Te Israel me Juda Hani Sigo Tuni Bidigo Po Elalubo Buku Deli 5:1 - Godigo dwagi yai po buku

¹ Polobadu Hiram te Tair hanu king bidigo te Devit dali wiegi yai abagi olama bidai. Tama Hiramgo odali, te Solomongo te Devit hasegelama, tama te king pedelali po odobaso, agai te tobolu bidi mebago te Solomon sugi pomainogo tagala palai dao.

Te Israel me Juda Hani Sigo Tuni Bidigo Po Elalubo Buku Deli 5:1 Referans Kwoze

Tuni Bidi Dabego Po Elalubo Buku Deli 14:1

Te king Hiram te taun Tair bidigo te agai gavman ofisa bidi meba te Devitba tagala palali. Tama me agai te ni bǫ tigi dabe me te kapenda bidi dabe dali, te masigigo be nigibo sę yabo bidi dabe me tagala palali, te augwaligo king Devitgo genuai wiegi yai be sę emainogo yai dao.

Tuni Bidi Dabego Po Elalubo Buku Si 2:3

Tama Solomongo te king Hiram te taun Tair bidibolo po ola toliyu, e tiwai po wali, “Polobadu nago eno aya king Devit agai aga be sę emainogo nago agabolo ni bǫ tolai dao. Tama tialima, eno homugo nago te tiwai deli kolesaga naga ena dali me yao.

2 Samuel 5:11

Te king Hiram te Tair taun bidigo te polalubo bidi meba te Devitba tagala palali. Tama agai te wiegi yai ni bǫ tigi dabe me, te be sę ebo kamda bidi me, te masigide sę ebo koneai bidi dabe augwali tagala palama, te king Devitgo genuai be sę emainu yai.

Te Israel me Juda Hani Sigo Tuni Bidigo Po Elalubo Buku Deli 5:10

Tama tialima, Hiramgo te ni bǫ me wuli te hauwa mu te Solomonba tolali, te Solomongo dąį ilali namba usu nama tama tolai dao.

Amos 1:9

Genuai Bidigo wabo po e dao, “Hauwa sogo te taun Tair we bidi dabego dwai sęgę sabo sę idu geai. Augwaligo tebode dwasianu toma me nabeo. Menio. Augwaligo te Israel we bidi hani me deli sese ela gudulama, te tǫ kantri Idomba kalabus sę emainogo sela palio. Polobadu augwaligo te Israel hani bidi augwali dali te po me deli dąų walama, te augwa hodobo deliba bugagia bidinao wali, tiali goli augwaligo te dąų walali po bolali. Tama tialima, te mu tama, eno te Tair dabeba dwai dene sęgę mabo sę yaibao.

Godigo Nogi Ugwaba Sabo Tęąbi Po Wabo Buku Dabe 45:12

Te Tair bulu we bidi augwaligo te nageba wiegi yai homu ilibo nai dabe sesaibao, tama te mone hauwa elalubo bidi dabego me te nageba wiegi yai homu ebo nai dabe mawaibao.

Te Israel me Juda Hani Sigo Tuni Bidigo Po Elalubo Buku Deli 5:13

King Solomongo te Israel bulu tǫ tigidali pedai badu te 30,000 bidi selama, tama augwaliba weyu, agai te sę yao po wai dao.

2 Samuel 8:10

Tama tialima, Toigo aga ogwa tagala palali, Joram, te king Devitba pelama, te wiegi yai homu iliyu, siade da po wagi peyu, tama Devitgo te Hadateser aiyaba elaluali te wiegi yai homu pemene ilibo po wagi pomainogo tagala palai. Te Devitgo te Hadateser aiyaba elalualide te king Toi aga wiegi yai homu pemene yai, magi baso meni, te hauwa sogo Hadatesergo te Toi dali boi bidi iduali. Tialima, Joram te Devitba aselama, tama agaba te wiegi yai homu ilibo nai dabe magasali, te augwa te silvago, me golgo, me brasgo nigai dao.

Aisaia 23:1

Genuai Bidigo te hanu Tairde pedalabo sę dabe po mani. Te genuai sip dabe, dage tamu węde bilibo sip dabe, dage hobede elama, gela waiąo. Magi baso meni. Dagego bulu Tair sese tigidali polo dolai dao. Tama tede be me dolalubeo, te bulude. Me, te sip dabe tubo pesage tede dolai dao. Nago te sę te ailan Saiprus tagalama, ma asobode dagego koneaibao.

Tigidali Nai Gagalama Nigali Side 15:18

Te side digi tama te Yawego tau sabo bomai po Abram dali dąų weyu, tama agai tama po wali, “Te eno te e tǫ tigidali te nago nosali ame nabo bulai wai, te hani dabe augwalibolo mawaibao. Tama te tǫ dąį te wę sesedu te Isip dabe tǫ pedai badu gagalasa, te genuai wę Yufretis teba saboligi paibao, moni tǫ mu.

Ma Dobola Sali 34:24

Nosali da, eno dagego tǫde megi te bidibo we bidi hani augwali sela sąnama, tama dagego tǫ dąį genuai ilaibao. Tama dagego enabolo lotu wagasobo sogo, te tigidali kibu bede sela sogo naga te lotu po weyu, tama dagego tama tibadi, te boi bidigo dagego tǫ sainogo homu me egobeo.”

Israel Hanigo Namba 24:7

Te tulubage hauwa te Israel buluba tulaibao. Tama te Israel dabe augwa nai dabe te wiegi yai tǫde bulaibao. Te Israel dabego tuni bidigo bomo me genuai nogigo te Agak tuni bidigo nogi aiyaba elaluaibao. Tama Israel dabego tuni bidigo we bidi hani hauwa mu tonaluaibao.

Bomai Po 20:11

“Augwaligo dagego pode usu dao olama, tama augwaligo hanu genuai sunumi dabe olo dabaso da, teda augwali dage dologode bidiyu yaide augwali kalabus sę emainao.

1 Samuel 10:27

Tiali goli, te hagoma ebo bidi mebago te po wai, “Magi elama tama, te bidigo da tau saibawe?” Tama augwaligo te Sol hagela homu mu elama, tama augwaligo te wiegi yai nai me deli agaba me ma mabeo. Tiali goli, Solgo te po me deli augwaliba me wabeo.

Te Israel me Juda Hani Sigo Tuni Bidigo Po Elalubo Buku Deli 10:25

Te tigidali kibu bede te bidi dabe asiyu, tama tigidaligo te Solomonba wiegi yai homu eyu maiabo nai sesali. Augwaligo te bidi dabego te silvago me golgo nigai nai dabe sela asiyu, me augwaligo te wiegi yai ugwa dabe, me te hwįbo nai dabe sesali, tama te tobage pauda me te wiegi yai denami ebo nai, te hos dabe, me te donki dabe, te sela asiyu yai dao.

Tuni Bidi Dabego Po Elalubo Buku Si 9:26

King Solomongo te tigidali kantri king bidi dabe tonaluali, te moni pabo ąį nogi Yufretis gagalasa pelama, kantri Filistiadu pelama, kantri Isip dąį usu nigi pali.

Tuni Bidi Dabego Po Elalubo Buku Si 17:11

Tama te Filistia dabe mebago takis abelainogo agabolo silva dabe meba sesali, tama me augwaligo Jehosafatbolo meba doado bage dabe sesali. Tama me te Arebia dabego me agabolo 7,700 sipsip kibu me 7,700 meme kibu omai dabe te Jehosafatbolo magasali.

Esra 4:20

Polobadu te bomai king dabe te Jerusalemde bidiyu, tama augwaligo te wę Yufretis te badu provins dabe tigidali badu tonaluai. Tama augwaligo te we bidi tigidalide takis mone sai dao.

Godigo Nogi Ugwaba Sabo Tęąbi Po Wabo Buku Dabe 72:8

Aga te king bidiyu, tama te tamu ąi pąbadu bidalubo tigidali we bidi me, te tamu ąį digibulu badu bidalubo we bidi me, te tonaluaibao. Tama agai tǫ dąį te wę Yufretisde gagalasa palama, te tigidali bulu tǫ pedaiba usu nigi paibao.

Godigo Nogi Ugwaba Sabo Tęąbi Po Wabo Buku Dabe 80:12

Tiali goli, magi baso nago te wain gi bagulali obo dabe alualiwe? Megi da, te sunumidu soabo we bidi dabe augwaligo te wain gi du dabe wi saibao.

Esekiel 19:11

Te ni nologo dabe boma pelama, tama augwaligo te nologogo te kingo tolasa bilibo dono nigibaso, usu yaibao. Te ni bobage mu holama, te pąde dagalu diągulainu yali. Tigidali we bidigo suali, aga bobage mu holali, te nologo me yabe hauwa elaluai dao.