1 Jon 1:10 - Godigo dwagi yai po buku

¹⁰ Dago hogwa sabo po weyu, “Eno dwai sę me ebeo,” dago te po weyu da, teda te po wabogo dago God aga nogi ili po wabo bidi dao wai, tama agai po dago homude menio.

1 Jon 1:10 Referans Kwoze

1 Jon 1:8

“Eno dwai sę menio,” dago te po weyu da, teda dago dena homu kolesagabolo ili po ola mayu, tama mu po wabo dago homu kolesagade me menio.

1 Jon 5:10

Tama te konealubo po Godigo Ogwa dali dąų weyu agaba tiąlubo bidi, te bidi agai te Godigo aga Ogwade pusali po aga homude elalubo dao. Te Godigo aga Ogwade wali po, te pode “Mu po dao” wasiąbo bidi, te bidi agai “God aga nogi ili po wabo bidi dao” wai dao. Magi baso meni. Te po, te Godigo aga Ogwade wali pode te bidigo “Te po mu po menio” homu eyu sela sąwai dao.

1 Jon 2:4

Godigo bomo yai po wali pisąbo bidigo te po weyu da, “Eno God mu koneai dao,” te po wabo bidi aga te ili po wabo bidi dao, tama mu po te bidigo homude bidibeo.

2 Jon 1:2

Magi baso meni, te Godigo mu po da dali bidibo dao, tama sesemane sogo da dali mu bidada peyu, bidada paibao, tama tiyu dago dwagi yai homu dage dali ebao.

Godigo Nogi Ugwaba Sabo Tęąbi Po Wabo Buku Dabe 130:3

Te nago dago yali dwai sę tigidali nedebaso da, teda dego nago te po tų ebo ugwaba ela holobo usu egowe?

1 Jon 2:14

Dage eno wai dabe, dagego dago Aya bugagia koneai. Tama tiyu, eno te po dagebolo asęai dao. Dage aya dabe, te tigidali nai gagalali sogode bidali bidi, aga megi me bidibo, te bidi dagego koneai dao. Tama tiyu, eno te po dagebolo asęai dao. Dage gesi bidi dabe, dagego bomo yai, tama Godigo po dage tomode bidibao, tama dagego Satango bomo aiyaba elaluai dao. Tama eno te po dagebolo asęai dao.

Jopgo Po Asęani Elalubo Buku 24:25

Ma, dagego homugo eno wali po ili po da wida, teda dage tomode mena bidigo eno ili po pepeli diliba sela muaibawe? Tama dego enabolo homu bega sabo po weyu, ‘Nago wali po te page meni yai po da,’ dego te po wabo usugowe?” Jopgo te po wai.

Kolosi 3:16

Krais agai ola mani po te wiegi yai po mu naga dao. Tama te po dagego homude bugagia elalumainao. Duga hasi dagego wiegi yai homu kolesagago Kraisgo po ola mayu tama dua dao, e pode geda mugio, te tobage po weyu duga hasi ola mao. Tama tiyu, tama dagego haniani balia po wao, tama te lotu balia wabo buku nogi Tęąbi Po Buku, te bukude elalubo Godigo nogi ugwaba sabo po me, te Kraisgo nogi ugwaba sabo tęąbi po me, te Godigo Mobo Bidigo mabo haniani tęąbi pogo me duga hasi ola mao. Dagego duga homude Godibolo usu da po weyu tama te balia po wao.

1 Jon 4:4

Dage eno wai dabe o, dage Godigo we bidi hani, tama dagego te tibo po ola mabo bidi aiyaba elaluai dao. Magi baso meni. Te Mobo dage tomode bidibo Mobo Bidi agai bomogo te tǫde bidi dali tomode bidibo mobogo bomo aiyaba elalubo dao.

Jopgo Po Asęani Elalubo Buku 15:14

We me, bidi me, Godigo gedude doloba pai me elalubeo.

Jeremaia 2:35

tiali goli, nago te tiwai po wabo dao, ‘Eno magi dwai sę me ebeo,’ wai. ‘Tama tiyu, te Genuai Bidigo enaba wado genuagia mu wagio.’ Odao. Nago te mu po me wabeo. Tama tialima, te eno nage po tų ilaibao wai.

Dwagi Yai Gesi Po Jongo Asęani 3:33

Tialima, niwai bidigo agai te po selama, dąų wali da, agai te po usu da waibao, God agai mu po naga wabo dao.