Te Israel me Juda Hani Sigo Tuni Bidigo Po Elalubo Buku Deli 8:21 - Godigo dwagi yai po buku

²¹ Tama eno te pesage me deli te be tomode nigali, te Dąų Wali Bomai Po Muani Halobage muabo madi. Te halobagede te dago wąį nǫų dabe te Isip tǫ tagalama, te bidi meni yai bulu te Sainai bulu duba odasa aselama bidali sogo, te Genuai Bidigo mani bomai po asęani masigi sawali si te halobagede munaluali,” Solomongo te Israel we bidi dabebolo te po wai.

Te Israel me Juda Hani Sigo Tuni Bidigo Po Elalubo Buku Deli 8:21 Referans Kwoze

Te Israel me Juda Hani Sigo Tuni Bidigo Po Elalubo Buku Deli 8:9

Te halobage tomode te hauwa nai me munalubeo. Te Godigo bomai po elalubo masigi sawali si elaluali, te naga munaluali. Polobadu te Israel dabego te Isip bulu taga soyu, te Sainai bulu duba bidagasali sogo, tama Genuai Bidigo bomai po augwali dali dąų wai. Te dąų wali bomai po te masigi sawali side asęai elaluai, tama Mosesgo te masigi si te halobage tomoba muai dao.

Bomai Po 31:26

“Te Genuai Bidi dago God agai bomai po elalubo buku selama, tama te kontrak munalubo bokis pąde muao. Tama aga te pesagede munalumainao, tama te Godigo we bidi po tų ela mayu emainao.

Bomai Po 9:11

“Ena te bulu dude te bidi sese si 40 dei bidai dao. Tama Godigo enabolo agai te dąų wali po asęani te masigi mawai dao.

Bomai Po 9:9

Ena te bulu duba holama, tama te masigi si sigi painogo pai dao, te masigi pedai side agai dage dali dąų walali te po asęai dao. Ena te giligade me hulide te bidi sese si 40 bubugade tede bidai dao, tama eno nai me tuyu, wę me tuyu me yai menio.

Ma Dobola Sali 34:28

Tama Moses te Genuai Bidi dali te bulu dude te bidi sese si, 40 sogo bidai. Tama agai nai deli me, ąį me, te me tubeo. Mu menio. Tama Genuai Bidigo te bomai po te Mosesgo te sela holali masigi side asęai. Te po te Godigo bomo yai nogo si po dabe dao.

Tuni Bidi Dabego Po Elalubo Buku Deli 22:19

Tama tialima, megi da, dagego homu deli naga elalu, tama dagego bomo mu elama, te dago Genuai Bidi Godigo homu wali pao. Tialima megi da, dagego te Genuai Bidi Godigo be sę ebo gagalao. Tama nosali dagego te Genuai Bidigo Dąų Wali Bomai Po Munalubo Halobage me te dis plet agai nai dabe selama, tama te beba muagameo, te be da te we bidi augwali te Genuai Bidi pageba aselama lotu wagasabo be dao,” Devitgo te po wai.

Ma Dobola Sali 24:8

Tama Mosesgo te poude muani kaneme selama, te we bidi dabeba te kaneme segeni sąsąga pali. Tama agai te po wai, “Te kanemego Genuai Bidi agai dage dali dąų wali bomo yai po dąų walai dao. Tama te bomo yai po dabe te dąų wali po page dao.”