Te Israel me Juda Hani Sigo Tuni Bidigo Po Elalubo Buku Deli 4:34 - Godigo dwagi yai po buku34 Te tigidali bulu tǫ pedaide king dabego te Solomongo koneani wiegi yai homu kolesaga te hauwa elalubo po odolama, tama agai te wiegi yai po odagasomainogo, te augwa bidi meba agaba tagala palai dao. Gade chapit la |
Te Israel me Juda Hani Sigo Tuni Bidigo Po Elalubo Buku Deli 4:34
6 Referans Kwoze
Te Seba tǫ pedai kantri polalubo we, te kwin wabo we, te kwingo te tama po odali, te Genuai Bidigo te Solomon bugagia wiegi yai ilama, tama te Solomongo genuai nogi elalubo po odali. Tama tiyu, te kwin we aselama, te Solomonba te gegeda pai hanalubo po meba, te Solomon aga usu sabo hanalubo po meba, te agaba hanalu wagasali.
Te sogo te nogo si bidi, te haniani po wabo bage, te digibulu dabedu asama, te Juda bidi me deli pageabi elama tolalu, tama augwaligo te tiwai po waibao, ‘Dago te tiwai odali, te God dage dali bidibao wali. Tibaso, da me dage Juda bage dali deli hani pedelaibao homu ebao,’ te po waibao,” Genuai Bidigo te po wali.
Te kantri Seba kwin we, te polalubo wego Solomongo genuai nogi elalubo po odali. Tama tialima, te kwingo Solomonbolo bidi me deligo wei ponabo usu isąyabo hanalubo po hanalu wainogo asali, te Solomongo kolesaga usu sela suainogo. Kwingo Jerusalemba aga sę bidi dabe hauwa me kibu kamel sibi hauwa dali asali. Te kamel kibu dabego gol dabe hauwa mu tolasa asiyu, me wiegi yai denami ebo pauda dabe hauwa, me te genuai umabo monego abelabo wiegi yai masigi dabe dali sesali. Tama te kwin polo sabolagaselama, teda agai te bomai bidigo ponobo usu isąwai po hanalu wainu kone palali po dabe Solomonbolo hanalu wali.
Te agai wali po dabede te tiwai te tobage tigidali nai dabede po peni togoliyu, mesegelama wali, te genuai ni te tiwai te Lebanon moni ni bǫ, me te dwasianu ni te hisop te masigi obo dabede holobo ni po wali. Tama agai te tobage hasa me, ba me, yogeai me, sųgų, te tama tobage nai dabede po me wai dao.
Piblisite