Te Israel me Juda Hani Sigo Tuni Bidigo Po Elalubo Buku Deli 7:49 - Godigo dwagi yai po buku

⁴⁹ Tama augwa te wiegi yai gol selama, tama te nogo si lam tolaluabo nai nigali, te Tedali Gasagi Yai Be Habu daga pąde dodolabo nai nigai. Te a naga te dolo nogo daga pąde dolaluyu, te me a naga te pobase nogo badu elalubo be daga pąde dolaluali. Tama augwaligo te gol selama, tama te plaua piksa noma dabe me, te lam, te sisis tiwai nai te sia tolalubo nai, te tama nai dabe te golgo nigai dao.

Te Israel me Juda Hani Sigo Tuni Bidigo Po Elalubo Buku Deli 7:49 Referans Kwoze

Tuni Bidi Dabego Po Elalubo Buku Si 4:7

Tama augwaligo gol selama, tama lam sole walabo bobobage nai geselali. Te lam sole walabo te bobobage nai nigibode bomai po elaluali. Augwaligo bugagia wali pelama, tama augwaligo te lam sole walabo nai dabe nigali, augwa te bomai pode elaluali kolesagadu bugagia wali pali. Tama me augwaligo nogo si 10 tebol sai geselali. Tama augwaligo te tebol me lam dabe augwaligo Genuai Bidigo tempel be tomode te Tedali Gasagi Yai Be Habude muani. Te tebol a naga ebadi me lam sole walabo bobobage nai a naga ebadi augwaligo not badu polo badu te be habu tomode muani, tama te a naga tebol me lam sole walabo bobobage nai dabe me augwaligo te saut badu polo badu muani, te be habu badu, te be tomode. Tama augwaligo gol selama, 100 dis pou nigali.

Kraisgo Geme Dualali Sę Pedelabo Po Jonbolo Ola Mani 1:20

Tama nago eno dolo nogode te hǫ a naga olama me badu nogo si elalubo suali. Te lam sole gol a naga badi me si tama te me nago suai. Tama te nai dabe geme dualali page e dao: te hǫ a naga olama me badu nogo si wali, te Godigo po wali pabo bulu a naga olama me badu si te bulude bidibo we bidi tau sabo ensel mobo bidi dabe dao. Tama me te a naga olama me nogo si te lam sole po wali, te a naga olama me badu nogo si Godigo po wali pabo we bidi hani dabede po begelama weyu,” agai te po wai dao.

Tuni Bidi Dabego Po Elalubo Buku Si 4:20

Tama me augwaligo te gol selama, tama augwaligo lam dabe geseliyu me te lam walabo bobobage nai dabe me geselali, te Tedali Gasagi Yai Mu Be Habu pąde muabo madi geselali. Te lam walabo bobobage nai dabe geselabo sę yabode po te bomai po te elaluali. Tama augwaligo bugagia wali pelama, tama te lam walabo nai dabe geselali.

Israel Hanigo Namba 4:9

“Tama augwaligo te lam dabe tolalubo nai me, te lam dabe me, te lam wik me, te sisi dulu bulubo dwasianu plet me, te oliv wel bubo botol, te sisi dagalu yai name ugwago belao.

Ma Dobola Sali 39:37

Tama augwaligo te wiegi yai golgo nigai te lam dabe tolalubo nai me, te aga doado bage dali me, te lamde muabo wel dabe dali, sela peyu,

Jeremaia 52:19

Tama Nebusaradango te bidi dabego gol me silvago nigali nai dabe me sali, te dwasianu pou dis dabe, te sia sela pabo pou plet dabe, te ofa ebo nai kaneme mubo pou dis, me sospen dabe, me te ni dilide udalubo lam dabe, me te wiegi yai denami ebo pauda ulubo pou plet dabe, me te ofa ebo wain dabe muani pou dis dabe, te tama tigidali nai sela palio.

Ma Dobola Sali 25:23

“Tama dagego te ni akasgo te tebol sai me deli nigao, te bobobage usu ni te 88 sentamita, te genuai usu ni te 44 sentamita, tama te ugwadu daidu te usu ni 66 sentamita dao.