1 Jon 1:8 - Godigo dwagi yai po buku

⁸ “Eno dwai sę menio,” dago te po weyu da, teda dago dena homu kolesagabolo ili po ola mayu, tama mu po wabo dago homu kolesagade me menio.

1 Jon 1:8 Referans Kwoze

Polgo Po Pas Rom Dabeba Asęani 3:23

Magi baso meni. Da tigidali bidi dago dwai sę yai dao, tama da tigidali te Godigo wiegi yai usu niba kadu wabo usu menio.

Jems 3:2

Tama hauwa sogo da tigidali bidigo te pode geda muyu haniani sę ebo dao. Tama tibaso, bidi mego agai wabo pode dwai sę me esiąyu da, te aga te wiegi yai bidi mu dao. Tama te bidi aga tigigo ebo sę tigidali bugagia tonaluyu te bidi usu yaibao.

Kolesaga Koneai Bidigo Pusali Po Elalubo Buku 7:20

Te doloba pai bidi me deligo wiegi yai kolesaga sesemane sogo me idugobeo. Menio. Me sogo agai me sęgę sabo dao.

Aisaia 53:6

Da tigidali te sipsip besela palama, bilibo tiwai yali, te da deli deligo te dena digi homu wali bilali. Tama tibaso, Genuai Bidigo daba te dene mabo sę yabo usu igi da, te dena yali dwai sęde wei ponainu yali, tiali goli aga te tama me tebeo. Menio. Te dena digi tolabo sęgę te agai aga sę bidiba te sęgę menama, tolomainu yai dao.”

1 Jon 2:4

Godigo bomo yai po wali pisąbo bidigo te po weyu da, “Eno God mu koneai dao,” te po wabo bidi aga te ili po wabo bidi dao, tama mu po te bidigo homude bidibeo.

1 Jon 1:10

Dago hogwa sabo po weyu, “Eno dwai sę me ebeo,” dago te po weyu da, teda te po wabogo dago God aga nogi ili po wabo bidi dao wai, tama agai po dago homude menio.

Bugagia Bidibo Kolesagade Po Asęai Buku 20:9

Dego te tama po weyu, “Eno te ena digi te magi dwai sę me isiąwai mu, te ena wiegi yai mu te God geduba pedalu, tama megi eno te dwai sę me deli ebeo,” po obaso, te usu egowe? Bidi meni.

Jopgo Po Asęani Elalubo Buku 15:14

We me, bidi me, Godigo gedude doloba pai me elalubeo.

Galesia 6:3

Tama dage dua dao, bugagia suao. Te bidi deli agai te homu ebo, aga digi aga nogi ugadu elalubo homu eyu da, tama agaduba bomo dali bidibo bidi da homu eyu da, tiali goli aga nogi me bomo me elalusiąbaso, teda te bidi aga digi aga homu tomode ili po ola mabo dao. Tama aga tulamuidali weyu, agai te homu ilamuo.

Aisaia 64:6

Da tigidaligo dwai sę eyu, te da nago gedude meda yai mu elalubao. Te kolesaga dabe dago homugo doloba pai kolesaga da olama, te kolesaga dabe te dago gawea pai nai tiwai dao, tiali goli dago te ebo, augwali nago gedude dwai mu eyu, te ugwa meda dwai mu tiwai ebao. Te dena ebo dwai sęgo te pąde da mu haga yabo homu yai, te wa pai ni yabe te waligo sela pabo tiwai yaibao wali.

Godigo Nogi Ugwaba Sabo Tęąbi Po Wabo Buku Dabe 143:2

Te nago po tųde te ena naga sę bidi me dagaligio. Magi baso meni, te mena bidi me deligo te nago gedude magi dwai sę me ebeo.

Jems 1:26

Te bidi me deli agai homu ‘Ena te baptais sali dwagi yai bidi dao, hauwa sogo eno lotu po wabo dao,’ te homu ebo bidi dao. Tiali goli agai bidi dene mabo dwai po waidali weyu, agai aga pedauwali bugagia tonalubo menio. Tama tiyu da, geda muyu, aga digi aga homugo agabolo tibo po naga wabo dao. Agai te baptais olo sali, agai lotu po wabo te olo po naga wabo dao.

2 Timoti 6:5

Tama sesemane sogo augwaligo wado po subigila weyu ebo dao. Te tobage bidi dabe augwali te gagea pai homu ebo bidi pedalama, tama augwaligo te mu po te augwa homude dąų wabo tagalai dao. Augwaligo homugo te Godigo kolesaga wali pabo te bisnis ebo sunumi augwaliba bugagia pedalama, tama mone hauwa siyu, tama walu hauwa sabo mone bidi pedalaibao homu ebo dao.

Jopgo Po Asęani Elalubo Buku 25:4

Mena tama da tǫde bidi doloba pelama, Godigo gedude meda meni yai pedalaibawe?

Te Israel me Juda Hani Sigo Tuni Bidigo Po Elalubo Buku Deli 8:46

“Tigidali we bidigo dwai sę ebo da. Tama nosali te Israel dabego te dwai sę nageba ebaso, tama nago augwali dali wado po weyu, tama nago te boi bidi dabego augwali aiyaba elalumainu elama, te augwali kalabus elama, tama augwali te pąde elalubo bulu tǫba, ma te digibulu tǫba selasa pomainu ilama,

1 Korin 3:18

Tiyu te bidi me deli agade digi tibo po ola mayabuo. Te dage tomode bidi deli agai te e tǫde homu kolesaga wali peyu tama te tiwai homu eyu, ‘Eno kolesaga koneai elalubo,’ aga te homu eyu da, teda aga hasia bolo aga te tǫde we bidigo gedude te wabo pabo bidi tiwai pedalao. Tama tiyu aga te Godigo gedude te kolesaga koneai bidi mu pedalaibao.

Jopgo Po Asęani Elalubo Buku 14:4

Da we bidi nago gedude meda mu yali. Tama dego da hasegelama, da tigi wiegi yai nago gedude ilaibawe? Mu meni.

Tuni Bidi Dabego Po Elalubo Buku Si 6:36

“Te tigidali we bidigo sęgę sabo sę ebo dao. Tama tialima, dago nage dali sęgę sabo sę eyu da, tama nago da dali wado elama, tama nago boi bidi dabego da dali hwįagaselama da aiyaba elaluama, tama da kalabus elama, da digibulu o pąde elalubo kantri dabeba pomainu sula tagaliyu,

2 Jon 1:2

Magi baso meni, te Godigo mu po da dali bidibo dao, tama sesemane sogo da dali mu bidada peyu, bidada paibao, tama tiyu dago dwagi yai homu dage dali ebao.

1 Jon 1:6

Tama tibaso, dago “Da God aga abagi bidiyu, tama dago aga dali deli homu ebo dao,” te po weyu, tiali digi da hulide biliduyu da, teda dago tibo po wai, tama dago ebo kolesaga te mu menio.

Jems 1:22

Dagego Godigo po dagego ologo naga odogimio. Ologo naga odoyu da, teda duga digi dugabolo ili po te ola mobao. Te egio. Dagego te Godigo po odama, mu wali pao.

Polgo Si Wali Pas Timotiba Asęani - 2TI 3:13

Tiali goli te dwai bidi dabego me, te tibo po ola mabo bidi dabego me, te bidi dabe augwaligo ebo dwai sę dwasianu gagalama tama genuai pedalaibao. Tama tiyu, augwaligo te tibo po te gasa we bidibolo ola mobadi, te Satango me augwali tibo po ola maduaibao. Tama augwaligo kolesaga te dwai mu pedaluaibao.

Jopgo Po Asęani Elalubo Buku 9:2

“Mu tama, eno koneani, nago po dolo mu dao. Tiali goli, bidi Godigo po tų eboba sabolagi peyu da, teda mena tama aga Godigo gedude doloba pai bidi pedalaibawe?

Jongo Sela Sogo Wabo Asęani Pas - 3JN 1:3

Te nago noma bugagia bidibo pode, abagi dabe meba augwali ena bidibo digi sabolodu geani, tama augwaligo te po widu geai, nage te mu pode homu kęą pai bidi dao. Eno tama po odolama, tama eno dwagi yai homu yai. Mu tama eno koneai, sesemane sogo nago te mu po naga wali peyu bidibo dao.

2 Pita 2:13

Tama augwaligo dwai kolesaga haniani ebo, tama augwalibolo te dwai kolesaga ebo wei ma ponobo sę pedalaibao. Augwaligo homugo te siade nai dali te wę dali hauwa tubo kolesaga, te wiegi yai homu ebo kolesaga dao. Tama tebo homugo augwaligo nai dabe dage dali tuyu, tama augwali te dwai meda yai tiwai dage tomode bidiyu, tama augwaligo tibo kolesaga ebode te wiegi yai homu pemene ebo dao.

Jeremaia 2:35

tiali goli, nago te tiwai po wabo dao, ‘Eno magi dwai sę me ebeo,’ wai. ‘Tama tiyu, te Genuai Bidigo enaba wado genuagia mu wagio.’ Odao. Nago te mu po me wabeo. Tama tialima, te eno nage po tų ilaibao wai.

Dwagi Yai Gesi Po Jongo Asęani 8:44

Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.

Polgo Po Pas Rom Dabeba Asęani 3:10

Te Godigo po bukude te tiwai po wali e elalubao: “Te doloba pai bidi deli me bidibeo. Mu menio. Te bidi me deligo wiegi yai kolesaga me konebeo.

1 Jon 4:20

Bidi me deli agai te po weyu “Eno God dali dwagi yai homu eyu aga godolo ebo dao,” te po agai weyu, tiali goli te bidi agai aga ama dali dwai boi bidi homu eyu da, teda te bidi agai tibo po wabo dao. Magi baso meni. Te bidigo aga gedugo aga ama subo dao. Tiali goli agai aga dali dwagi yai homu eyu godolo ebo menio. Tama tibaso, agai te aga gedugo susiąbo God dali mena tama dwagi yai homu ebo kolesaga egowe? Mu menio, aga usu egobeo.

Pris Sę Ebo Bomai Po 13:12

Tama te gasi genuai mu pedelama, te bidigo tigi tigidali usu nubaso da,

Te Israel me Juda Hani Sigo Tuni Bidigo Po Elalubo Buku Si 20:15

Tama te profet bidi Aisaiago te po wali, “Tama augwaligo mena mena nai naga mu te nago obo tomoba pelama, sualiwe?” Tama te king Hesekiago agai te po wei ponoyu, e tama po wali, “Tama eno augwalibolo te eno te tigidali doado bage dabe me dualobeo,” wali, “tama augwalibolo te eno te doado bage tigidali mu ola mena silalio,” wali.