Te Israel me Juda Hani Sigo Tuni Bidigo Po Elalubo Buku Deli 5:15 - Godigo dwagi yai po buku

¹⁵ Tama Solomongo te masigi togwabo te 80,000 bidi me selama, tama augwali te bulu du pesagede te masigi togobo sę yali. Tama agai te masigi dabe tolabo bidi te 70,000 bidi salio.

Te Israel me Juda Hani Sigo Tuni Bidigo Po Elalubo Buku Deli 5:15 Referans Kwoze

Nehemia 7:60

Te Godigo tempel bede sę ebo bidi dabe me, te Solomongo sę bidi dabe dali, te augwa page buluba ma asali bidi, te 392 dao.

Nehemia 7:57

Te gasa hani dabe augwali te Solomongo sę ebo bidi nogi yali, augwali me te augwa page buluba ma asai. Augwali te bage dabego hani dabe, Sotai, Soferet, Perida,

Esra 2:58

Te Godigo tempel bede sę ebo bidi dabe, me te Solomongo sę yali bidi dabe, te augwa page buluba pali bidi dabego namba e tama, te 392 dao.

Josua 9:21

Te augwali bidimainu sula tagaliyu, tiali goli augwaligo te dago isi me wę dabe sela mabo sę emainao.” Te genuai bidi dabego te tiwai po naga walai. Te po obaso, te Israel dabego te Gibeon bage elebeo.

Tuni Bidi Dabego Po Elalubo Buku Si 2:2

Tama tialima agai 80,000 bidi dabe te bulu du dabede masigi du togobo sę emainu sa muani, tama me 70,000 bidi dabe te masigi dabe tolama usa yabo bidi dabe sa muani, tama agai te sę tonaluabo bos bidi dabe te 3,600 bidi dabe sa muani.

Josua 19:29

Tama te dąį begelama, te Rama teba pelama, tama te Tairba pedelali, te hanude te dila pai obo masigigo bagulai elaluali. Tama te dąį begelalima, te Hosaba pelama, tama pali, te Mediterenian Tamu Ąį te badu sabolali. Te tǫ pedaigo te Mahalap, me Aksip sobadi,

2 Samuel 5:11

Te king Hiram te Tair taun bidigo te polalubo bidi meba te Devitba tagala palali. Tama agai te wiegi yai ni bǫ tigi dabe me, te be sę ebo kamda bidi me, te masigide sę ebo koneai bidi dabe augwali tagala palama, te king Devitgo genuai be sę emainu yai.

Tuni Bidi Dabego Po Elalubo Buku Deli 14:1

Te king Hiram te taun Tair bidigo te agai gavman ofisa bidi meba te Devitba tagala palali. Tama me agai te ni bǫ tigi dabe me te kapenda bidi dabe dali, te masigigo be nigibo sę yabo bidi dabe me tagala palali, te augwaligo king Devitgo genuai wiegi yai be sę emainogo yai dao.

Tuni Bidi Dabego Po Elalubo Buku Si 2:1

Te Solomongo Genuai Bidigo lotu be me deli genuai sęnama tama te we bidi te beba aselama, Genuai Bidiba lotu po wagasiyu yabo be sę yabo homu kone palali. Tama agai aga be sę yabo homu kone me palali.

Godigo Nogi Ugwaba Sabo Tęąbi Po Wabo Buku Dabe 45:13

Te kingo gesi we te aga be habude bidibao, tama aga te gasa sawi yai mu. Agai te ugwa augwaligo te nigilama, tama te golgo nigai hobigo au ilai ugwa muai.