Te Israel me Juda Hani Sigo Tuni Bidigo Po Elalubo Buku Deli 7:40 - Godigo dwagi yai po buku

⁴⁰ Huramgo te wę pauabo moni dis pou me, te dwasianu savol dabe me, te gasa dis pou dabe me nigalio. Tialima, megi da, Huramgo te king Solomongo agabolo te mani sę, te Genuai Bidigo tempel be sę yali, te sę tigidali silalio.

Te Israel me Juda Hani Sigo Tuni Bidigo Po Elalubo Buku Deli 7:40 Referans Kwoze

Te Israel me Juda Hani Sigo Tuni Bidigo Po Elalubo Buku Deli 7:28

Agai te wilkar dabe te tiwai nigali. Hasia bolo agai te wilkar dabego dili nigilama, tama nosali agai te bras dabego te laion piksa dabe elalubo nigali, me te omai bulmakau, me ensel, te piksa dabe nigali. Agai te bras pedai dabe selama, tama te wilkar me si me si elalubo te dili dabe kęani. Tiali goli, agai te dili dabe tigidali mu me halubeo. Te wilkar dabego dili te bagua si dodo bolo pai au tiwai dabe elalualio, tama te dodo bolo pali te dologode elalubo te laion me bulmakau dabego piksade te tiwai elaluali. Tama te deli tigi poai dodo bolo pali te piksa dabede ugwadu elalualio.

Ma Dobola Sali 24:6

Tama augwaligo te ofa ebadi, tama Mosesgo te ofa yai bulmakau dabego kaneme selama, tama dobolama, meba te pouba muyu, tama te kaneme meba munalubo te agai selama, te altaba sąwai.

Te Israel me Juda Hani Sigo Tuni Bidigo Po Elalubo Buku Deli 7:39

Huramgo te nai dabe nigila silama da, teda agai te a naga wilkar te Genuai Bidigo tempel be mesalode muyu, te saut pedai obo pąde muani, tama te gasa a naga wilkar te not pedai obo pąde te badu muani. Tama agai te genuai tank wę te be sabi badu pąde te saut badu pedai badu muani.

Te Israel me Juda Hani Sigo Tuni Bidigo Po Elalubo Buku Deli 7:41

Te Huramgo nigali nai dabe te e tama dao. Te genuai bobage brasgo nigai pos si, tama te pos dabego baguasi tobolu si me, tama te pos dabe tobolu au ilibo te wa tiwai nai dabe me nigali.

Tuni Bidi Dabego Po Elalubo Buku Deli 18:8

Tama me, agai te bras hauwa te taun Tiphat me taun Kunde sali, te taun si te Hadatesergo taun da. Nosali, Solomongo te bras dabego te Godigo tempel bede muabo nai dabe nigainu salio, te genuai ąį tank me te bobobage pos si, te dis dabe me plet dabe, te tama nai nigalio.

Tuni Bidi Dabego Po Elalubo Buku Si 4:6

Tama me augwaligo te nogo si te 10 tank dwasianu me nigali. Tama augwaligo a naga te saut badu te Genuai Bidigo tempel be daga pąde muani, tama me a naga te not badu be daga pąde muani. Te tank dabe da, te ofa yali hasa dage dabe ąį telayabo tank dabe dao. Tama te genuai tank te pris bidi dabe tede ąį pauabo dao.

Ma Dobola Sali 27:3

Tama bras selama, te sia keli sabo pou me, te dwasianu savol me, pou me, te ofa hasa mi dodolobo age yai ną me, tama te sia dage sela pabo plet nigibadi yao.