Te Israel me Juda Hani Sigo Tuni Bidigo Po Elalubo Buku Deli 8:22 - Godigo dwagi yai po buku

²² Tama te tigidali Israel we bidi gedude Solomon pelama, te Genuai Bidigo alta pąba doligi pelama, tama agai nogo si ugwaba selama,

Te Israel me Juda Hani Sigo Tuni Bidigo Po Elalubo Buku Deli 8:22 Referans Kwoze

Esra 9:5

Te ofa ebo sogoba sabalobaso da, teda ena hodaluama, tama ena kidu sugunigulama, tama gedu haluasa po weyu, tama te eno nogo si te Godiba ugwa sali, te eno Genuai Bidi dao. Eno te pisawali ugwa te ena tigide digi gudalualio.

Te Israel me Juda Hani Sigo Tuni Bidigo Po Elalubo Buku Deli 8:54

Te Solomongo Genuai Bidiba gedu haluasa po wabo sogo, agai kidu te alta pąba sugunugulama, tama agai nogo si te ugwa sali. Tialima, agai te tigidali gedu haluasa po ola silibo si da, te aga hodaluama dolalu,

Ma Dobola Sali 9:33

Tama Mosesgo te tuni bidi taga peyu, aga te hanu sesege bulu badu pai. Tama agai nogo ugwaba selama, tama Genuai Bidibolo gedu haluasa po wai. Tama te dagalu kulukulu ma wasiąma, tama te talua ge tulubage me, te olo tulubage me, te tigidali sia sai.

Aisaia 1:15

Te dagego nogo ugwa selama, gedu haluasa po enabolo wabo si da, teda eno dage sugobeo. Tagala, dagego gedu haluasa po hauwa sogo obadi, me teda ena olo palia saibao. Magi baso meni. Te bidi dabe dagego elali bidi dabego kaneme dagego nogode me daganalubao.

Ma Dobola Sali 9:29

Tama Mosesgo te tuni bidi agabolo te po wali, “Te ena te hanu buluba pabo sogo, te eno nogo ugwaba selama, te Genuai Bidibolo gedu haluasa po waibao. Tama te be kulukulu ma wasiąma, tama te talua ge tulubage silaibao. Tama te sogo nago koneyu, te tǫ te Genuai Bidigo tǫ naga da waibao.

2 Timoti 2:8

Tama eno homugo te tigidali bulu bidi dabe augwaligo gedu haluasa po omainogo homu ebao. Eno homugo augwali Godigo kolesaga naga wali pabo bidi dabe bidu, tama haliga sębę me wado po wabo tagaliyu, tama augwa nogo ugwaba siyu, te augwaligo gedu haluasa po omainogo ebo dao. Nago augwalibolo tama tiao po wao.

Godigo Nogi Ugwaba Sabo Tęąbi Po Wabo Buku Dabe 63:4

Te eno nageba usu da weyu, tama nago nogi ugwaba sidubadi, te ena isibo siba usu naibao. Te eno nogo ugwaba selama, tama nageba gedu haluasa po waibao.

Godigo Nogi Ugwaba Sabo Tęąbi Po Wabo Buku Dabe 28:2

Te eno nageba i weyu, nago ena tau sao wabo sogo, te nago eno gela wabo odao. Eno gedu haluasa po weyu, tama eno nogo ugwaba siyu, te nago wiegi yai be elalubo madiba nogo dų yaibao.

Jopgo Po Asęani Elalubo Buku 11:13

“Tiali goli, Jop, nage homu begelama, tama Godiba gedu haluasa po walama, tama nago agabolo hanaluyu, te po wai, ena hobede elama, tau sao po wao.

Te Israel me Juda Hani Sigo Tuni Bidigo Po Elalubo Buku Si 23:3

Te king aga te Genuai Bidigo be mabo dolo elalubo bobobage pos dolalubo madigi aga dolaluali, tama agai te Genuai Bidi dali e tama bomai po dąų wali. Agai te tigidali te bomai po te buku tomode muani po wali paibao wai. Agai te po bodolu selama polali deli homu naga, deli kolesaga naga tigidali bomai po me, me te Genuai Bidi agai po me wali mu paibao. Tama te tigidali we bidi dabego me augwali tigidaligo te bodolu selama, dąų wali po delidu naga wali paibao olama, polali.

Te Israel me Juda Hani Sigo Tuni Bidigo Po Elalubo Buku Si 11:14

Aga pelama, sabaligi pali, tama agai te gesi noma king bidi te bobobage pos bras dolalubo madigi pąde dolaluyu bidibo suali, te Genuai Bidigo tempel be gesabidi dolo, e tama tiwai te king bidi dabego au ebo gilama yai. Tama agai suali, ma te ami gavman ofisa bidi me, tama me te biugel selama, te bu wabo bidi me, te augwali te king bidi pagede te pąde bidibo suali. Tama agai me te we bidi dabego augwaligo te pemene ebo sę suali, tama te me badu we bidi dabego te biugel selama, bu wabo suali. Tama tibaso, te Atalia aga bulubo ugwa selama, te pisa yali. Magi baso meni, agai haliga sębę dwai mu yali. Tama agai e tama i wali, “Dage dwai bidi dabe mu dao. Dagego dwai kolesaga mu yalio, tama dagego ena kwin we aiyaba elaluainu yalio,” tama i wali.

Ma Dobola Sali 33:10

Tama te Israel we bidi augwali te augwa ugwa be tųde dolaluyu, tama te pǫ te ugwa be pąde bidibaso da, teda augwali tobolu basi gulama, tama lotu po Godibolo wai dao.