Genuai Bidi, ena deligo naga eno te nai dabe pedelaiba po pusali. Tama suao. Te gasa god munu me bidibeo. Ena te doloba pai kolesaga naga ebo God, eno te ena we bidi dabe ma dobola sabo God da, enaduba deli naga ena bidibo dao.”

Efesus 5:26

Tama Krais agai tama tiali te aga po wali pabo we bidi hani agai augwali Godibolo mawainogo agai augwali ąį telawali te meda meni yai pedaliyu, tama agai pogo me augwali tedali gasagi yai nigilali.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Ma Dobola Sali 34:7

Te eno we bidi hani hauwa godolo iduyu, tama te eno po dąų wali tiwai gilama, tama eno augwaligo hagoma ebo haniani dwai kolesaga te sela sąbo dao. Tiali goli, te dwai sę ebo bidi dabebolo eno dene ilaibao. Tama eno augwaligo wai dabebolo me, tama augwaligo nosali pedalobo wąį te wai dabebolo me, tama te sela, me te me si me si haniba te tiwai dene mabo sę naga augwaliba pedelaibao,” wali.

Te Israel me Juda Hani Sigo Tuni Bidigo Po Elalubo Buku Deli 8:30

Genuai Bidi, nage te naga bulu te dagalude bidibao. Tiali goli, te ena nago sę ebo bidi me te Israel dabe, te naga we bidi hani dabego, te beba tonalu, te nageba gedu haluasa po obaso da, teda nago dago te gedu haluasa po wabo odolama, tama te dago sęgę sela sąyao,” po wai.

Jeremaia 3:13

Israel, nago te tiwai po dolasa hanilama pusao, “Eno te dwai sę yai da,” po wao. “Eno God, nage ena Genuai Bidiba hagoma yali, te ena tigidali genuai ni dologoba pelama, te tibo god dali dwai kolesaga yali. Te eno nago po sela sąwani.” Israel, ena Genuai Bidigo, eno te po nageba mobao,’” wali.

Dwagi Yai Gesi Po Jongo Asęani 17:25

Aya, nage doloba pai bidi mu dao. Tama tǫde we bidi augwaligo nage konebeo. Tiali goli, eno da nage koneai dao. Tama e bidi dabe augwaligo konebao, te nago ena tagala palama, ena asai dao.

Dwagi Yai Gesi Po Lukgo Asęani 22:57

Hogwa siyu, Pitago te po wai, “Ena menio. We, nago wabo po eno te Jisas konebeo,” Pitago te po wai.