Te Israel me Juda Hani Sigo Tuni Bidigo Po Elalubo Buku Deli 9:3 - Godigo dwagi yai po buku

³ Tama Genuai Bidigo agabolo te tama po wai, “Eno te nago te enaba wali gedu haluasa po dali, te nago bomonama hanalu wali po me, te odali. Tama eno nago te sę yani be sa muyu, te be te eno be elalueibao, tama sesemane sogo te we bidi augwali te ena pąba te beba asiyu yao po wai. Tama sesemane sogo eno te beba tonaludu, tama teba homu kone yaibao.

Te Israel me Juda Hani Sigo Tuni Bidigo Po Elalubo Buku Deli 9:3 Referans Kwoze

1 Jon 5:14

Da Godigo gesabide bidiyu, tama dago aga dali homu si ebo menio. Magi baso meni, magi nai po aga dali gedu haluasa po weyu, tama dago aga homu wali peyu da, teda agai dago te gedu haluasa po wabo odobo dao, te dago mu hania konebo dao.

Godigo Nogi Ugwaba Sabo Tęąbi Po Wabo Buku Dabe 10:17

God, te nage dologoba asobo we bidigo usu da weyu, gedu haluasa po wabo te nago odao, tama nago augwali homu dąų walao.

Te Israel me Juda Hani Sigo Tuni Bidigo Po Elalubo Buku Si 20:5

“Nage ma geasa pelama, te king Hesekia sugi pao, te king te eno hani we bidigo king bidi dao,” wali, “tama agabolo e tama po wao, ena God dao, aga wąį nǫų Devitgo Genuai Bidi, eno agai gedu haluasa po wali eno odalio, tama aga moni gela wabo sualio,” wali. “Tama tibaso, eno aga ma wiegi yai ma ilibao,” wali. “Tama duba te aga te eno lotu beba ma pelama, te ena dolo lotu po waibao,” wali.

Te Israel me Juda Hani Sigo Tuni Bidigo Po Elalubo Buku Deli 8:29

Nago te po wali, te nago we bidi te nage pąba asomainu yabo be da po wai. Tama eno homugo nago te beba tigidali sogode tonalumainu homu ebao, te giligade me hulide, tama ena nago sę bidi eno te beba tonaluyu, te gedu haluasa po nageba wabo sogo da, teda nago eno te gedu haluasa po wabo odobo usu yaibao.

Godigo Nogi Ugwaba Sabo Tęąbi Po Wabo Buku Dabe 116:1

Genuai Bidigo eno i wabo odobo dao. Tama tibaso, eno aga wei mu ebao. Mu tama, agai eno gedu haluasa po wabo odobo dao.

Bomai Po 11:12

God dago Genuai Bidigo te tǫ tigidali polua me kibu bede bugagia tonalubo dao, sesemane sogo,” wali.

Tuni Bidi Dabego Po Elalubo Buku Si 6:40

“O eno God, eno homugo tigidali sogo nage pąde tede bidiyu, tama nago dago gedu haluasa po wabo wei ponainogo nage pąde bididuao, te nago be elalubo madi.

Godigo Sęba Tagala Palai Bidigo Po 10:31

Agai ena nogi olama, te po wai, ‘Kornilius, God agai nago agabolo po wabo me, te nago nai meni yai we bidi tau sabo dwagi yai kolesaga ebo sulama, Godigo bugai homu ebo.

Matyu 6:9

Tama dagego gedu haluasa po e tama wao, ‘Dago Aya, nage dagalude bidibo bidi, dago homugo nago nogi wiegi yai tedali mu bideibao.

Ma Dobola Sali 20:11

Nago te tama tiao, te magi baso meni, te a naga olama me badu nogo kibisa deli sogo naga Genuai Bidi eno te tǫ dagalu, me te tamu ąį, me te tigidali elalubo nai nigai. Tiali goli, te a naga olama me badu nogo si wali, te me deli sogo eno olo bidiyu, toma tuai dao. Tama tibaso, Genuai Bidi eno te Sabat side te gasagi yai side te me tedali mu ilai. Tama te side te eno bodolu dolo mu dao.”

Daniel 9:23

Daniel, Godigo nage godolo mu ebao. Tama nago gedu haluasa po wabo gagalubo sogo, agai te po me deli pusali, te eno nageba magasu asali. Megi te nago olo bugagia munaluao, tama eno nago te nedali po page pusaibao,” ensel bidi Gebrielgo te po wai.

Jeremaia 15:1

Tialima, Genuai Bidigo enabolo te tiwai po wali, “Jeremaia, odao. Te Moses de Samuel si te ena pąba asama, te enaba hanalu, te we bidi dabeba te olo mu tau sabo wiegi yai kolesaga yao wagi sogo da, te tagalao, eno usu menigi da. Te we bidi dabe sela sąyao! Eno augwali subo, te ena hagela homu mu ebo dao.

Bomai Po 16:11

Dage sese tama te lotu wabo pesage deliba pelama, tama Genuai Bidigo gedude dage wiegi yai homu pemene igi pao, te dage, me duga wai puluba, me duga sę ebo we bidi, me te Livai dabe, me te gasa bulu bidi dabe, me te wai dabe augwa aya isai dabe, me te we dabe augwa bidi isai dabe, dage te hanu dabede bidalubo bage, dage sese tama wiegi yai homu pemene iyąo.

Bomai Po 12:11

Genuai Bidigo agaba lotu wabo pesage deli aga sa muaibao. Tama te pesagede da, dagego eno megi dagebolo wali te nai dabe sesiąo. Tama te ofa da, te isigo sese dela silibo ofa, me te meba ofa dabe me, te tigidali nai bugwai me badu te ofa me, te me gasa nai dabe dagego Genuai Bidibolo mawainogo yali, te ofa me te wiegi wiegi yai nai dabe te dąų wali te po usu nabo, te nai dabe tama sesao, te eno hasia polo wali.

Israel Hanigo Namba 16:38

Te plet dabe te bidi dabe te Genuai Bidi eno altaba pali sogo habu selai nai pedelai dao. Tama augwaligo te wiegi yai denami hano holobo ofa yai dao. Tama tialima, te dwai sęgę selama, isai bidi dabego plet seselama, tama elama, tama olo kapa dage tiwai pedalumainao. Tama te bras kapago te alta mesegelao. Te Israel dabego te brasgo te alta halualubaso, augwaligo koneaibao. Tama augwaligo te bidi dabego yali kolesaga tiwai egobeo,” te po wai.

Dwagi Yai Gesi Po Jongo Asęani 11:42

Eno koneai, tigidali sogo nago eno hanalubo po wabo odobo dao. Tiali eno e dolalubo we bidi tobade e po megi nagebolo obao, augwaligo nago ena tagala palali bidibolo homu mumainogo ebao.”

Godigo Nogi Ugwaba Sabo Tęąbi Po Wabo Buku Dabe 66:19

Tiali goli, Godigo eno wabo po odalio. Mu tama, agai eno gedu haluasa po wali odai dao.

Bomai Po 12:21

Tialima, te lotu wabo pesage digibulu mu yaibaso da, teda dagego eno wali po sao. Dagego te kau kibu o sipsip kibu elao, tama dagego te hasa dabe duga bulude tuiąo, te Genuai Bidigo mani, te nai dabe. Dagego te sę tigidali sogo dagego godolo ebo sogo tama tiao.

Bomai Po 12:5

Genuai Bidigo dage lotu po wabo pesage me deli dage hanigo tǫde sa muaibao. Tama te pesagede naga te we bidi augwali pąba aselama, tama augwali agaba lotu po omainao.

Te Israel me Juda Hani Sigo Tuni Bidigo Po Elalubo Buku Si 21:7

Tama te king Manasego agai te tibo god we Asera noma nigali piksa selama, tama agai te Genuai Bidigo tempel be tomode muani, tialima te polobadu te Genuai Bidigo te king Devit dali, te king Solomon dali, augwali sibolo e tama po ola mawai dao, “Te Jerusalemde elalubo tempel be, te be te ena digi te ena te Israel hani dabe augwali tomode eno dąį ilai dao,” wali, “tama tigidali sogo tama augwali eno te beba naga aselama, tama augwaligo ena deliba naga lotu po wabo be dao.

Tuni Bidi Dabego Po Elalubo Buku Si 33:7

Te Manase aga digi nigai tibo god piksa selama, agai Godigo tempel be tomode muani. Tiali goli polobadu Godigo Devit de Solomon sibolo e tiwai po wai dao, “Te Jerusalemde elalubo te tempel be da, te ena digi Israel hani tomode ena digi sa muai dao, te augwali tigidali sogo enaba aselama, enaba deli naga lotu wagasiyu yabo pesage deli elalua pomainu.

Esra 6:12

Godigo te bulu Jerusalem naga sa muai dao, te aga bidibo pesage tiwai elaluai. Tama aga digi te mena king ma te we bidi hanigo eno te po sela sąyu, tama Godigo te Jerusalemde elalubo be dolobaso da, te God aga digi te bidi aiyaba elalueibao. Ena Darius, eno te po wali dao. Dage tigidaligo eno po wali piąo,” wai.

Godigo Nogi Ugwaba Sabo Tęąbi Po Wabo Buku Dabe 34:17

Te doloba pai we bidi dabego te Genuai Bidiba usu da weyu, gedu haluasa po obaso, tama agai augwaligo wabo po odobo dao. Agai augwali tau siyu, te sęgęgo augwali me elalugobeo.

Ma Dobola Sali 29:44

“Tama tibaso, te Deliba Sisinabo Ugwa Bede alta si da, te eno nai da weyu, te eno sa muaibao. Tama eno te Aron aga ogomani dali augwali sa munama, augwali te pris sę tiwai emainogo yaibao.

Godigo Nogi Ugwaba Sabo Tęąbi Po Wabo Buku Dabe 65:3

Dago te dena yali dwai sęde homu kone palu tama tiali. Te dena dwai sęgo da aiyaba mu elaluali, tiali goli, dago koneani, te nago dago dwai sę te dagala sąwaibao wabo dao.

Jeremaia 7:10

Dagego te tama kolesaga dabe ela selama, tama dagego te enaba lotu omainu, te dąį ilali be tomoba dage asobao. Te dage ena pageba asiyu, dagego te po obao, ‘Da bugagia bidibao,’ wali. Tialima, te nosali dagego eno be tagalama, te dage peyu, te kugumini yai kolesaga umabo igi pobao. Dagego homugo te wiegi yai kolesaga da homu eba, agawe?