Te Israel me Juda Hani Sigo Tuni Bidigo Po Elalubo Buku Deli 8:13 - Godigo dwagi yai po buku

¹³ Tiali goli, megi da, eno te nago be wiegi yai mu me deli sę yani elalubao, tama nage te bede sesemane sogo bidada peyu, bidada pagameo,” wali.

Te Israel me Juda Hani Sigo Tuni Bidigo Po Elalubo Buku Deli 8:13 Referans Kwoze

2 Samuel 7:13

Te kingo naga te eno be sę emainu yaibao, te eno we bidi dabe augwali ena pąba asomainu emainao. Tama te eno aga hani bidi dabede naga te sesemane bidada pabo sogo king bidi pedalumainu ilaibao.

Hibru 9:24

Dago koneao, Krais aga te Tedali Gasagi Yai Be habu tomoba peyu, aga te bidi dabe augwaligo nogogo sę yai be tomoba pelama, tama te Godigo be mu tiwai elama te piksa tiwai naga ebeo. Menio. Aga te dagaluba digi tomoba dolo mu pai. Tama megi aga te God gedude hania bidibao, tama agai da tau sabo sę megi ebo dao.

Ma Dobola Sali 15:17

Tama nago da odasa asiyu, te da naga bulu dude bugagia dualama bidimainogo yaibao. Tede te naga digi naga be sęwai dao, te bulu nago nogogo digi bugagia dodolama muai dao.

Godigo Sęba Tagala Palai Bidigo Po 6:14

Agai te po wabo dago odalio, ‘Te Nasaret bidi Jisasgo te Moni Lotu Be tempel dolaibao. Mosesgo polobadu dabolo mani po, te po Jisasgo ma hasegelaibao’ wali,” augwaligo te po wai.

Tuni Bidi Dabego Po Elalubo Buku Deli 28:20

Megi da, king Devitgo Solomomba te tiwai po wali, “Nage bomo elama mu dolalu, te sę yao, te haniani sęgęgo nage aiyaba elalumainu ebaso te tagalao, magi baso meni, God, eno Genuai Bidi, te nage dali bidiyu, te nage tau saibao. Agai nage me tagalogobeo. Menio. Te aga nage dali bididubadi nago te be sę tigidali silibo siba usu naibao.

Tuni Bidi Dabego Po Elalubo Buku Deli 28:10

Tialima megi da, bugagia odao. Genuai Bidigo nage dąį elama, nago te agaba te we bidi dabego lotu wabo tempel be sę emainu yai. Tama tialima nago bomo elama te sę yao,” Devitgo te po aga ogwa Solomonbolo wai dao.

Tuni Bidi Dabego Po Elalubo Buku Deli 28:6

Tama Genuai Bidigo enabolo te tiwai po wali, ‘Nago te ogwa Solomongo tama eno be sę badi, te be sesegede elalubo we bidi bilabo pesage dali nigibo sę me yaibao, magi baso meni, eno aga dąį ilama aga eno wai bidimainu yali, te ena agai aya bidaibao.

Tuni Bidi Dabego Po Elalubo Buku Deli 17:12

Te kingo tama te eno be sęwaibao. Te eno agai hani bidide naga te sesemane sogo king pedalumainu yaibao po walio.

Matyu 23:21

Tama bidigo te Moni Lotu Be tempel nogi ilama, mu po da obaso da, teda aga po me te tempel be dali, te tempel bede bidibo bidi God dali, te side te po dąų walobao.

Esekiel 43:7

Te da te Genuai Bidigo pedauwalidu po wali. Tama agai enabolo e tama po walali “Tǫde bidio, eno sia king te be tomode te elalubao. Tama te pesage da, te we bidi augwali aselama, enaba lotu wagasabo madi dao. Ena tigidali sogo ede bidada paibao, te ena we bidi Israel dabe tomode. Tama nosali Israel dabe, me augwa king dabe, augwaligo nosali eno wiegi yai nogi aiyaba munu ma me elalugobeo. Polobadu te we bidi dali, te king bidi dabe dali, augwaligo ena tagalama, te tibo god dabeba lotu po odu geai dao, we bidigo dwai penane sę ebo tiwai yali. Tiali goli, megi da, te augwaligo te tibo godiba lotu po te ugwanu elalubo madide me weyu egobeo. Tama te king dabe augwaligo eno tempel be pąde mu augwaligo be me ma sę yagasiyu me egobeo. Polobadu augwaligo be te tama elaluai dao, tama te king dabe augwali augwa bede isibo sogo augwaligo eno be meda iliyu yai dao. Tama me augwaligo dwai damua pai kolesaga eyu, augwaligo eno nogi aiyaba elaluyu yai dao. Tama tibaso, eno augwali dali sębę elama, tama augwali dolai dao.

Esekiel 43:9

Megi da, te Israel dabe augwaligo tibo godiba lotu me wabo tagalao. Tama augwaligo augwa king eno be pąde isimainu sula tagalamo dao. Tialima, augwaligo eno po wali peyu da, teda ena augwali dali tigidali sogo mu bidaibao,” te po wali.