Te Israel me Juda Hani Sigo Tuni Bidigo Po Elalubo Buku Deli 7:21 - Godigo dwagi yai po buku

²¹ Huramgo te pos dabede sę yali silibaso, tama te pos si augwaligo te Genuai Bidigo tempel be sunumi pąde te ugwaba dodolama muani. Te saut badu elaluali sunumi pedai badu dodolama muani pos, te nogi augwa te Jakin nogi yali, tama te not pedai badu muani gasa pos, te nogi augwa te Boas nogi yai dao.

Te Israel me Juda Hani Sigo Tuni Bidigo Po Elalubo Buku Deli 7:21 Referans Kwoze

Tuni Bidi Dabego Po Elalubo Buku Si 3:17

Augwaligo te sę dabe ela silama, tama augwaligo te pos si te Genuai Bidigo tempel be gesabidi badu dodolali. Te pos me te u badu saut badu dodolali, me te not badu dodolali. Kingo te saut badu dodolai pos nogi te Jakin mani, tama agai te not badu dodolali posbolo agai nogi Boas polali.

Te Israel me Juda Hani Sigo Tuni Bidigo Po Elalubo Buku Deli 6:3

Tama te be mabo me deli te be hobolu badu elaluali. Te aga dąį te tiwai. Te aga genuai te habu selali be habu tiwai tobage, te 9 mita usu elaluali. Tama te aga bobagego usu da, te 4 me hap mita naga tama dao.

Kraisgo Geme Dualali Sę Pedelabo Po Jonbolo Ola Mani 3:12

Niwai bidigo te dwai kolesaga ebo aiyaba elalubo bidi, te bidi aga eno te Godigo Moni Lotu Be tempel te be pos ni bulali dąų olalubo tiwai eyu, tama aga te dwagi yai be tagalama buluba munu me ma soagobeo. Tama te bidi agade eno Godigo nogi asęyu, tama eno Godigo genuai hanu nogi me asęaibao. Te gesi hanu te Jerusalem dao. Te hanu eno Godigo nogogo asiyu, te dagalu tagalama e tǫba dulaibao. Tama eno gesi nogide digi, te me eno agade asęaibao.”

Galesia 2:9

Tama Jems dali, Pita dali, Jon dali augwali te Godigo hani bidi tomode te be ni bomo elama dolalubo tiwai bidama dolaluai, te we bidigo gedude. Tama te bidi sela augwaligo koneai, te God agai ena olo mu tau siyu, tama enabolo te sę mawai. Tama tibaso, augwaligo ena dali Barnabas dali si nogo mani. Tama nogo mayu, da tigidaligo te homu yali, te da sigo te Juda hani isiąwai we bidi tomode Godigo sę yaibao, tama augwali selago te Juda bidi hani tomode te sę yaibao.

Matyu 16:18

Tama eno nagebolo te po obao, nage Pita dao, te nogi page te masigi dao, tama eno ena po wali pabo we bidi hani te masigi daide pedalaibao, te be me deli te genuai masigi daide sę ebo tiwai. Tama te we bidi hani augwali te dwai mobo bidi Satango we bidi ela muabo bomogo augwali me aiyaba elalugobeo.

Aisaia 45:24

Te augwaligo te tama po waibao, ‘Genuai Bidigo naga te da tau siyu, te da dąų waliyu, te doloba pai kolesaga ugwa igulama, ugwa ela holomainu yaibao,’ te po augwaligo waibao,” wali. Tigidali we bidi agaba asobaso, te agaba haliga sębę ebo hani dabe te augwali dwai hale mu yaibao.

Aisaia 9:7

Te tuni bidi te tuni bidi Devit hasegelama, bidaibao. Tama aga te Devitgo tuni bidi siade dualaluyu, te we bidi dabe tonaluaibao. Te agai gavmanigo bomo tigidali sogo genuai holudaibao. Tama hwįbo me menia pelama, bugagia tigidali sogo bidaibao. Magi baso meni. Te tuni bidi aga te tigidali sogo dwagi yai doloba pai kolesaga naga ebo dao. Tama agai te kolesagago aga te bomai tuni bidi bidaibao, te megi me, tigidali sogo nosali me. Genuai Bidi Tigidali Bomo Elalubo Bidigo homugo bomo mu elama, we bidi dabe dali wiegi yai sę yabo homu ebao. Tama tibaso, agai te sę dabe me elama, pedalaibao.

Te Israel me Juda Hani Sigo Tuni Bidigo Po Elalubo Buku Deli 7:12

Tama augwaligo te kompaun tigidali bagulubo obo me deli nigali. Te obo augwa te tiwai nigali. Augwa te togolama bugagia dodolai masigi hani sela te muani. Tama augwaligo te masigi dabe daide te ni bǫ hani ni tigi deli te daide muna muna pali. Augwaligo te tiwai naga ela pidubadi, te obo bagulubo sę siligi pabo siba usu nani. Augwaligo te obo nigali deli poai kolesaga elama, augwa te bidi deliba sisinibo obo bagubo sę yali, te Genuai Bidigo tempel be gesabidi badu elaluai, tama te tiwai te be habu te Genuai Bidigo tempel be gesabidi nigai elaluali.

2 Samuel 7:12

“‘Te nage isibode te augwaligo nage pubalubo sogo, teda te eno nago ogwa me deli te king pedalumainu ilama, tama aga te bomai king pedelama, tama eno te magi nai me deligo aga aiyaba elalumainu me egobeo.

Te Israel me Juda Hani Sigo Tuni Bidigo Po Elalubo Buku Deli 7:22

Te pos si tobolude te nai te augwaligo gasa sawi yai plaua nigai te dinigaluali. Tama te pos dabede yali sę tigidali silai.

Rutgo Po Elalubo Buku 2:19

Tama Naomigo Rutbolo e tiwai po hanalu wali, “Megi nago e bali menade saiwe? Nage mena bidigo bali gide sę yaiwe? Eno homugo Genuai Bidigo te nage sulama, te nage homu yali bidi dali te agai wiegi yai sę emainogo homu ebao,” wali. Rutgo te po wai, “Eno megi te bidi me deligo gide sę yali, te bidi nogi Boas dao.”

Tuni Bidi Dabego Po Elalubo Buku Si 4:13

Tama agai te pomigranet du piksa noma te 400 geselali, te pos side bagulali te umben bono dabede wawalo pabo nai dabe geselali. Te deli deli pos tobolude te pomigranet du te hani si te umben bonode te pos bagulama elaluali.