Te Israel me Juda Hani Sigo Tuni Bidigo Po Elalubo Buku Deli 7:39 - Godigo dwagi yai po buku39 Huramgo te nai dabe nigila silama da, teda agai te a naga wilkar te Genuai Bidigo tempel be mesalode muyu, te saut pedai obo pąde muani, tama te gasa a naga wilkar te not pedai obo pąde te badu muani. Tama agai te genuai tank wę te be sabi badu pąde te saut badu pedai badu muani. Gade chapit la |
Tama me augwaligo te nogo si te 10 tank dwasianu me nigali. Tama augwaligo a naga te saut badu te Genuai Bidigo tempel be daga pąde muani, tama me a naga te not badu be daga pąde muani. Te tank dabe da, te ofa yali hasa dage dabe ąį telayabo tank dabe dao. Tama te genuai tank te pris bidi dabe tede ąį pauabo dao.
Tama augwaligo gol selama, tama lam sole walabo bobobage nai geselali. Te lam sole walabo te bobobage nai nigibode bomai po elaluali. Augwaligo bugagia wali pelama, tama augwaligo te lam sole walabo nai dabe nigali, augwa te bomai pode elaluali kolesagadu bugagia wali pali. Tama me augwaligo nogo si 10 tebol sai geselali. Tama augwaligo te tebol me lam dabe augwaligo Genuai Bidigo tempel be tomode te Tedali Gasagi Yai Be Habude muani. Te tebol a naga ebadi me lam sole walabo bobobage nai a naga ebadi augwaligo not badu polo badu te be habu tomode muani, tama te a naga tebol me lam sole walabo bobobage nai dabe me augwaligo te saut badu polo badu muani, te be habu badu, te be tomode. Tama augwaligo gol selama, 100 dis pou nigali.
King Solomon dali aga sę bidi dabe augwaligo Genuai Bidigo tempel bede sę dabe sese tama elama silali. Tialima Solomongo aga aya king Devitgo te silva dabe me gol me dis pou dabe me selama, te Genuai Bidi mawainu sa muani nai dabe augwaligo sali, tama augwaligo te nai dabe sese tama selama, te tempel be tomoba pelama, tama te wiegi yai nai muabo be habuba mugi pela silali.