Te Israel me Juda Hani Sigo Tuni Bidigo Po Elalubo Buku Deli 8:41 - Godigo dwagi yai po buku

^41-42 “Te gasa bulu tǫ pedaide bidibo Israel hani isąwai bidi dabego te nago genuai nogide po odoyu, tama te nago te naga we bidi dabe tau siyu, te genuai sę dabe mu ebo po wali. Tama te bidi dabe augwali me deligo te nageba lotu wabo homu ebaso, tama te aga page bulu tagalama, tama te tempel be pąba aselama, tama nageba gedu haluasa po obaso da,

Te Israel me Juda Hani Sigo Tuni Bidigo Po Elalubo Buku Deli 8:41 Referans Kwoze

Dwagi Yai Gesi Po Jongo Asęani 12:20

We bidi umabo augwali te olo bidibo side Jerusalem hanuba holama, lotu po Godibolo wainogo yai. Tama Grik bidi hani bidi me badu augwali me Jerusalem hanuba lotu po wagasai.

Dwagi Yai Gesi Po Lukgo Asęani 17:18

E Juda hani isąwai bidi naga agaduba geasa aselama, Godibolo nage usu dao wagasali. Te eno sese ma ilali Juda dabe augwali magi baso nage usu da wagasobewe?”

Matyu 12:42

Tama polobadu bidali te genuai bidi nogi Solomongo wabo wiegi yai kolesaga ebo po odai hagede, digibulu bulude bidiyu genuai bulu tonalubo we asai dao. Tiali goli Solomon aiyaba elalubo bidi me deli pedelama, tama megi dage tomode bidibao. Tama dagego agai po odisąbaso, te Godigo te we bidi po tų ebo sogo te digibulu bulude asali genuai wego ‘Dagego te dwai sę yai dao’ po waibao,” Jisasgo te po wai.

Matyu 8:5

Jisas te Kaperneam hanu tomoba pobadi, tama te ami bidi hauwa 100 tonalubo genuai bidi aselama, agabolo bomo elama hanaluyu te po wali, “Nogi elalubo bidi, eno sę ebo bidi gasi yai bede pila mubao. Agai nogo sągą dili tigidali bomo isai, tama aga dwai mu bidibao,” te po wai.

Matyu 2:1

Te Mariago Jisas te Betlehem bulude ame nani, te Judia tǫde. Tama te sogo te moni gavman tuni bidi nogi Herot aga bidali. Tama Mariago te wai Jisas ame nai digi, tama nosali te sia ge pedalobo badu bidali po page koneai bidi dabe augwali meba te Jerusalem moni hanuba sabolali. Tama augwali te dagalu hǫde haniani po page mu koneai dao. Tama augwali Jerusalem hanuba sabolama, tama augwaligo te po wai,

Tuni Bidi Dabego Po Elalubo Buku Si 6:32

“Tialima, te gasa kantri bidi dabego nago genuai nogi koneama, tama me genuai sę dabe nago naga we bidi da tau siyu yali sę koneyu elama, tama augwali me deligo nageba lotu po wainogo aga bulu tagalama, te be pąba aselama, nageba gedu haluasa po wainu ebaso da,

Rutgo Po Elalubo Buku 2:11

Boasgo po wei ponoyu, te po wai, “Eno odali, nago tigidali sę nago naga bidigo ida dali te naga bidi isali sogo yali po odalio. Tama eno koneani, nago naga aya ida me naga bulu taga solama, tama nage te polobadu nago konesiąwai we bidi augwali dali eba bidagasalio. Nago tama tiali po eno odama, tama eno homugo nage tau sainogo ebao.

Rutgo Po Elalubo Buku 1:16

Tiali goli, Rutgo te po wai, “Nago enabolo nage taga pabo po wagio, tama nago ena nage dali pabo te geligio. Tigidali bulu nago pabo madi, te ena me ena paibao. Tigidali nage bidibo bulude, te ena me ena tede bidaibao. Nago hani te eno hani mu pedelaibao, te nago God da, te eno God me pedelaibao.

Te Israel me Juda Hani Sigo Tuni Bidigo Po Elalubo Buku Deli 8:40

Te nago tama tibaso da, teda da naga hani bidi dabe te nago dago wąį nǫų dabebolo te mani tǫde bidiyu, te tigidali sogo nage dologode bidaibao,” te po wali.

Israel Hanigo Namba 15:16

Dage Israel dabe me gasa bulu bidi dabe me, dage deli kolesaga naga yao, te ofa ebo kolesaga.” Te po wai.

Israel Hanigo Namba 15:29

Te dagego homugo bugagia konesąma dwai sę yaibaso da, te dagego te bomai po deli naga wali piąo. Te Israel dabe, ma te gasa bulu bidi duga bulude bidibo me, tagala.

Jeremaia 3:17

Te sogo te we bidi dabego te tiwai po waibao, ‘Jerusalem digi te Genuai Bidigo dugabo sia sai tiwai dao,’ waibao. Te tigidali kantri tǫde bidibo hani we bidi te Jerusalemba asiyu, te enaba genuai nogi magasaibao. Te munu ma augwa te hagoma isiąma, te augwa homude digi ebo dwai kolesaga wali munu me pelamu dao,” wali.