Te Israel me Juda Hani Sigo Tuni Bidigo Po Elalubo Buku Deli 5:3 - Godigo dwagi yai po buku

³ “Nago koneani, te eno aya Devit te king bidali sogo, agai te aga Genuai Bidi Godigo be te sę yabo sogo te meni yani, magi baso meni, te tigidali sogo te boi bidi dabego agaba hwįagasu iduali. Agai homugo te Genuai Bidigo te boi bidi dabe bolo elalumainu homu elama, tama nosali agai te Genuai Bidigo be sęwaiba homu yali.

Te Israel me Juda Hani Sigo Tuni Bidigo Po Elalubo Buku Deli 5:3 Referans Kwoze

Tuni Bidi Dabego Po Elalubo Buku Deli 28:3

Tiali goli Godigo enabolo e tiwai po walio, ‘Devit, nage te ena pageba asabo we bidi augwaligo lotu wabo be sę yabo dąį ilali bidi nage menio. Magi baso meni, nage te ami bidi bidali sogo nago te bidi hauwa ela muai dao,’ Godigo enabolo te po wali.”

Tuni Bidi Dabego Po Elalubo Buku Deli 22:8

Tiali goli Genuai Bidigo po enabolo mayu, te tiwai po wali, ‘Devit, nago eno be sę enamuo, magi baso meni, nago boi hauwa hwįnama, te bidi hauwa ela muai. Eno suali, nago bidi hauwa ela muani, tama tibaso eno homugo nago te be sę me egobeo. Menio.

1 Korin 15:25

Magi baso meni, Krais te tuni bidi bidimainu eyu, tama bidada pidubadi tama Godigo te boi bidi tigidali augwali aiyaba elaluama siligi pabo si usu nigi paibao.

Malakai 4:3

Eno te sę dabe ebo sogo te dwai sę ebo bidi dabe dagego aiyaba elalueibao, tama augwali te tǫ hogomu agabo tiwai yaibao,” wai dao.

Godigo Nogi Ugwaba Sabo Tęąbi Po Wabo Buku Dabe 110:1

Yawe Genuai Bidigo eno genuai bidiba te tama po wali, “Nago eno dolo nogode dugulalu, te nago boi bidi dabe te eno nage dologoba mubo sogoba usu naibao.”

Godigo Nogi Ugwaba Sabo Tęąbi Po Wabo Buku Dabe 8:6

Nago da sa muyu, te nago nigali nai tigidali tonalumainu yai. Nago te tigidali nai dago dologoba munama, elalubo dao.

Josua 10:24

Augwaligo te augwali te Josua bidiboba odasa aselawai madi, tama agai te Israel dabe tigidali i wali, tama agai te aga dali pali te ami bidi dabego ofisa bidi dabebolo te po wai, “Dage eba aselama, tama dagego sągą te tuni bidi dabego mageba agayao,” wali. Tialima, augwaligo tama tialio.

Efesus 1:22

Tama Godigo tigidali nai mu Krais dologoba muai, tama Krais aga te nai dabe tonaluabo bidi nigilama, tama Godigo po wali pabo we bidi genuai tobolu bidi nigilai.

Te Israel me Juda Hani Sigo Tuni Bidigo Po Elalubo Buku Deli 8:19

Tiali goli, nago digi eno te be me sę egobeo. Menio. Te nago ogwa mu me deligo te eno be sę emainu yaibao, te eno we bidi dabe augwali te ena pąba asomainu yaibao,’ God Genuai Bidigo te po wali.”

Tuni Bidi Dabego Po Elalubo Buku Deli 28:2

Tialima king Devit dolugulama augwaliba te tiwai po walali, “Dage eno hani ama dabe, me te eno we bidi dabe, te eno dageba wabo po odiąo. Eno bomai homu elama te Genuai Bidigo Dąų Wali Bomai Po Muani Halobage muabo wiegi yai be sę yaibao homu yali, tama te be da te dena Godigo dugabo nai sia sai tiwai elalueibao. Tama eno te be sę yabo doado bage sisinani.

Bomai Po 14:5

me bulu hasa dia, me bulu kibu sipsip, me bulu kibu meme, te dagego tuiagameo, me bulu hasa dabe te bulu dude bidibo, te hasa dabe tuiagameo.

Tuni Bidi Dabego Po Elalubo Buku Si 9:4

Tama kwingo Solomongo wiegi yai tubo nai dabe tigidali be posobo sogo tubo suali. Tama me agai suali, ofisa bidi dabe Solomon dali dualama, Solomon dali nai tubo suali. Tama agai kingo sę bidi dabe suyu, me augwaligo gudubo au doado bage dabe me agai suali. Tama me agai te wain ąį dobabo bidi dabe me augwaligo mubo au doado bage dabe me suali. Tama me agai te Solomon agai hani dali augwali Genuai Bidigo tempel be ugwa holiyu ebo wiegi yai kolesaga ebo me agai suali. Agai te wiegi yai sę dabe ebo sulama, tama aga noma guda pelama, tama aga po menia sali.

Nehemia 5:17

Tigidali side te bidi sese hauwa te 150 we bidi eno beba nai tuagasali. Te augwali tobolu bidi dabe dali, te Juda olo we bidi dali, te nai tuagasiyu idualio. Tama te gasa bulu tǫ pedai we bidi dabego da suagasobo sogo da, teda augwali me te eno bede nai tuai dao.

Nehemia 5:18

Eno te tiwai po te nai ulubo bidi dabebolo wai, te tigidali nai ulubo sogo augwaligo te bulmakau omai me deli elama ulali, tama te wiegi yai sipsip te a naga olama, me nogo deli uluyu yai, tama te ba kakaruk te hauwa te we bidi dabego tumainu ulali. Tama te nogo si nogo si side te nai ulubo bidi dabego te we bidi dabego tuabo wain wę hauwa mu siąo wali. Te Juda we bidide genuai sęgę elalubo eno koneani, tama tiyu, te kingo enabolo te nai abelabo mone te we bidide sao po obaso, te eno me sabeo. Menio. Eno te nai ena monego digi abelali.