1 Jon 1:6 - Godigo dwagi yai po buku

⁶ Tama tibaso, dago “Da God aga abagi bidiyu, tama dago aga dali deli homu ebo dao,” te po weyu, tiali digi da hulide biliduyu da, teda dago tibo po wai, tama dago ebo kolesaga te mu menio.

1 Jon 1:6 Referans Kwoze

1 Jon 4:20

Bidi me deli agai te po weyu “Eno God dali dwagi yai homu eyu aga godolo ebo dao,” te po agai weyu, tiali goli te bidi agai aga ama dali dwai boi bidi homu eyu da, teda te bidi agai tibo po wabo dao. Magi baso meni. Te bidigo aga gedugo aga ama subo dao. Tiali goli agai aga dali dwagi yai homu eyu godolo ebo menio. Tama tibaso, agai te aga gedugo susiąbo God dali mena tama dwagi yai homu ebo kolesaga egowe? Mu menio, aga usu egobeo.

1 Jon 2:4

Godigo bomo yai po wali pisąbo bidigo te po weyu da, “Eno God mu koneai dao,” te po wabo bidi aga te ili po wabo bidi dao, tama mu po te bidigo homude bidibeo.

1 Jon 1:10

Dago hogwa sabo po weyu, “Eno dwai sę me ebeo,” dago te po weyu da, teda te po wabogo dago God aga nogi ili po wabo bidi dao wai, tama agai po dago homude menio.

Bugagia Bidibo Kolesagade Po Asęai Buku 2:13

Te bidi dabe augwaligo te dolasa pabo sunumi tagalu, tama te hulia sai sunumidu bilibo dao.

Dwagi Yai Gesi Po Jongo Asęani 8:12

Te Jisasgo te Farisi hani bidi augwalibolo nosali te po ma wai, “Ena te tǫde we bidide ula dao. Bidi ena wali asobo bidi aga te bugagia bidabo ula aga selama, e tǫde bidaibao, aga hulide munu me bidigobeo,” wali.

Dwagi Yai Gesi Po Jongo Asęani 12:35

Tama Jisasgo augwalibolo te po wai, “Dwasianu sogo me te ula dage dali bidaibao. Te hulia sabo dageba asidali weyu, megi dagego te ula elalubo si, te ulade dage bidao. Te hulide pabo bidi aga mena pabowe te agai konegobeo.

Jems 2:14

Eno ama dedeo, bidi mego te po weyu “Eno Kraisde konealubo po dąų wabo dao” weyu da, tiali goli agai wiegi yai kolesaga mu isiąwai, tiali ma te bidigo konealubo po te olo nai tiwai yai. Tama te tiwai konealubo pogo aga tau siyu ma sogowe? Menio.

Dwagi Yai Gesi Po Jongo Asęani 12:46

Ena e tǫba asali, te ula tiwai dao. Magi basowe? Tigidali bidi enabolo homu muani bidi augwali te hulide bididali weyu, ena te tǫde ula tiwai asai dao.

1 Jon 1:3

Awe, agade dago gedugo suali sę dali te dago ologo odali po me, te si dago dagebolo me pusubao. Te dage da dali wadolama, tama da tigidali te dago Aya dali, aga ogwa Jisas Krais aga dali me dago deli homu elama bidimainogo eyu te dago megi e po dagebolo pusubao.

Dwagi Yai Gesi Po Jongo Asęani 11:10

Tiali ma, bidi hulide bilibo bidi, aga tulamubo dao. Magi basowe? Ula menio, te aga te pabo tų hulia sai elalubo,” Jisasgo te po wai.

Jems 2:18

Te bidi mego te po wali, “Ao, eno Jisasde konealubo po dąų wabo dao,” wai. Tiali goli agai gasa we bidi tau siyu wiegi yai sę ebe, tama te tiwai bidi dali eno tama po waibao, “Nago pogo naga te konealubo po dąų wabo po wai, tama eno da, te eno we bidi tau sabo kolesaga ebo dao. Tialima, eno te dwagi yai kolesaga ebo suyu da, te sogo nago koneyu eno Jisasde konealubo po dąų wabo mu koneaibao. Tiali goli nago wiegi yai kolesaga ebe, tama mena tama eno nago te konealubo po dąų wabo koneaibawe? Te tų menio, eno konegobeo.” Eno te po te tiwai bidibolo waibao.

Godigo Nogi Ugwaba Sabo Tęąbi Po Wabo Buku Dabe 82:5

“Dagego kolesaga me konebeo, tama dage kolesaga me konesiąyu, tama umuna pai mu dao. Dage te hulide biliyu, tama te we bidi dabego doloba pai kolesaga wali me pabeo.

1 Jon 1:8

“Eno dwai sę menio,” dago te po weyu da, teda dago dena homu kolesagabolo ili po ola mayu, tama mu po wabo dago homu kolesagade me menio.

Jems 2:16

Tama tibaso dage tomode bidi me deligo te magi nai meni yai bidibolo te po weyu, “Nage homu wiegi yai elama bidao,” te po olama, “tama nage pelama naga tigi posolo ilabo ugwa mugi peyu, tama naga nai selama tuyu naga haliga pągąnao.” Tama dagego te po weyu da, te dagego te nai meni yai bidi ugwa me te nai me te bidi tigi tau selama masiąyu da, tama dagego te po wabogo te bidi mena tama aga tau sogowe? Te meni. Te usu egobeo.

Matyu 7:22

Tama te genuai sogo asobo si, te we bidi hauwa augwaligo enabolo te po waibao, ‘Genuai Bidi, Genuai Bidio, dago nago nogi weyu, dago Godigo po te we bidibolo pusai dao. Nago nogigo bomogo dago te dwai haubo te we bidide elaluali sela sąwai dao, dago te we bidi noma sabo bomai sę yai dao,’ augwaligo te po waibao.

2 Timoti 4:2

Bidi meba augwaligo dwai sę dali dwagi yai sę dagalabo homu te isali tiwai dao. Tama tibaso augwaligo augwa ebo sę dagalisiąyu tama augwali tibo po wabo bage dao. Tama “Eno mu po naga obao,” wai goli, augwaligo te dwai haubo noma bidi dabego tibo po naga ola mabo dao.

Godigo Nogi Ugwaba Sabo Tęąbi Po Wabo Buku Dabe 94:20

Te bomo yai po mubo bidi dabe augwaligo te we bidibolo augwaligo dwai sę emainao wai. Nago te tobage dwai sę ebo tobolu bidi dabe dali abagi homu ebo menio.

Dwagi Yai Gesi Po Jongo Asęani 8:55

Tiali goli, dagego aga munu me konebeo. Eno da aga hania konebo dao. Eno God aga konebeo po wagi sogo da, teda ena te dage gilama, tibo po wabo bidi tiwai bidigi dao. Tialima, te menio. Eno aga koneai, tama eno agai po wali pabo dao,” Jisasgo te po wai.