Te Israel me Juda Hani Sigo Tuni Bidigo Po Elalubo Buku Deli 8:14 - Godigo dwagi yai po buku

¹⁴ King Solomongo gedu haluasa po olama da, teda aga begegi solama, tama te we bidi dabeba tonagasu, tama Godiba hanalu, te augwali bugagia wiegi yai ilao po wali.

Te Israel me Juda Hani Sigo Tuni Bidigo Po Elalubo Buku Deli 8:14 Referans Kwoze

2 Samuel 6:18

Augwa te ofa ela silibo si da, teda Devitgo te we bidi dabeba te tiwai po wai, “Te Tigidali Bomo Elalubo Genuai Bidigo te dage wiegi yai bugagia ilimainu yao,” wali.

Matyu 13:2

Tama we bidi hani hauwa aselama. aga pageba sisinagasobaso tama aga te geba me deli daiba holama duagulali, tama te asali we bidi augwali tigidali te sigi ąį sani sesegede bidaluai.

Godigo Nogi Ugwaba Sabo Tęąbi Po Wabo Buku Dabe 118:26

Godigo te Genuai Bidigo nogide asali bidiba wiegi yai sę emainao. Dago aga nogi te Genuai Bidigo lotu be tempelde ugwaba sao.

Nehemia 9:2

Te we bidi augwaligo te Israel hani isąwai hani bidi dali kisasa bilali kolesaga te tagalali. Tama augwali dolalu, te augwa sęgę me, te augwa wąį nǫų dabego sęgę me pusali.

Nehemia 8:7

Nosali te we bidi hodaluama, ma dologulalio. Tama te Esrago te bomai po augwaliba neda mabo sogo, te Livai mebago te bomai po page pusa mawai. Te Livai dabego nogi te tiwai, Jesua, Bani, Serebia, me Jamin, me Akup, me Sabetai, Hodia, me Masea, Kelita, Asaria, Josabat, me Hanan, Pelaia dao.

Tuni Bidi Dabego Po Elalubo Buku Si 7:6

Te pris dabe u badu dolaluyu me Livai dabe me e badu dolaluyu yali, te king Devitgo te musik elebo nai niga mani te nai dabe dali dolaluali. Polobadu Devitgo Genuai Bidigo nogi ugwaba sainogo da, te Livai dabe augwaligo musik omainogo te nai dabe eliyu yai dao. Tama Genuai Bidibolo buba hwi wabo tęąbi po weyu yai dao. Augwaligo te tęąbi po augwaligo te e tiwai nogi ebo te tęąbi po weyu yali, “Genuai Bidigo da godolo mu ebo kolesaga te sesemane sogo elalua paibao,” te wabo tęąbi po wali. Tialima megi da, te we bidi dabe dolalubadi tama te Livai dabego te tęąbi po obadi te pris dabego biugel bu wali.

Tuni Bidi Dabego Po Elalubo Buku Si 6:3

King Solomon aga gedu haluasa po ola silama, begelama subadi, tama agai te we bidi dolalubo suali. Tama agai Godibolo augwali dali wiegi yai sę yao po hanalu wali.

Tuni Bidi Dabego Po Elalubo Buku Deli 16:2

Devitgo te ofa dabe ela silama da, teda agai te tiwai po te we bidi dabeba wali, “Eno homugo te Genuai Bidigo wiegi yai sę dagebolo emainao,” wali.

Josua 22:6

Tama Josua te wiegi yai po mobo augwali menama, tama agai augwali te Jordan wę boloyu, augwa beba ma pomainu tagala palali.

Ma Dobola Sali 33:10

Tama te Israel we bidi augwali te augwa ugwa be tųde dolaluyu, tama te pǫ te ugwa be pąde bidibaso da, teda augwali tobolu basi gulama, tama lotu po Godibolo wai dao.

Tuni Bidi Dabego Po Elalubo Buku Si 31:8

Tama nosali Hesekia me te tobolu bidi dabe augwaligo te nai dabe sugi pali, te we bidigo sesali nai dabe, tama augwaligo Genuai Bidigo nogi ugwaba siyu elama, tama augwaligo te Israel we bidi dabe dali wiegi yai homu pemene yali.