Te Israel me Juda Hani Sigo Tuni Bidigo Po Elalubo Buku Deli 6:7 - Godigo dwagi yai po buku

⁷ Te augwaligo te masigi dabe sali sogo, augwa halama, tama augwa te masigi dabe sabo madi bugagia dodolali. Tama nosali augwa te Genuai Bidigo be sę yainu sela asalio. Tama augwa te be sę ebo sogo, te hama me, hwą me, gasa nai dabe augwa te aingo nigali nai dabe me, te be sę ebo madi te kao me kidagalo me wabeo.

Te Israel me Juda Hani Sigo Tuni Bidigo Po Elalubo Buku Deli 6:7 Referans Kwoze

1 Pita 2:5

Tama bidi me deligo aga bidabo be te masigigo sę ebo tiwai te Godigo dage aga we bidi hani ilibo dao. Tama tiyu, dage tedali gasagi yai magi sę isiąwai we bidi hani bidaibao, te pris bidi hani tiwai. Tama te pris bidi dabe augwaligo Godibolo dwagi yai nai ula mabo sę eyu, tama agabolo ofa nai mabo dao. Tama tede Godigo dwagi yai homu ebo dao. Tama te tiwai me Krais agai dage tau selama, dagego Godigo homu wali peyu dwagi yai sę yaibao. Tama dagego te dwagi yai sę te tiwai ebaso, God agai te dagego ebo sęde dwagi yai homu yaibao.

Bugagia Bidibo Kolesagade Po Asęai Buku 24:27

Hasia bolo nago te naga tǫ dodolama, tama te gi dabe bulao, tama nosali nago te be sę ebaso, te usu dao.

Ma Dobola Sali 20:25

Dagego masigigo te alta me deli nigiyu da, teda dagego te bidigo togwali masigi sigio. Magi baso meni, dagego te sę yai ain tulgo te masigi togoyu da, tama te tiwai masigigo eno sę ebo te dolo egobeo.

Kolosi 1:12

Tama dagego tama tiyu, dwagi yai homu mu pemene eyu, dago Aya Godibolo puba hwi po wao. Magi baso meni. Te agai tonalubo wiegi yai ula elalubo digi tede agai aga we bidibolo maiabo nai hagea selama munaluali. Tama dagego te hagea sali nai meba somainogo agai dage usu ilai dao.

2 Korin 5:5

Godigo digi dago te gamonabo tigi somainogo dabolo sisi ilai dao. Tama agai Tedali Mobo Bidi dabolo mani. Te Godigo me badu nai dabolo nosali mawainogo te agai hasia podolali nai te Tedali Mobo Bidi dabolo mani, tama dago e tama koneai: mu tama te agai tigidali nai dabolo maiabo homu yai, tama mu mawaibao.

Polgo Po Pas Rom Dabeba Asęani 9:23

Magi baso meni, agai homugo te agai homu dene eyu tau sabo sa muani we bidi augwalibolo mabo wiegi wiegi yai ula yai bomo, te bomo augwali ola momainogo agai bobage sogo tonaluali. Augwali agai polobadu hagea sai dao, tama agai bomo yai ula augwaligo saibao.

Godigo Sęba Tagala Palai Bidigo Po 9:31

Te side Jisasgo po wali pabo we bidi te Judia tǫde me, Galili tǫde me, te Samaria tǫ me, te bulu we bidi augwali bugagia bidali, wi ebe. Godigo Dwagi Yai Mobogo augwali tau selama, te umabo we bidi Jisasgo poba augwa homu tigidali munama, bomo yali. Augwaligo Genuai Bidigo nogi ugwaba mu sali, te augwaligo Genuai Bidigo po wali pali.

Aisaia 42:2

Te agai po wabo sogo, te genuai po dagą i hai olama, po me wagobeo. Tama aga te sunumi dabede doligi pelama, te agai po bomonama me pusugobe.

Jems 1:20

Magi baso menio. Bidigo sębę ebogo te Godigo gedude wiegi yai doloba pai kolesaga egobeo.

Te Israel me Juda Hani Sigo Tuni Bidigo Po Elalubo Buku Deli 6:6

Augwa te be habu dabe nigabo homu yali, tiali goli, augwa te habu selabo be habu daga dabe badu te agebele me nigibeo, te soiyame saide te kau ni te pos daiba muai dao. Tama augwa te si wali soiyame sai plua te kau ni muabo obo nigilali pesagede, augwa daga dwasianu tomoba gana nigali, te tobolu ni pilabo madi te pesage elaluai. Tama augwa te deli tobage tiwai kolesaga te sela wabo plua te pesagede elaluai. Tama te pagede tama te hasia plua te dwasianu igi pali, te 2 mita me 20 sentimita teba usu nani. Tama te si wali plua te dwasianu genuai gana yai, te 2 mita me 70 sentimita teba usu nani. Tama te sela wali plua, te ugwaba muabo plua tama, te genuai mu nigali, te 3 mita me 10 sentimita usu nama nigalio.

Te Israel me Juda Hani Sigo Tuni Bidigo Po Elalubo Buku Deli 6:8

Te be sai si nigali habuba holobo togobili si elaluali, tama te togobili te be pedai saut badu elaluai.