Te Israel me Juda Hani Sigo Tuni Bidigo Po Elalubo Buku Deli 8:64 - Godigo dwagi yai po buku

⁶⁴ Te sogo me, king Solomongo te sisinani pesage tomode te Genuai Bidigo tempel be gesabidide elaluali tǫ pedaide te sa muani, tama te tǫ te Genuai Bidigo tǫ mu pedelali. Tama te tǫ pedaide te siago tigidali domainu ulubo ofa me, te wit ofa ebo me, tama agai te kibu dabego ili me te deli homu pedelainu ebo ofa dabe yabo tǫ nigilali. Augwa te ofa dabe te tǫ pedaide te siaba ulali, magi baso meni, te pesagede te genuai elaluali, tama te alta bras te dwasianu ebaso, tama augwa te ofa dabe te altade naga yabo te usu meni yani.

Te Israel me Juda Hani Sigo Tuni Bidigo Po Elalubo Buku Deli 8:64 Referans Kwoze

Tuni Bidi Dabego Po Elalubo Buku Si 4:1

Te king Solomongo pode augwaligo bras selama, alta me deli nigali. Te nai bobobage te 9 mita usu nama, tama aga genuai me te 9 mita usu nama nigali, tama aga bobobage ugwaba da te 4 hap mita tama usu nama nigali.

Tuni Bidi Dabego Po Elalubo Buku Si 7:7

Tama te sogo bubugade naga, te Solomongo te bidi sisinagasobo pesage te Genuai Bidigo tempel be gesabidi badu sa muani, tama te tǫ pedai te Genuai Bidigo tǫ mu pedelali. Tama te tǫ pedaide agai te isigo mu dela silibo ofa, me te wit ulubo ofa, me te ofa ebo hasa dabego ili dabe te God dali deli haliga yainu ulubo ofa dabe tama yali. Augwaligo te ofa dabe te tǫde ulali, magi baso meni, te pesage te genuai mu tama alta bras te dwasianu mu, tama augwaligo te alta daide ofa yabo usu meni yai.

Ma Dobola Sali 36:7

Te we bidi dabego sela asali tigidali nai dabego te ugwa be sę yabo te usu elama, te dąį ela pelama, tama meba olo munaluai dao.

Pris Sę Ebo Bomai Po 3:9

“Silama da, teda te bidigo te kibu sipsip delage me badu selama, te Genuai Bidiba mao, te pris dabego te ofa tiwai ulaibao. Agai te sipsip ili tigidali me, te danu badu elalubo genuai ili me sobadi yao. Agai te danu te tudi dili pageba mu togogiluao. Tama agai te haligade ili elalubo tigidali sao.

Esekiel 45:17

Tama kingo te sesali naigo te isigo sese dela silibo ofa mayu, me wit ulubo ofa mayu, me wain gelebo ofa mayu yao. Kingo te ofa dabe te genuai sogo dabe, te gesi polua nanibo sogo, me Sabat side, me gasa meba genuai bodolu muani sogo eno Israel dabe augwalibolo mani, te si pedalobaso augwaligo te ofa yabo nai dabe seseyu yao. Tama me, agai Israel we bidigo sęgę sela sąyabo ofa me mayu emainao. Te da te sęgę sela sąbo ofa dabe, me wit ulubo ofa dabe, me isigo sese dela silibo ofa, me ena dali deli haliga ebo ofa mayu yao,” te po wali.