Te Israel me Juda Hani Sigo Tuni Bidigo Po Elalubo Buku Deli 4:5 - Godigo dwagi yai po buku

⁵ Asaria, te Natango ogwa, agai te polalubo kiap dabe tonalubo sę elaluai. Pris Sabut, te Natango ogwa, agai te kingba wiegi yai homu kolesaga mabo sę ebo bidi bidai.

Te Israel me Juda Hani Sigo Tuni Bidigo Po Elalubo Buku Deli 4:5 Referans Kwoze

Tuni Bidi Dabego Po Elalubo Buku Deli 27:33

Te Ahitofel aga te kingba wiegi yai homu kolesaga mabo polalubo bidi bidali, tama Husai te Arka bulu bidi aga te kingo wiegi yai abagi mu dao.

2 Samuel 16:16

Tama nosali, Husai, te Devitgo abagi, pali, te Apsalom dali deliba gesabidi si ununama, tama agai Apsalomba i weyu, te tama po wali, “King o, nage te sesabi gana elama, bidagameo!”

2 Samuel 15:37

Tialima, Husai, te Devitgo abagigo te Devitgo po wali pelama, tama te Jerusalemba ma geasa palio. Te aga pelama, te Jerusalemba sabaligi pabo sogo, te Apsalom me te hanuba sabolagasalio.

Jems 2:23

Tama tiyu, Abraham agai tama tiai, tama nosali Mosesgo te Godigo po meba te bukude agai asęai, “Abraham agai te Godigo pode konealubo po dąų wai. Tama tibaso, Abraham aga te Godigo gedude wiegi yai doloba pai bidi mu pedalai,” Mosesgo tama po asęai. Tama me, te Godigo Abrahamde dali te po wai, “Aga eno abagi dao.”

Dwagi Yai Gesi Po Jongo Asęani 13:23

Te augwali tomode bidi me deli te Jisasgo aga dali dwagi yai homu eyu tama mu godola pabo, te bidi aga pąde bidai.

Bugagia Bidibo Kolesagade Po Asęai Buku 22:11

Te bidi God gedude te magi sę me isąwai te wiegi yai bidabo homu eyu, tama agai po wiegi yai obaso da, teda te king aga abagi pedelaibao.

Te Israel me Juda Hani Sigo Tuni Bidigo Po Elalubo Buku Deli 4:7

King Solomongo te Israel tǫ pedai dabe tonaluabo polalubo kiap dabe te nogo si olama, sągągo si, te tama bidi nigilali. Te bidi dabego te augwa bulu tǫ pedaide digi te nai gegebo sę elalu, tama te Jerusalemba toloyu, te Solomon me te aga dali bidibo we bidi dabego tumainogo yabo nai toloyu yali. Te deli deli tǫ pedaide te king dali aga hani me tonalubo sę elaluali, te tigidali kibu bede te deli deli poluade tuabo nai te tama tiali.

2 Samuel 20:26

tama Jair hani bidi Ira, aga me te Devitgo pris bidi bidai dao.

2 Samuel 12:25

Tama tiyu, agai te profet Natan te Devitba tagala palama, te waiba te nogi Jedidia momainu yalio.

2 Samuel 8:18

Tama Benaia, te Jehoiadago ogwa, tego te king Devit tonalubo ami bidi dabe te augwa tonalubo sę yali, te augwali Keret me Pelet hani dabe da. Tama te Devitgo ogwa dabe te pris bidi bidai dao.

2 Samuel 7:2

Tama kingo profet Natanbolo te tiwai po wali, “Ena te augwaligo te ni bǫgo sęwai wiegi yai genuai be me delide bidibao, tiali goli te Godigo Dąų Wali Bomai Po Muani Halobage te ugwa bede naga munalubao. Te dolo meni da, homu ebao,” wali.

Te Israel me Juda Hani Sigo Tuni Bidigo Po Elalubo Buku Deli 4:6

Ahisargo te kingo bede sę ebo sę bidi dabe tonaluali. Adoniram, te Apdago ogwago, te kingo sę yao po wabo sogo te bidi dabe tonaluali.

2 Samuel 5:14

Te ogwa dabego nogi te e tiwai elaluali, Samua, me Sobap, me Natan, me Solomon,