Te Genuai Bidigo tempel be sę eyu, Solomongo genuai sę mu yali. Hasia aga sę bidi dabego genuai masigi dabe dodobage dodolama elaluali. Augwaligo te sę ela pidubadi te gagaloboba usu nigi pali, tama te sę me ela pidubadi te be sę mu siligi pabo si tagalali. Megi da, Solomongo Genuai Bidigo tempel be sę mu siligi pali. Tama te be sawi yai mu pedelali.
Te Israel me Juda Hani Sigo Tuni Bidigo Po Elalubo Buku Deli 9:25 - Godigo dwagi yai po buku25 Te tigidali kibu bede, te sela sogode, Solomongo aga te nigali altade te Genuai Bidiba ofa eyu yai. Agai te siago tigidali domainu ulubo ofa me, te Genuai Bidi dali deli homu pedalumainu ebo ofa dabe me yali. Tama agai te ebo ofa dabe dali, te denami hano holobo ofa dali yali. Solomongo te tempel be sę yani te ofa me te lotu me wainu sę yai. Tama agai te ofa dabe gagalama yali sogo, te bego sę te agai usu nama mu yai dao. Gade chapit la |
Te Israel me Juda Hani Sigo Tuni Bidigo Po Elalubo Buku Deli 9:25
14 Referans Kwoze
“Tama tialima, sela sogo deli kibu be tomode te duga hani bidi dabe dage naga te Genuai Bidiba lotu po wabo sa muani pesage deliba pelama, lotu weyu yao. Te sela sogo te e tama dao. Te Yis Meni Yai Bret Genuai Sogo, me te Gide Nai Siyu Wiegi Yai Homu Pemene Ebo Sogo, tama me te Osogo Bidabo Yano Bede Bidibo Genuai Sogo. Tama dage bidi deli deli nogo olo Genuai Bidigo geduba olo me aselamuo.
Dage te pris dabe me Livai dabe, dagego te koneąo, Genuai Bidigo dage agai sę emainu sa muai dao. Dage Genuai Bidigo gedude dolama tama agai sę yabo te elalubao, tama te we bidigo agaba mu lotu omainu ola maiabo te elalubao, tama me te wiegi yai hano holobo ofa yabo me te dao. Tialima dagego te sę bugagia mu yao,” Hesekiago te po wali.
Te Amramgo ogwa dabe nogi e tiwai da, Aron me Moses da. Genuai Bidigo Aron te aga ogwa dabe dali dąį ilama, te we bidi augwaligo te Genuai Bidiba dąį ilama hasia podolali nai dabe te Aron aga ogwa dabe dali augwaligo tonalualio, tama augwaligo te sę dabe sesemane sogo idualio. Tama te Genuai Bidiba lotu wabo sogo tigidali augwaligo te wiegi yai denami ebo hano ilibo nai pauda ulubo sę yai dao. Tama me augwaligo Genuai Bidigo sę eyu, te we bidi augwaliba wiegi yai sę bugagia ilimainu te Genuai Bidiba hanalubo sę yai dao.
Te sę bidi dabego te be sę yani kibu be 7, te tama kibu bede te be sę yani, tama te polua 8 te Solomon te king bidibadi, te kibu be 11, teba usu nagasu, te be sęą silali, te polua nogi augwa te Bul nogi yali, augwa te be sę ebo sę tigidali silalio. Augwaligo te sę bugagia yaligo, tama te bede tigidali sę te dolo mu pedelali, te Solomongo augwalibolo te sę tama yao wali gilama te be sę tama yai dao.
Piblisite