Te Israel me Juda Hani Sigo Tuni Bidigo Po Elalubo Buku Deli 6:21 - Godigo dwagi yai po buku

²¹ Tama augwaligo te wiegi yai gol selama, tama te tempel be tomo bagulali madi te tigidali daga haluali. Tama augwa te sen gol meba nigilama, tama te Tedali Gasagi Yai Mu Be Habu sunumi tede walali. Augwaligo te be habu togwali madi te golgo haluali,

Te Israel me Juda Hani Sigo Tuni Bidigo Po Elalubo Buku Deli 6:21 Referans Kwoze

Te Israel me Juda Hani Sigo Tuni Bidigo Po Elalubo Buku Deli 6:5

Tama te gasa be me badugo te habu selabo be habu sela bagulai elaluai. Te be habu badu te dwasianu be habu dabe hauwa elaluali, tama te be habu badude te sela be soiyame ni sawali elaluai.

Ma Dobola Sali 36:34

Tama augwaligo te be daga ni name dabe te golgo haluama, tama tigidali ni name deli delide te ring gol meba kęnama, te bobage ni dabego te be daga ni dabe kęani dąų walali. Tama augwaligo te ni name dabe me te golgo haluai dao.

Te Israel me Juda Hani Sigo Tuni Bidigo Po Elalubo Buku Deli 6:20

Te Tedali Gasagi Yai Mu Be Habu tigidali te deli tigi poai naga nigali. Te aga bobage usu, te 9 mita, tama aga genuai da, te 9 mita, tama te dąį ugwadu me, te 9 mita. Augwa te wiegi yai gol selama, tama te be haluali daga ni nami dabe haluali. Te be habu sunumi pąde augwaligo te ni bǫgo nigali alta me deli elaluali, tama augwaligo te alta me te golgo haluali.

Te Israel me Juda Hani Sigo Tuni Bidigo Po Elalubo Buku Deli 6:22

tama tialima, te Genuai Bidigo be pedai tigidali tomo badu me, te Tedali Gasagi Yai Mu Be Habude elalubo alta me, augwaligo te tigidali golgo mesegelali.