Te Israel me Juda Hani Sigo Tuni Bidigo Po Elalubo Buku Deli 9:26 - Godigo dwagi yai po buku

²⁶ King Solomongo sip hauwa te Esiongeber hanude nigali. Esiongeber te Idom bulu tǫ pedai, te Elat hanu pąde, te Mama Yai Tamu ąį sane, te Akaba tǫ pedai badu elaluai dao.

Te Israel me Juda Hani Sigo Tuni Bidigo Po Elalubo Buku Deli 9:26 Referans Kwoze

Te Israel me Juda Hani Sigo Tuni Bidigo Po Elalubo Buku Deli 22:48

King Jehosafatgo po obaso, te sę bidi dabego genuai sip te tǫ kantri Ofirba gol sigi pabo sip dabe nigali. Tiali goli, augwali pabeo, magi baso meni, te sip dabe te saut badu tamu ąį nambisde elaluali taun Esiongeberde dolali.

Bomai Po 2:8

“Tialima, da te sunumi te hanu si Elat me Esiongeber sidu gagalama asali. Tama te sigi ąį Detsiba saboligi pali. Tama da te nai meni yai bulu Moapba ma begasa pai dao.

Te Israel me Juda Hani Sigo Tuni Bidigo Po Elalubo Buku Si 14:22

Tama nosali me badu sogo te aga tudi badu te king bidi nigilali, tama agai boi hwįgi pelama, tama te Elat taun te boi bidi dabego nogode elalubadi ma sali. Tama te taun te me badu pedai badu dolali, te agai me dodolali.

Te Israel me Juda Hani Sigo Tuni Bidigo Po Elalubo Buku Deli 10:22

Solomongo te genuai sip hauwa elaluali, tama te sip dabe te buluba pabo te Hiramgo sip dabe dali bilali. Te sip dabe te kibu be selade biliyu, te gol, me silva, me te elefan kele, me te haniani hasa monki dabe selama, tama augwaligo te Israelba selasa asali.

Te Israel me Juda Hani Sigo Tuni Bidigo Po Elalubo Buku Deli 22:49

Te nosali, Ahasia, te Israel kingo, te Jehosafatgo sip dolali po te tiwai odama, tama agai Jehosafatba te tama po wali, “Te nago sip dabe ma tagala palabo homu ebaso da, teda eno boskru bidi dabe te nago boskru bidi dabe dali pomainu yaibao,” wali. Tialima, Jehosafatgo hagela homu yai dao.

Bugagia Bidibo Kolesagade Po Asęai Buku 31:14

Te aga wai dali, aga bidi dali, augwa te tobage nai hauwa elalubao, magi baso meni, aga te nai sigi peyu, te digibulu mu peyu ebo dao, te genuai sip dabego ebo tiwai gilama tama tibo dao.