Te Israel me Juda Hani Sigo Tuni Bidigo Po Elalubo Buku Deli 5:7 - Godigo dwagi yai po buku

⁷ Hiramgo Solomongo te po odolama, tama aga haliga te wiegi yai mu yai. Tama agai te tiwai po wai, “Megi dago te Genuai Bidigo nogi ugwaba sinao. Magi baso meni, agai te wiegi yai ogwa te Devitba manigo te aga hasegelimainu elama, tama te bomai bulu tǫ pedai tonalumainu yai. Devitgo te ogwago te kolesaga koneani wiegi yai homu kolesaga elaluai dao,” wali.

Te Israel me Juda Hani Sigo Tuni Bidigo Po Elalubo Buku Deli 5:7 Referans Kwoze

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Bugagia Bidibo Kolesagade Po Asęai Buku 23:24

Te wiegi yai homu elalubo bidigo te doloba pai kolesaga wali pobaso da, teda aga aya te wiegi yai homu pemene ebo dao.

Aisaia 8:18

Genuai Bidi Tigidali Bomo Elalubo Bidi aga te Saion bulu dude bidibao. Agai ena te wai dabe mawai dao. Tama agai da te Israel we bidide yabo sę dąį tiwai ilali.

Bugagia Bidibo Kolesagade Po Asęai Buku 15:20

Te ogwago wiegi yai homu me kolesaga elalubaso da, teda aga aya ida wiegi yai homu pemene yao. Tiali goli, ogwago te esela pabo bidigo kolesaga tiwai ebaso da, teda agai te aga aya ida godolo homu menisiąyu tebao.

Bugagia Bidibo Kolesagade Po Asęai Buku 13:1

Te wiegi yai homu kolesaga elalubo waigo da, agai te aga ayago po odaibao. Tiali goli, hagoma homu ebo bidigo da, te gasa bidigo aga dodolobo kolesaga ebo te aga homude hagela homu ebo dao.

Bugagia Bidibo Kolesagade Po Asęai Buku 10:1

Te e da te Solomongo pęwadage te wiegilama bidibo kolesagade po wali. Agai tama tiwai po wai. Te ogwago wiegi yai homu ebo kolesaga koneai elalubaso da, teda aga aya de ida si wiegi yai homu pemene ilaibao. Tiali goli, te ogwago te esela pabo kolesaga wali pobaso da, teda aya de ida si haliga sęgę mu ilaibao.

Godigo Nogi Ugwaba Sabo Tęąbi Po Wabo Buku Dabe 137:6

Jerusalem, te eno nageba homu kone me isiąyu, tama te eno polalubo pemene ebo homu nageba sa munama, bidisąbaso da, teda eno dogoni dolobaso, tama eno tęąbi ma wainu ebaso, usu me egobeo.

Te Israel me Juda Hani Sigo Tuni Bidigo Po Elalubo Buku Deli 10:9

Eno te Genuai Bidi te nago God nogi ugwaba sobao. Agai bugai homu nageba ebaso, te nage Israel king pedalumainu ilali. Agai dage Israel te wei ebo homu umabo mu elama, tama agai te godolo eyu, wei ebo homu te me siligobeo. Tama tialima, agai nage te king pedalumainogo ilama, te nago te po tų odobo sę dolo mu naga eyu, tama te Israel dabe te wiegi yai doloba pai kolesagago tonalumainu yali dao,” te Seba kwin wego te po wai.

Te Israel me Juda Hani Sigo Tuni Bidigo Po Elalubo Buku Deli 3:9

Tama tibaso, eno homugo nago enabolo te konebo wiegi yai homu kolesaga mao, te tama eno nago te we bidi bugagia tonalumainogo tiao, tama te mena kolesaga te wiegi yai ebo, ma te mena dwai kolesaga ebo me, te eno bugagia dagalamainu te tama tiao. Te meni ebaso da, teda te mena bidi me deligo nago te genuai we bidi hani dabe tonalubaso, te usu egobeo. Ena digi eno te usu mu me egobeo,” wali.

Te Israel me Juda Hani Sigo Tuni Bidigo Po Elalubo Buku Deli 1:48

Tama agai te po wai, ‘Dago te Godigo nogi ugwaba sao, te da Israel dabego Genuai Bidi dao, magi baso meni, megi agai te ena ogwago ena hasegelama, tama eno sę yali pesage siyu, te king pedelali, tama agai enabolo te agai yali sę eno sumainu ilali. Dago te Godiba wiegi yai homu pemene inao,’ Devitgo te po wai,” te bidi Jonatango te po Adoniyabolo wali.

Tigidali Nai Gagalama Nigali Side 33:5

Tama Isogo tonono bilama, suali, te we dabe me, wai puluba dali sulama, tama agai Jekopbolo hanalu wali, “Te e mena we wai nage dali bidibawe?” Jekopgo po wei ponoyu, te po wai, “Godigo wiegi yai kolesaga nago sę bidi enabolo elama, tama agai te wai dabe enabolo mawai dao.”

Te Israel me Juda Hani Sigo Tuni Bidigo Po Elalubo Buku Deli 5:6

“Tama tialima, eno homugo te nago sę bidi dabe tagala palumainu yai, te augwali Saidon dabe, te Lebanon bulu duba pelama, tama eno te be sę emainu yabo ni bǫ dabe togogi pomainu yao,” wai. “Te Saidon dabego te ni togobo te mu koneai, tama eno sę bidi dabego te me konebeo,” wali. “Tiali goli, te eno sę bidi dabego te tau sagasomainu naga te augwali tagala palaibao. Tama nago te naga sę bidi dabe te nisu naga monego abelimainu homu ebaso da, teda eno mayu naga yaibao,” po wai.

Te Israel me Juda Hani Sigo Tuni Bidigo Po Elalubo Buku Deli 5:8

Tialima Hiramgo Solomonba te tiwai po ola tolai, “Eno nago po odama, tama eno tede usu da wai. Tama eno te ni bǫ dabe me te ni wuli dabe te nageba tolaibao,” wai.

Te Israel me Juda Hani Sigo Tuni Bidigo Po Elalubo Buku Deli 4:7

King Solomongo te Israel tǫ pedai dabe tonaluabo polalubo kiap dabe te nogo si olama, sągągo si, te tama bidi nigilali. Te bidi dabego te augwa bulu tǫ pedaide digi te nai gegebo sę elalu, tama te Jerusalemba toloyu, te Solomon me te aga dali bidibo we bidi dabego tumainogo yabo nai toloyu yali. Te deli deli tǫ pedaide te king dali aga hani me tonalubo sę elaluali, te tigidali kibu bede te deli deli poluade tuabo nai te tama tiali.