Te Israel me Juda Hani Sigo Tuni Bidigo Po Elalubo Buku Deli 6:1 - Godigo dwagi yai po buku

¹ Te Israel dabego te Isip taga soyu aselama, te augwa bulali wąį dabego wąį dabe bidali sogoba usu nagasu, te tama kibu be 480 yia bidali. Tama te wabo kibu be me si me si te Solomon te Israelde te king te tama kibu be bidali. Tialima, te kibu bede, te si wali polua, te polua nogi augwa te Siv poali, Solomongo te Genuai Bidigo be sę ebo gagalali.

Te Israel me Juda Hani Sigo Tuni Bidigo Po Elalubo Buku Deli 6:1 Referans Kwoze

Godigo Sęba Tagala Palai Bidigo Po 7:47

Tiali goli, nosali Devit aga ogwa Solomon agai Godigo be sę yai dao.”

1 Pita 2:5

Tama bidi me deligo aga bidabo be te masigigo sę ebo tiwai te Godigo dage aga we bidi hani ilibo dao. Tama tiyu, dage tedali gasagi yai magi sę isiąwai we bidi hani bidaibao, te pris bidi hani tiwai. Tama te pris bidi dabe augwaligo Godibolo dwagi yai nai ula mabo sę eyu, tama agabolo ofa nai mabo dao. Tama tede Godigo dwagi yai homu ebo dao. Tama te tiwai me Krais agai dage tau selama, dagego Godigo homu wali peyu dwagi yai sę yaibao. Tama dagego te dwagi yai sę te tiwai ebaso, God agai te dagego ebo sęde dwagi yai homu yaibao.

Tuni Bidi Dabego Po Elalubo Buku Deli 29:19

“Nago Solomonba wiegi yai homu kolesaga hodolao, eno ogwa da, te agai nago bomai po me nago po mobo mabo wali pelama, tama agai nago te wiegi yai be sę emainao, eno te be sę yabo doado bage sisi ilai dao,” Devitgo te gedu haluasa po tama wali.

Te Israel me Juda Hani Sigo Tuni Bidigo Po Elalubo Buku Deli 6:37

Augwaligo te Genuai Bidigo be sę ebo gagalali te si wabo polua, te kibu be me si me si elama, te Solomon king bidibo sogo te be sę yani. Te polua nogi augwaligo Siv poali. Te poluade digi augwa te genuai masigi wasilibo sę gagaliyu, te masigi dabe daide ugwadu te be sę yainu yalio.

Hibru 11:10

Tama Abraham aga te osogo bidabo ugwa bede bidibode te usu da homu magi baso idualiwe? Woo, sesemane sogo aga te gamonabo hanu suabo homu yai. Abraham aga te hanu tomoba pabo sogo tonaluai. God agaduba deligo naga agai te hanu nigibo homu kolesaga koneama tama aga digi nigai dao.

Hibru 9:11

Te polobadu augwaligo te ugwago nigali lotu bede tama kolesaga yali. Tiali goli megi da, Krais isaligo da, tama aga te wiegi yai nai dabe pedalabo te tobolu pris bidi pedalai. Tama aga te wiegi yai ugwa be mu tomoba pelama, tama tede aga sę ebo, te be te polobadu tǫde elaluali ugwago nigali lotu be te aiyaba elaluai. Bidigo te nogogo me nigibeo, tama te e tǫde nai menio.

Kolosi 2:7

Dagego aga dali wadolama, tama bomo elama aga dali bugagia dąų wao, te ni pedali sele tǫde aba mu peyu dąų olama te ni dąų weyu dolalubo tiwai yao. Tama aga te be dąų wabo tuni ni dali, te be kau ni dali si tiwai dao, tama dage da te be kele ni dabe tiwai elaluyu, tama dage aga dali bugagia dąų weyu bidiąo. Tama tiyu, te bidi Epafrasgo dagebolo ola mani Kraisde konealubo po, te pogo dagebolo bomo momainao, te dagego elalubo bomo genuai usu emainogo yao. Tama bidiyu, tama dagego Godibolo puba hwi po hauwa wao, dagego duga homu te puba hwi pogo pągąnao.

2 Korin 6:16

Mena tama dago te Godigo wiegi yai be dali, te bulu haubo bidigo dali si te deli madi sisinaibawe? Te tiwai me egobeo. Dagego koneani, da digi, da te bidibo ula elalubo Godigo bidabo be tiwai dao, te polobadu Godigo te tiwai po wai, “Te ena augwali dali bidiyu, tama augwali tomode bilaibao. Tama ena augwaligo God bidiyu, tama augwali eno we bidi bidaibao.”

1 Korin 6:19

Te dagego tigi da, te homude Godigo Tedali Wiegi Yai Mobogo be elalubao, te dagego konebewe? Godigo te Tedali Wiegi Yai Mobo te dagebolo manio, tama te Mobo dage tomode bidibao. Dage te dugade digi me elalubo meni.

Sekaraia 6:15

Te digibulu bidali bidi dabe augwali aselama, augwali tau selama, Genuai Bidigo be sę ebo tau sagasaibao. Tama augwaligo sęna silibo si da, teda dagego e tama koneaibao, Tigidali Bomo Elalubo Genuai Bidigo ena taga palama, ena dage dali bidiba, te homu koneaibao. Tialima, dagego God Genuai Bidigo po sese tama bugagia wali peyu da, teda te nai dabe sese tama mu pedelaibao.

Te Israel Tobolu Bidi Dabe 11:26

Te Israel dabego te e tama tǫ sali, te Hesbon me Aroer tama augwaligo dwasianu bulu me, tama te wę Arnon sesegede elaluali tigidali hanu selama, tama te hanu dabede bidada pali te kibu be umabo te 300 bidali. Magi baso dagego te sogo te bulu dabe ma sai meniwe?

Israel Hanigo Namba 1:1

Te si wabo kibu bede te Israel dabe te Isip bulu taga soali tudi badu nosali, te namba 2 poluago namba 1 dei, tede te Genuai Bidigo Moses dali te nai meni yai bulude te Godigo ugwa bede po miani.

Godigo Sęba Tagala Palai Bidigo Po 13:19

Tama Godigo te Kenan tǫde bidali hani a nogo olama, me badu nogo si wagi solama bidai bidi hani ela silali. Tama ela silama, Godigo te tǫ te Israel hanibolo mani.”

Te Israel me Juda Hani Sigo Tuni Bidigo Po Elalubo Buku Deli 6:2

Te habu selali be habu te be tomode dąį te tiwai nigai. Te bobage usu sali te 27 mita, me te genuai da te 9 mita, tama te be pedu dąį badu te 13 me hap mita nigali.

Tuni Bidi Dabego Po Elalubo Buku Deli 6:10

aga te gasa Asaria mego aya da. Te king Solomongo Godigo tempel be te Jerusalemde sę yani sogo te bidi Asaria aga te hetpris bidai dao.

Esra 5:11

Tialima, te Juda dabego te tama po wei ponani, ‘Da te dagalu me tǫ tonalubo Godigo sę bidi dabe dao,’ po wai. ‘Tama polobadu mu te dago bomai king bidi me deligo te tempel be sę yani. Tiali goli, te boi bidi dabego te be dolali, tama dago megi ma sę ebao,’ wali.

Godigo Nogi Ugwaba Sabo Tęąbi Po Wabo Buku Dabe 78:69

Agai te aga genuai tempel be te bulu dude nigali, te aga dagalude elalubo be tiwai. Tama agai te tempel be sesemane te bomo dali elalumainu yali, te e tǫ dili dąų elalubo tiwai gilama emainu yai dao.

Hagai 1:8

Odao. Dage te ugwa bulu duba holama, tama dagego te eno be ma sę yabo ni dabe togolama sao,” wali, “tama dagego ma sę yao, tama eno bugai homu pemene elama gana paibao,” wali. “Tama dagego enaba naga lotu po weyu yao, tama tibo kolesagago ena genuai nogi saibao,” Genuai Bidigo te po wali.

Ma Dobola Sali 12:41

Tama te sogo mu dolo augwali Isip tǫde bidali kibu be bidi sese hauwa 430 mu bidama, tama Genuai Bidigo Israel hani dabe we bidi augwaligo te Isip tǫ taga soai.

Ma Dobola Sali 12:51

Tama te sogo naga Genuai Bidigo te Israel hani tigidali Isipde selama, tama augwali odasa asai.

Tuni Bidi Dabego Po Elalubo Buku Si 3:3

Te Genuai Bidigo tempel be palibo be daga te king Solomongo usu siyu magi yali. Te tama tiwai, aga bobobage te 27 mita usu nama, tama aga genuai te 9 mita usu nama magi yali.

Esekiel 41:1

Te Tedali Gasagi Yai Be Habu te be mabo tiwai be habu tudi badu elalubo. Tama te bidigo ena te Tedali Gasagi Yai Be Habu sunumiba odasa pali. Agai te sunumi usu nigo usu sali. Tama te sunumi sesegede te obo ugwanu dedawali te 3 mita elaluali.