1 Jon 1:3 - Godigo dwagi yai po buku

³ Awe, agade dago gedugo suali sę dali te dago ologo odali po me, te si dago dagebolo me pusubao. Te dage da dali wadolama, tama da tigidali te dago Aya dali, aga ogwa Jisas Krais aga dali me dago deli homu elama bidimainogo eyu te dago megi e po dagebolo pusubao.

1 Jon 1:3 Referans Kwoze

1 Korin 1:9

Te God aga digi dage aga ogwa Jisas Krais dali wadolomainogo eyu tama dage i wali bidi, te tiwai God aga digi da te agai homugo dage dali kęą pai bidi mu dao, te dage agaba tią pabo te usu dao.

Dwagi Yai Gesi Po Jongo Asęani 17:3

Tama te bidada pabo bomo page e dao. Augwaligo nage koneyu, nage God deli mu dao. Augwaligo Jisas Krais koneyu, nago aga tagala palobaso asai bidi dao. Augwaligo te si mu koneyu da, teda te bidada pabo page te dao.

Godigo Sęba Tagala Palai Bidigo Po 4:20

Dadi sigo gedugo suali sę me, odali po me, te dago tagalogobeo,” te po wai.

Dwagi Yai Gesi Po Jongo Asęani 17:21

augwali tigidali deli homu naga elama bidimainogo ebao. Aya, nage ena dali wadoloyu, tama ena nage dali wadoloyu bidibo tiwai, eno homugo augwali da si dali homu deli elama, wadoloyu bidimaio. Tama te tiwai elama, tama tǫde we bidi augwaligo te nago ena e tǫba tagala palali po odama, tama augwaligo te mu po dao olama, koneagameo. Tama te sę pedalomainogo, eno e po nage dali megi obao.

Filipai 2:1

Te dage Krais dali wadolama tama bidu, tama dagego bomo tama elalubo dao. Tama agai dage dali dwagi yai homu eyu godolo ebaso, tama dagego homu nagame elama bugagia bidibo dao. Dage agai Tedali Mobo Bidi dali deli homu eyu kisasa biliyu bidibo dao. Tama dagego duga hasi tomode te abagi homu eyu, homu dene eyu duga hasi tau sabo dao.

2 Korin 13:14

Eno homugo dago Genuai Bidi Jisas Kraisgo olo tau sabo wiegi yai kolesaga dali, tama Godigo dage dali dwagi yai homu eyu godolo ebo kolesaga dali, tama Tedali Mobo Bidi dage tigidaligo homude abagi tiwai bidibo kolesaga dali, te kolesaga sela dage tigidali dali hodobo mu bidao.

1 Jon 1:7

Tiali goli da ulade biliyu da, te aga te ulade bidibo gilama, tama tiali da, da dena hasi abagi dede dali deli homu elama bidaibao. Tama bididuyu, tama Godigo ogwa Jisas agai kanemego dago dwai sę tigidali sela sąnama, tama da dwagi yai ma pedalobo dao.

1 Jon 1:1

Dago te gesi noma bidibo ula elalubo pode, te pode dagebolo e po asęna tolobao. Te Godigo nai me deli me nigisiąbadi te po hasia bidaluai dao. Te po polobadu mu elaluali goli dago te po dena ologo odali dao, tama dena gedugo suai. Awe, dago gedugo suali, tama dago nogogo tuyu yai.

Hibru 3:14

Magi baso meni. Polobadu dago Godide konealubo po dąų wali, teda te konealubo po megi me dago bugagia dąų weyu, teda da isiboba usu nigi paibao. Dago tama tiyu da, teda da te Krais dali wadolama, tama sę deli naga aga dali hodobo eyu tama bidaibao.

Filipai 3:10

Tama bomo elama, eno deli homu naga ebo dao: ena Krais dali wadoloyu, tama eno aga kuna koneaio. Aga isąma ma hodaluama tama bomo elalubao. Eno homugo eno te bomo mu koneaio. Eno aga dali abagi mu olama, tama aga dene sali tiwai eno dene sobaso te usu dao, eno te dene saio. Tama tiyu, aga isali tiwai ena isaio.

1 Pita 5:1

Tama tibaso, megi eno te dage Godigo hani we bidi tonalubo bidi dabe dali e homu kęna sabo po obao. Ena digi me ena da te Godigo hani we bidi tonalubo bidi dao, te dage tiwai. Tama eno gedugo Krais aga dene sabo suai bidi dao. Tama aga ma asiyu, tama aga bomo yai ula pedalobo si, te sogo ena te bomo yai ula meba sabo bidi me bidaibao.

Hibru 3:1

Te Godigo po odolama wali pabo ama dede dabe, te dagalude bidibo Godigo dage me te Jisasgo sę ebogo i wai dao. Tama tibaso, dagego homugo Jisas bugagia kone paliąo. Agai te dago agade konealubo homu dąų weyu tama agade po te we bidi gesabide pusubo tau siyu, tama dago pris tobolu bidi bidimainogo eyu, Godigo aga e tǫba tagala palali.

Kolosi 1:13

Da te dwai haubo tobolu bidi Satango dologode te hulia sai bulude bidibadi, God agai da ma dobola selama, tama da bugagia sela pelama, tama aga godolo ebo Ogwago we bidi tonalubo kolesaga dologoba mugi pali.

1 Jon 1:5

Te Kraisgo dabolo ola mani po dago megi dagebolo hania ola mobao. Te po e dao: God aga te ula dao, tama dwasianu hulia sali agade me elalubo menio.

Hibru 2:12

Te Jisasgo da “ama” wabo pode augwaligo polobadu e po bukude asęai dao, “God, eno nago nogi te eno ama dede augwalibolo pusaibao. Awe, te eno nago nogi ugwaba sabo tęąbi weyu, te genuai po miyu sisinibo madi tomode te po pusaibao.”

2 Timoti 6:2

Me ma, te olo sę ebo bagego genuai bidi aga te Godigo po odobo bidi bidiyu da, teda te sę ebo bidi dabego te homu me ilamuo, “Te genuai bidi aga Kraisba homu begi pai bidi bidibaso, aga da te eno ama tiwai dao. Tama tibaso, ena dali eno sę tonalubo genuai bidi dali, te da si Godigo gedude tiwai si dao. Tama tibaso, eno agai po odogobeo, te tigi dene sę egobeo.” Te homu augwaligo ilamuo. Menio. Augwaligo tama homu yao: “Eno bomo elama eno genuai bidigo sę bugagia mu eyu, tama eno te tiwai aga tau saibao. Magi baso meni. Eno genuai bidi aga te Kraisba homu begi pai bidi, tama eno aga dali dwagi yai homu eyu godolo ebao.” Te sę ebo bage augwaligo te homu yao wao. Te sesemane sogo nago te we bidi augwalibolo te tiwai kolesaga eno nagebolo wali po tiwai gilama te we bidi ola madubadi geao, tama augwaligo homu hodolama wali pomainao.

Filipai 1:7

Tama tigidali sogo eno dwagi yai homu eyu dagede homugo konea palobo dao. Tama eno dagede dwagi yai homu ebo te dolo naga dao. Magi baso meni, God agai ena dali dwagi yai sę elama, tama agai po pusubo sę eno nogoba mani. Tama tigidali sogo eno te sę ebadi, te dagego ena tau sai dao. Polobadu ena kalabus menibadi eno te Godigo pode boi bidi homu ebo bagego po aiyaba elaluabo po wabo sę yai. Tama tiyu, eno te gasa we bidi tau sali, augwaligo augwa homugo Godigo po bugagia dąų omainogo yai. Tama megi ena kalabuside bidibao. Polobadu me, megi me, te tigidali sogo dagego ena te sęde tau sai dao. Tama tibaso, eno dage dali kone palobo si ena dwagi yai homu ebo dao.

Efesus 3:6

Te dualaluali po page e dao: dage Juda hani isiąwai bidi hani dagego Godigo wiegi yai gesi po odama, dagego homu kolesaga tigidali te poba munama, tama dage te Juda hani dali wadolama tama da dali deli hani bidibao. Tama tibaso, da te megi e tiwai dao: polobadu Godigo agai te Kraisba augwa homu begi pabo Juda dabe dali dwagi yai sę hauwa yaibao po dąų walali. Tama megi Kraisgo yali sęde Godigo te tobage dwagi yai sę te Juda hani isiąwai bage dali me yaibao, te augwa homu agaba begi pali we bidi augwali dali agai te tiwai mu yaibao.

1 Korin 1:30

Tiali goli Godigo dage Krais Jisas dali wadolali, te agai tilama tama Kraisgo da wiegi yai homu kolesaga elalubo we bidi nigali. Te Kraisde God agai da agai wiegi yai we bidi hani mu ilali, tama dago dwai sęde sali sęgę sela sąnama tama da olo bugagia bidibao.

1 Tesalonaika 1:10

Tama augwaligo te po wabo dao, dage te Godigo Ogwa dagalu tagalama e tǫba ma asobo sogo te dagego tonalubo dao, te po wabo dao. Te Godigo polobadu gų pagede ma hodolali bidi, te Jisas, tama te bidi agai da dali Godigo nosali sębę idali weyu tau sali bidi Jisas dao. Dagego te bidi asobo tonalubo po augwaligo dabolo pusubo dao.

1 Korin 15:1

Eno ama dedeo, megi eno homugo te eno dagebolo polobadu pusali wiegi yai gesi po, te po pagede dage homu ma hodolainogo eno homu ebao. Dagego te wiegi yai gesi po salio, tama dage tede bomo elama dolalubo dao.

Polgo Po Pas Rom Dabeba Asęani 15:27

Mu tama, augwa digi augwaligo te mone mabo sęde wiegi yai homu elama augwaligo tama tiwai yali, tiali goli augwaligo negeli me te Jerusalem dabede elaluai. Magi baso meni, te Jerusalemde bidibo Juda dabe augwaligo te Juda hani isąwai gasa hani dabe augwali te Godigo wiegi yai gesi po mani negeli elaluai. Tama tibaso, gasa hani augwaligo te tigide nai tau sabo negeli te Juda dabe augwalide elaluai dao.

Godigo Sęba Tagala Palai Bidigo Po 13:41

Augwaligo te po asęani, Godigo te po wai, ‘Odao, dage Godigo po sela sąbo bidi dabe dao. Dagego tonaluama, moni homu elama, nosali noma siąo. Tiali goli, dage isaibao. Eno dage pagede sę ebadi, dagego te sę ebo dagego homugo mu konegobeo. Tama bidi me deligo dagebolo te sę page pusa mobadi, dagego agai wabo po page bugagia konealugobeo,’ Godigo te tama po wai,” Polgo te po wali.

Godigo Sęba Tagala Palai Bidigo Po 13:32

“Tama dadi si me dage pageba sabolama, te Godigo dwagi yai gesi po dagebolo pusa mobao. Tama te bomo yai po Godigo polobadu dago wąįbolo walai po dao. Tama megi te po augwaligo wai puluba da pagede mu pedalalio, da tau somainu yai. God agai Jisas gų pagede ma hodolai dao. Polobadu bidi me deligo te Godide dwagi yai homu eyu wabo tęąbi buku yabe side te po asęani, ‘Godigo te po wai, “Nage eno ogwa mu dao. Tama megi nage eno ogwa mu nigilai dao.” ’

Godigo Sęba Tagala Palai Bidigo Po 2:42

Tama augwali wadolali we bidi augwaligo Jisasgo tagala palai sę bidi dabego augwalibolo po hauwa mu ola momaina homu yali. Tama augwali deli hani tiwai bidali. Tama augwali deli madi hodobo nai tubo da, augwali Jisasde homu dąų wai dao weyu yai. Augwali Godibolo hodobo po wabo da.

Dwagi Yai Gesi Po Jongo Asęani 17:25

Aya, nage doloba pai bidi mu dao. Tama tǫde we bidi augwaligo nage konebeo. Tiali goli, eno da nage koneai dao. Tama e bidi dabe augwaligo konebao, te nago ena tagala palama, ena asai dao.

Dwagi Yai Gesi Po Jongo Asęani 17:11

Tama megi da ena tǫde ma bidigobeo. Tialima, augwali da tǫde me bideibao. Tama ena da nage bidibo madigi asobao. Aya, nage magi dwai sę me isiąwai bidi, nago augwali tonaluao. Nago enabolo nago bomo mawai dao. Tama te bomogo nago augwali tonaluao, augwali me deli homu naga elama, bidimainogo yao. Dadi si deli homu elama bidibo gilama, te tiwai augwali me te emainao.

Godigo Nogi Ugwaba Sabo Tęąbi Po Wabo Buku Dabe 22:22

Nago tama tiwai ebaso da, teda eno te ena hani bidi dabebolo nago yali sę po pusaibao. Augwali te lotu weyu, deliba sisinibo side, tama eno nago nogi te augwali tomode ugwaba saibao.

Aisaia 66:19

Te eno augwali tomode te dąį me deli pedalumainu ilaibao.” “Tialima, eno te hani meba, te dolisąwani hani bage, te digibulu tǫ kantri we bidiba tagala palama, te eno genuai nogi me bomo te eno genuai bomo ebo po odisąwani we bidi dabeba pusugi pomainu yaibao. Te augwali eno te hani dabe Tarsis, me Pul dabe, me Lidia, te haniba tagala palaibao, te Lidia bage augwali enesigigo ene enebo mu konea pai bidi dabe mu, te Tubal me Gris dabeba, te digibulu bidalubo gasa we bidiba me tagala palaibao.

Godigo Nogi Ugwaba Sabo Tęąbi Po Wabo Buku Dabe 2:7

God Genuai Bidigo sa muani kingo te po wali, “Megi da, eno te Genuai Bidigo enabolo mani po pusubao. Agai enaba te po wai, ‘Nage eno wai dao. Megi tama nage te king bidi pedalubo sogo, ena te nago aya pedalubao.

Dwagi Yai Gesi Po Jongo Asęani 19:35

(Te tebo eno suali, eno po polo wai dao, tama tiyu, dagego duga homu Jisas agaba mumainogo yai. Tama eno te wali po te mu po tama dao. Tama ena digi koneyu, tama eno mu po wabo dao.)

2 Pita 1:16

Te dago dagebolo te dago Genuai Bidi Jisas Kraisgo bomo dali, aga nosali ma asobo po dali, te po si polobadu ola mobadi yaide, te dago te bidi me aga homugo naga olo nigali po wali pelama, tama dagebolo te Kraisgo po ola mabeo. Woo, te menio. Dago suali, Godigo genuai ula dali bomo dali te dago gedugo suai.

Israel Hanigo Namba 10:32

Ma, nage da dali asiyu da, teda Genuai Bidigo dabolo mani wiegi yai nai dabe nage dali dobola saibao,” wali.

Jopgo Po Asęani Elalubo Buku 13:1

Jopgo po ma weyu, te po wali, “Mu tama mu. Tigidali po dagego pusali, te da eno polobadu sulama, odai dao. Te nai dabe tigidali eno polo konea silai dao.